Vind uit hoe goed jou Kortvideo's presteer. Gaan na die Inhoud-oortjie in YouTube Studio Analytics. Hier sal jy ’n "Kortvideo's”-skyfie sien waar jy data sal kry oor dinge soos kyke, opmerkings, hermengings, en ander maatstawwe.
Inhoudoortjie in Analytics (rangskik volgens Video's, Kortvideo's, Regstreeks of Plasings)
Sleutelstatistieke
2 nuwe prestasiemaatstawwe vir Kortvideo’s! 📊🤳
Die eerste verslag wat jy sal sien, is die sleutelstatistiekekaart, wat die verandering in belangrike maatstawwe oor ’n tydperk wys. Die tydlyn sluit publikasiedatums vir jou Kortvideo’s in as hulle op ’n rekenaar gekyk word. Jy kan ook deur die syfers blaai om te sien hoe hul waardes oor ’n tydperk én rondom publikasiedatums verander.
|
Kyke |
Opduime
|
| Definisie: Hoeveel keer jou Kortvideo's gekyk is. Dit word vergelyk met hoe jou Kortvideo's gewoonlik presteer. | Definisie: ’n Verandering in totale opduime is die verskil tussen die opduime en afduime op jou Kortvideo's. |
| Insig: Hierdie maatstaf kan jou oor ’n tydperk help om Kortvideo's wat goed presteer raak te sien, seisoenale veranderinge te voorspel, en te bepaal wanneer om nuwe Kortvideo's op te laai. | Insig: Jy kan oor ’n tydperk patrone in jou gehoor se veranderende voorkeure identifiseer. |
|
Intekenaars
|
|
| Definisie: Verandering in intekenaars vergeleke met hoe jy gewoonlik presteer. | |
| Insig: Hierdie maatstaf kan jou mettertyd help verstaan waarom kykers by jou kanaal inteken of uitteken. | |
|
Wys in stroom |
|
| Definisie: Die aantal kere wat jou Kortvideo's in die Kortvideo's-stroom gewys is. | |
| Insig: Hierdie maatstaf kan jou mettertyd help om te verstaan hoe jou Kortvideo's vaar om jou inhoud te optimeer. | |
Top-Kortvideo’s
Hier is ’n lys van jou gewildste Kortvideo's volgens kyke gerangskik.
- Sien jy ’n patroon in die Kortvideo's wat die meeste kyke kry? Dit kan jou dalk idees vir nuwe inhoud gee.
- Het jy ’n Kortvideo waaroor kykers dol is? Vind uit wat jy dink dit gewild maak, maar probeer om nie elke video teen ’n blitstreffer te vergelyk nie.
Hoe kykers jou Kortvideo’s kry
Hierdie verslag lig uit waar gehore jou inhoud kry.
|
Algeheel |
Eksterne werwe of apps |
| Hier is ’n lys van die gewildste van al die bronne. Dit sluit plekke sowel buite as binne YouTube in. | Buite YouTube kan gehore jou dalk kry deur internetsoektogte, ingebed in ander werwe, ensovoorts. Dink oor jou teenwoordigheid op hierdie eksterne werwe. As jy jou video's op jou ander sosialemediaplatforms deel, kan dit kykers terugbring na YouTube toe. |
|
YouTube-soekterme |
Voorgestelde video’s |
| Dit is ’n lys van al die gewilde soekterme en woorde wat gehore gebruik om jou inhoud te kry. Hierdie kykie in die onderwerpe of woorde wat die meeste gesoek woord, kan jou help met idees om vir inhoud te oorweeg. | Verkeer vanaf voorstelle wat langs of ná ander video's verskyn en vanaf skakels in videobeskrywings. |
|
Snitlyste |
|
|
Verkeer vanaf enige snitlys wat een van jou video's bevat het. Hou aan om jou snitlyste op te dateer en organiseer sodat kykers verwante video's maklik kan kry. |
|
Hoeveel gekies het om te kyk
Hierdie verslag vestig die aandag op die persentasie kere wat kykers jou Kortvideo’s gekyk het teenoor om weg te swiep.
Tophermengings
Hierdie verslag gee ’n visuele oorsig van jou hermengingkyke, totale hermengings en top- hermengde inhoud. Jou tophervermengde inhoud dui aan hoeveel potensiaal jou inhoud het om ’n neiging te begin of kreatiwiteit te ontlok. Jy kan die verslag volgens soort hermenging filtreer: klank, Cut of groenskerm.
- Hervermengings gee vir jou ’n aanduiding van watter inhoud verder as net jou gemeenskap gestrek het.
- Neem kennis van die Kortvideo's wat help om kreatiwiteit oor die Kortvideo's-stroom heen te inspireer.
Dinge om in gedagte te hou
- Kyktyd (ure) en gehoorbehoud is sleutelstatistieke wanneer jy jou gehoor se betrokkenheid by jou inhoud wil vasstel.
- Wanneer een van jou video's goed presteer, kan jy kyk wat het gemaak dat dit uitstaan en of jy sleutelelemente uit daardie video kan herhaal.
- Gaan kyktyd, opduime en opmerkings na om uit te vind hoe jou gehoor reageer wanneer jy iets nuut probeer.
Ons beveel aan
- Kyk na sowel inhoud wat goed presteer as inhoud wat nié goed presteer nie. Stel vas wat die verskille tussen die twee is sodat jy jou kan toespits op die uitbreiding en verbetering van jou Kortvideo's.
- Leer uit die data, maar moenie gestres wees daaroor nie. Maak seker dat jy na ontledings van jou Kortvideo's kyk sodat jy ingeligte besluite kan neem oor waarheen jy met jou inhoud op pad is. Moenie oor fluktuasies bekommerd wees nie, want hulle kan jy te wagte wees.
- Somtyds moet jy jou inhoud omskep. As jy nie tevrede is met jou huidige inhoud nie of jou gehoor reageer nie daarop soos hulle voorheen het nie, is dit dalk tyd om te oorweeg om ’n paar kreatiewe risiko’s te neem.
Volgende: kyk na wenke om te leer watter inhoud om te skep