YouTube Music-en musika eta podcastak aurkitu

YouTube Music-ekin, gustatzen zaizkizun musika eta podcastak entzun ditzakezu. Lortu YouTube Music aplikazioan musika eta podcastak arakatzeko eta aurkitzeko argibideak.

Entzuteko modua pertsonalizatzeko YouTube Music aplikazioa erabili eta nabigatzeko argibideak

Oharra: baliteke herrialde edo lurralde jakin batzuetako erabiltzaileek esperientzia desberdinak izatea produktuekin.

Orri nagusia fitxan musika eta podcastak aurkitu

YouTube Music-en Google-ko kontuarekin saioa hasten duzunean, kate pertsonalizatuak eta gomendioak aurki ditzakezu, une bakoitzean duzun aldartean, egiten ari zaren jardueran edo entzundakoen historian oinarrituta. Halaber, YouTube-n entzun dituzun abesti eta podcastetan oinarritutako gomendioak ere ikusiko dituzu.

Gomendio berriak aurkitzeko, joan Orri nagusia fitxara . Iradokizunak iragazteko, sakatu orri nagusiaren goialdean dagoen kategorietako bat.

Orri nagusia fitxatik gomendio pertsonalizatuak kendu

Gomendatutako edukia kentzeko:

1. Sakatu luze kendu nahi duzun edukia.
2. Hautatu Ez zait interesatzen edukia gomendioetatik kentzeko.

Kentzeko ekintza desegiteko, sakatu Desegin gomendioa kendu ondoren pantailaren behealdean agertzen den jakinarazpenean.

YouTube Music-etik edukia kentzeak ez du eraginik YouTube-ko gomendioetan.

Kanalen gomendioak doitu

Artista edo kanal batetik gomendatutako edukia kentzeko:

1. Orri jakin batzuetan, hala nola orri nagusian, bilatu gomendatzea nahi ez duzun kanal bateko edukia.
2. Sakatu luze edukia.
3. Hautatu Ez gomendatu artista edo Ez gomendatu kanala .

Kentzeko ekintza desegiteko, sakatu Desegin gomendioa kendu ondoren pantailaren behealdean agertzen den jakinarazpenean.

YouTube Music-etik edukia kentzeak ez du eraginik YouTube-ko gomendioetan.

Ezabatu edukia ez interesatzearen inguruko adierazpenak

Baliteke "Ez zait interesatzen", "Ez gomendatu artista" eta "Ez gomendatu kanala" adierazpenek gomendioetan eragina izatea. Bidali dituzun adierazpenak ezabatzeko:

1. Sakatu profileko argazkia .
2. Sakatu Ezarpenak Pribatutasuna eta datuak Kudeatu nire oharrak.
3. Sakatu ikurra adierazpenak ezabatzeko .

Musika eta podcast berriak arakatu

Arakatu fitxan, liburutegian gehi ditzakezun musika eta podcast berriak daude. Ikusi zure herrialdeko edo lurraldeko kaleratze ezagunak, generoak, erreprodukzio-zerrendak, atalak eta gauza gehiago, edo arakatu kategoriaren arabera.

Liburutegia hornitu

Liburutegia fitxan, gordeta dauzkazun abestiak, erreprodukzio-zerrendak, albumak eta podcastak daude. YouTube Music Premium-eko kideek azkenaldian erreproduzitutako abestiak, erreprodukzio-zerrendak eta deskargatutako edukia ere ikus ditzakete.

Musika eta podcastak bilatu

Bilaketa-barraren bidez, zure interesekin bat datozen musika eta podcastak aurkitu ahalko dituzu. Erabili orriaren goialdeko kategoriak emaitzak iragazteko.

Halaber, audio-bilaketa ere erabil dezakezu. Audio-bilaketak mikrofonoa erabiltzen du abestiak identifikatzeko, eta YouTube Music-en bat-etortzeak aurkitzeko.

YouTube Music-eko liburutegia soinu-bilaketarekin hornitu

Audio-bilaketa bat abiarazteko:

1. Ziurtatu mikrofonoa gaituta dagoela.
2. Hasi saioa YouTube Music aplikazioan .
3. Sakatu goialdean eskuinetara.
4. Sakatu .
5. Erreproduzitu, abestu edo kantatu ahopean abesti bat.

Bat-etortzerik aurkituz gero, abestia erreproduzi dezakezu, edo liburutegian gorde. Bat-etortzerik ez badago, sakatu berriro saiatzeko.

Gogoko dituzun artistekin konektatuta egon

Erabili orri nagusiko goialdean eskuinetara dagoen Jardueren jarioa jarraitzaile zaituzten artisten kaleratze berriak, lagunek aukeratutako erreprodukzio-zerrendak eta abar aurkitzeko. Gainera, bideoetako iruzkinak eta gustatu izanaren adierazpenak ikus ditzakezu, edo zure harpidedunekin interakzioak izan.

Artisten edo kanalen orriak arakatu

Joan artisten edo kanalen orrietara sortzaileei buruzko xehetasunak ikusteko; adibidez, harpidedun kopurua, gehien entzundako abestiak eta kaleratze berriak. Halaber, liburutegian gehi ditzakezun musika eta podcastak aurki ditzakezu, edo musika deskargatu, konexiorik gabe entzuteko.