ಟಿವಿಯಲ್ಲಿ ಸ್ಥಳ ಹಂಚಿಕೆ ಮತ್ತು ಪ್ಲೇಬ್ಯಾಕ್ ಪ್ರದೇಶ

YouTube Primetime ಚಾನಲ್‌‌ಗಳಲ್ಲಿ ನಿರ್ದಿಷ್ಟ ಕ್ರೀಡೆಗಳು, ಶೋಗಳು ಮತ್ತು ಇತರ ಕಂಟೆಂಟ್ ಅನ್ನು ವೀಕ್ಷಿಸಲು, ನೀವು ಸ್ಥಳ ಹಂಚಿಕೆಯನ್ನು ಆನ್ ಮಾಡಬೇಕು ಮತ್ತು ನಿಮ್ಮ ಪ್ಲೇಬ್ಯಾಕ್ ಪ್ರದೇಶವನ್ನು ಸೆಟ್ ಮಾಡಬೇಕು. ನಿಮ್ಮ ಸ್ಥಳವನ್ನು ದೃಢೀಕರಿಸುವುದು ಅಗತ್ಯವಾಗಿದೆ, ಏಕೆಂದರೆ ಕೆಲವೊಮ್ಮೆ ನೀವು ನೋಡುವ ಕಂಟೆಂಟ್ ನಿಮ್ಮ ಸ್ಥಳವನ್ನು ಆಧರಿಸಿರಬಹುದು.

ನೀವು ಈಗಾಗಲೇ ಸ್ಥಳ ಹಂಚಿಕೆಯನ್ನು ಸಕ್ರಿಯಗೊಳಿಸಿದ್ದರೆ ಮತ್ತು ಕೇವಲ ನಿಮ್ಮ ಪ್ಲೇಬ್ಯಾಕ್ ಪ್ರದೇಶವನ್ನು ಅಪ್‌ಡೇಟ್ ಮಾಡಬೇಕಿದೆ ಎಂದಾದರೆ, ಈ ಹಂತಗಳನ್ನು ಅನುಸರಿಸಿ. ನಿಮಗೆ ಯಾವುದೇ ದೋಷ ಸಂದೇಶಗಳು ಕಂಡುಬಂದರೆ, ಈ ಹಂತಗಳು ಸಹಾಯ ಮಾಡಬಹುದು.

NFL ಸಂಡೇ ಟಿಕೆಟ್‌ನಲ್ಲಿ ಲೈವ್ ಅಥವಾ ಮುಂಬರುವ ಗೇಮ್‌ನ ಹಾಗೆ, ಸ್ಥಳ ದೃಢೀಕರಣದ ಅಗತ್ಯವಿರುವ ಪ್ರೋಗ್ರಾಂ ಅನ್ನು ವೀಕ್ಷಿಸಲು ನೀವು ಆಯ್ಕೆ ಮಾಡಿಕೊಂಡಾಗ, ನಿಮ್ಮ ಸ್ಥಳವನ್ನು ದೃಢೀಕರಿಸುವುದಕ್ಕಾಗಿ ಮೊಬೈಲ್ ಸಾಧನದಲ್ಲಿ ಸ್ಥಳ ಹಂಚಿಕೆಯನ್ನು ಬಳಸಲು ಸೂಚಿಸುವ ಒಂದು ಪ್ರಾಂಪ್ಟ್ ನಿಮಗೆ ಕಾಣಿಸುತ್ತದೆ. ಪೂರ್ಣಗೊಳಿಸಿದ ಬಳಿಕ, ಇದು ನಿಮ್ಮ “ಪ್ಲೇಬ್ಯಾಕ್ ಪ್ರದೇಶವನ್ನು” ಸೆಟ್ ಮಾಡುತ್ತದೆ.

ನಿಮ್ಮ ಟಿವಿಯಲ್ಲಿ Primetime ಚಾನಲ್‌ಗಳನ್ನು ವೀಕ್ಷಿಸಲು ಸ್ಥಳ ಹಂಚಿಕೆಯನ್ನು ಆನ್ ಮಾಡುವುದು ಹೇಗೆ

