Notaðu YouTube-hlaðvarpsmerki

Til að auðvelda hlustendum að finna hlaðvörpin þín á YouTube geturðu sett inn hlaðvarpsmerki á vefsvæðið þitt, samfélags- eða prentmiðla. Veldu þann valkost hér að neðan sem hentar þér til að kynna þáttinn þinn og auðvelda hlustendum að finna nýja þætti.

Veldu og sæktu hlaðvarpsmerki

Veldu þá gerð YouTube-hlaðvarpsmerkis sem hentar þínum markaðsþörfum best. Sæktu merki með aðstoð tenglanna hér að neðan.

Sækja núna	Sækja núna	Sækja núna

Skilyrði fyrir merki

Þegar þú notar YouTube-hlaðvarpsmerki skaltu eingöngu nota þá hönnun sem YouTube hefur úthlutað. Ef þú vilt breyta útliti merkis að einhverju leyti skaltu fylla út þessa beiðni.

Til að koma í veg fyrir mistök skaltu hafa eftirfarandi vinnubrögð í huga:

• Notaðu eingöngu skrárnar hér að ofan. Forðastu að nota annað myndefni frá YouTube, t.d. YouTube-lógóið eitt og sér.
• Láttu gráa rammann fylgja með þegar þú birtir merkið.
• Gættu þessa að ákallaskilaboðin séu forstillt í mynd merkisins. Á meðal ákalla sem hægt er að velja um er „Kemur út“, „Horfa á“ og „Hlusta á“.
• Ekki breyta, skekkja, setja hreyfingu á, snúa, halla eða setja brellur á merkið.

Leiðbeiningar um stærð

Stærð merkisins fer eftir því hvar þú ætlar að nota það.

• Fyrir stafræna miðla ætti hæð myndarinnar að vera að minnsta kosti 20 pixlar.
• Fyrir prentmiðla ætti hæðin að vera að minnsta kosti 0,125 tommur (3,1 mm).

Gættu þess að merkið sé ekki stærra en leyfileg hámarksstærð myndar.

Autt svæði

Í kringum merkið skaltu hafa autt svæði sem er að minnsta kosti einn tíundi hluti hæðar merkisins að þykkt. Ef hægt er skaltu hafa auða svæðið enn stærra en svo.

Ekki láta myndir, letur eða annað myndefni ná inn á auða svæðið.

Bakgrunnar

Þegar þú setur inn merki skaltu huga að bakgrunninum svo að áhorfendur sjái merkið auðveldlega. Veldu einn af eftirfarandi bakgrunnum fyrir birtingu merkis:

• Svartan, hvítan eða annan hreinan lit
• Mynd sem ekki dregur úr læsileika

Athugaðu: Grái ramminn í kringum merkið er hluti af merkinu og á að fylgja með þegar merkið er birt.

Bæta merki við miðla

Notaðu bara merkin á vefsvæðinu þínu, samfélags- og prentmiðlum. Staðsettu merkið fyrir neðan eða hægra megin við kynningarefni. Merkið á að vera minna en aðrar myndir á síðunni.

Til að bæta við merki skaltu nota eftirfarandi snið fyrir myndina:

• Stafrænar eignir nota SVG-snið (Scalable Vector Graphics).
• Prentmiðlar nota EPS-snið og aðlaga litaprófílinn að þörfum prentarans.

Tengja merki við RSS-strauminn þinn

Ef hlaðvarpið þitt er ekki á YouTube geta hlustendur þínir bætt RSS-straumnum þínum við YouTube Music-forritasafnið sitt með því að nota merki þáttarins.

Svona tengirðu RSS-strauminnn þinn við merki:

1. Afritaðu vefslóð RSS-straumsins.
2. Kóðaðu vefslóð RSS-straumsins gegnum vefslóðarkóðun eða base64-kóðun. Ef þú notar base64-kóðun verður vefslóð RSS-straumsins ekki lesanleg.
3. Tengdu merkið við https://music.youtube.com/library/podcasts?addrssfeed=vefslóð kóðaða RSS-straumsins.

Hlaðvarpið verður ekki tiltækt á YouTube þótt þú tengir merki við RSS-strauminn þinn. Hlaðvarpið þitt verður ekki gjaldgengt í hlaðvarpseiginleika svo sem leit og uppgötvun sérstaklega fyrir hlaðvörp, deilingu á meðal notenda eða birtingu á youtube.com/podcasts. Nánar um hlaðvörp á YouTube.