ເຄັດລັບໃນການນຳທາງໄປຫາສ່ວນຕ່າງໆເພື່ອສຳຫຼວດເນື້ອຫາ YouTube ຢູ່ອຸປະກອນມືຖືຂອງທ່ານ
ຕິດຕາມ ຊ່ອງຜູ້ຊົມ YouTube ສຳລັບຂ່າວຫຼ້າສຸດ, ຂໍ້ມູນອັບເດດ ແລະ ເຄັດລັບຕ່າງໆ.
ດ້ວຍຄຸນສົມບັດບົດ ແລະ ການເລື່ອນຂອງ YouTube, ທ່ານສາມາດໄປຫາວິດີໂອທີ່ທ່ານກຳລັງເບິ່ງໄດ້ຢ່າງວ່ອງໄວ ແລະ ງ່າຍດາຍ. ການເລື່ອນແມ່ນເມື່ອທ່ານໃຊ້ຕົວຄວບຄຸມເວລາ, ເຊິ່ງເປັນຈຸດສີແດງໃນແຖບສະຖານະ, ເພື່ອປ່ຽນສະຖານທີ່ຂອງທ່ານໃນວິດີໂອ.
ເບິ່ງວິດີໂອຕາມບົດ
ທ່ານສາມາດເບິ່ງເນື້ອຫາໃນວິດີໂອໄດ້ເລີຍໂດຍເລືອກບົດຕ່າງໆ, ຫາກຜູ້ສ້າງໄດ້ ເພີ່ມເຂົ້າໃນວິດີໂອຂອງເຂົາເຈົ້າ. ບົດເຫຼົ່ານີ້ແບ່ງວິດີໂອອອກເປັນຫຼາຍພາກສ່ວນທີ່ຕ່າງກັນ.
ເພື່ອໄປບົດໃດໜຶ່ງສະເພາະ, ໃຫ້ປະຕິບັດດັ່ງນີ້:
- ຄລິກວິດີໂອເພື່ອເປີດແຖບສະຖານະ.
- ຍ້າຍຕົວຄວບຄຸມເວລາ (ຈຸດສີແດງ) ໄປຫາບົດໃດໜຶ່ງ. ບົດຕ່າງໆຈະຖືກໝາຍດ້ວຍເສັ້ນລວງຕັ້ງໃນແຖບສະຖານະ. ຊື່ບົດຈະປາກົດຂຶ້ນເມື່ອທ່ານຍ້າຍຈາກພາກສ່ວນໜຶ່ງໄປຫາກອີກພາກສ່ວນໜຶ່ງ.
- ກົດຫຼິ້ນ ເພື່ອເລີ່ມວິດີໂອຈາກບົດນັ້ນ.
ນອກຈາກນີ້, ທ່ານຍັງສາມາດຊອກຫາບົດໄດ້ໂດຍການເລື່ອນລົງໄປລຸ່ມສຸດຂອງຄຳອະທິບາຍວິດີໂອ.
ໄປຫາສ່ວນທີ່ຫຼິ້ນຄືນໃໝ່ຫຼາຍທີ່ສຸດຂອງວິດີໂອ
ເມື່ອທ່ານເລີ່ມການເລື່ອນ, ກຣາບຈະປາກົດຢູ່ເທິງແຖບສະຖານະ. ກຣາບຊ່ວຍໃຫ້ທ່ານຮູ້ວ່າສ່ວນໃດຂອງວິດີໂອມີການເບິ່ງຊ້ຳຫຼາຍທີ່ສຸດ. ຫາກກຣາບສູງ, ສະແດງວ່າມີການຫຼິ້ນວິດີໂອສ່ວນນັ້ນຄືນໃໝ່ຢູ່ເລື້ອຍໆ.
- ຊ່ອງມີການປະທ້ວງໃດໜຶ່ງ.
- ເນື້ອຫາອາດບໍ່ເໝາະສົມ.
- ລະບົບຂອງພວກເຮົາຈະຖືວ່າບໍ່ມີສິດເນື່ອງຈາກເຫດຜົນອື່ນໆ ເຊັ່ນ: ໃນກໍລະນີທີ່ວິດີໂອໃໝ່ເກີນໄປ ຫຼື ມີຍອດເບິ່ງໜ້ອຍເກີນໄປ.
ການເລື່ອນແບບລະອຽດ
ການເລື່ອນແບບລະອຽດຊ່ວຍໃຫ້ງ່າຍຕໍ່ການຊອກຫາຊ່ວງເວລາສະເພາະໃນວິດີໂອໄດ້.
Use precise seeking to find a specific moment in a video ft. Lyanna Kea 📌 📺
ເພື່ອໃຊ້ການເລື່ອນແບບລະອຽດ:
- ແຕະໜ້າຈໍເພື່ອໃຫ້ເຫັນແຖບສະຖານະປາກົດຂຶ້ນຢູ່ໜ້າຈໍ.
- ເລື່ອນຂຶ້ນຈາກຕົວຄວບຄຸມເວລາ (ຈຸດສີແດງ.)
- ທ່ານຈະເຫັນແຖວຮູບຕົວຢ່າງຢູ່ໃຕ້ແຖບສະຖານະ.
ການເລືອກບ່ອນທີ່ຕ້ອງການເລື່ອນ:
- ເມື່ອທ່ານເຫັນແຖວຮູບຕົວຢ່າງ, ທ່ານສາມາດປັດພວກມັນ ຫຼື ຕົວຄວບຄຸມເວລາເພື່ອປັບຕຳແໜ່ງການຫຼິ້ນໄດ້.
- ເພື່ອເລີ່ມຕົ້ນຫຼິ້ນຈາກສະຖານທີ່ທີ່ເລືອກໄວ້, ໃຫ້ແຕະໃສ່ປຸ່ມຫຼິ້ນ ຫຼື ຄລິກໃສ່ບ່ອນໃດກໍໄດ້ຢູ່ເທິງຮູບຕົວຢ່າງ.
- ເພື່ອຍົກເລີກການເລື່ອນ, ໃຫ້ແຕະປຸ່ມ X.
ປ່ອຍເພື່ອຍົກເລີກການເລື່ອນ
ເມື່ອທ່ານກຳລັງເລື່ອນ, ທ່ານອາດຕັດສິນໃຈວ່າທ່ານຕ້ອງການຍົກເລີກຄຳສັ່ງນີ້ ແລະ ກັບຄືນໄປຫາຈຸດທີ່ທ່ານເບິ່ງວິດີໂອຄ້າງໄວ້. ເພື່ອຍົກເລີກການເລື່ອນ, ໃຫ້ປະຕິບັດດັ່ງນີ້:
- ຍ້າຍຕົວຄວບຄຸມເວລາ (ຈຸດສີແດງ) ໃນແຖບສະຖານະໄປຫາຈຸດທີ່ທ່ານເບິ່ງຄ້າງໄວ້.
- ລໍຖ້າຈົນກວ່າທ່ານຈະຮູ້ສຶກເຖິງການສັ່ນເຕືອນ ຫຼື ເຫັນການແຈ້ງເຕືອນ “ປ່ອຍເພື່ອຍົກເລີກ”.
- ຍົກນິ້ວຂອງທ່ານຂຶ້ນເພື່ອກັບໄປຫາຈຸດທີ່ທ່ານເບິ່ງວິດີໂອຄ້າງໄວ້.