ನಿಮ್ಮ ಟಿವಿಯಲ್ಲಿ ನೀವು YouTube ಆ್ಯಪ್ ಅನ್ನು ಬಳಸುತ್ತಿದ್ದರೆ, ನಿಮ್ಮ ಸ್ಥಳವನ್ನು ದೃಢೀಕರಿಸಲು ಮತ್ತು ನಿಮ್ಮ ಪ್ಲೇಬ್ಯಾಕ್ ಪ್ರದೇಶವನ್ನು ಸೆಟ್ ಮಾಡಲು ನಿಮ್ಮ ಟಿವಿ ಹಾಗೂ ನಿಮ್ಮ ಮೊಬೈಲ್ ಸಾಧನ - ಇವೆರಡರ ಅಗತ್ಯವೂ ಇರುತ್ತದೆ. ನಿಮ್ಮ ಫೋನ್ ಅಥವಾ ಟ್ಯಾಬ್ಲೆಟ್‌ನಲ್ಲಿ ನಿಮ್ಮ ಮೊಬೈಲ್ ವೆಬ್ ಬ್ರೌಸರ್‌ಗಾಗಿ ನೀವು ಸ್ಥಳ ಹಂಚಿಕೆಯನ್ನು ಆನ್ ಮಾಡಬೇಕಾಗುತ್ತದೆ. ನಿಮ್ಮ ಟಿವಿಯಲ್ಲಿನ YouTube ಆ್ಯಪ್ ನಿಮ್ಮ ಸ್ಥಳವನ್ನು ದೃಢೀಕರಿಸಲು, ಇದು ಅವಕಾಶ ನೀಡುತ್ತದೆ.

ನಿಮ್ಮ ಬ್ರೌಸರ್‌ನಲ್ಲಿ ಸ್ಥಳ ಹಂಚಿಕೆಯನ್ನು ಆನ್ ಮಾಡಿ

ನಿಮ್ಮ ಕಂಪ್ಯೂಟರ್‌ನಲ್ಲಿ NFL ಸಂಡೇ ಟಿಕೆಟ್ ಸೇರಿದಂತೆ Primetime ಚಾನಲ್‌ಗಳನ್ನು ವೀಕ್ಷಿಸಲು, ನಿಮ್ಮ ಕಂಪ್ಯೂಟರ್‌ನಲ್ಲಿ, ಸ್ಥಳ ಹಂಚಿಕೆಯನ್ನು ಆನ್ ಮಾಡುವುದಕ್ಕಾಗಿ ಈ ಕೆಳಗಿನ ಹಂತಗಳನ್ನು ಅನುಸರಿಸಿ.

1. Chrome ತೆರೆಯಿರಿ.
2. ಮೇಲೆ ಬಲಬದಿಯಲ್ಲಿ, ಮೆನು  ಅಥವಾ ಇನ್ನಷ್ಟು ಅನ್ನು ಕ್ಲಿಕ್ ಮಾಡಿ  ಸೆಟ್ಟಿಂಗ್‌ಗಳು ಎಂಬುದನ್ನು ಕ್ಲಿಕ್ ಮಾಡಿ.
3. ಗೌಪ್ಯತೆ ಮತ್ತು ಭದ್ರತೆ ಎಂಬುದನ್ನು ಕ್ಲಿಕ್ ಮಾಡಿ  ಸೈಟ್ ಸೆಟ್ಟಿಂಗ್‌ಗಳು ಎಂಬುದನ್ನು ಕ್ಲಿಕ್ ಮಾಡಿ.
4. ಸ್ಥಳ ಎಂಬುದನ್ನು ಕ್ಲಿಕ್ ಮಾಡಿ ಮತ್ತು ನಿರ್ದಿಷ್ಟ ಸೈಟ್‌ಗಳಿಗಾಗಿ ಸ್ಥಳ ಹಂಚಿಕೆಯನ್ನು ಆನ್ ಮಾಡಿ ಅಥವಾ ನಿಮ್ಮ ಸ್ಥಳವನ್ನು ಕೇಳಲು ಸೈಟ್‌ಗಳಿಗೆ ಅನುಮತಿ ನೀಡಿ.

ನೀವು Chrome ನಲ್ಲಿ ಸ್ಥಳ ಹಂಚಿಕೆಯನ್ನು ಈಗಷ್ಟೇ ಆನ್ ಮಾಡಿದ್ದರೆ ಮತ್ತು ನೀವು ವೀಕ್ಷಿಸಲು ಬಯಸುತ್ತಿರುವ ವೀಡಿಯೊ ಪ್ಲೇ ಆಗದಿದ್ದರೆ, ಸ್ಥಳ ಹಂಚಿಕೆ ಅನುಮತಿಗಳನ್ನು ಅನ್ವಯಿಸಲಾಗಿದೆ ಎಂಬುದನ್ನು ಖಚಿತಪಡಿಸಲು ವೀಡಿಯೊವನ್ನು ಹೊಸ ಟ್ಯಾಬ್‌ನಲ್ಲಿ ತೆರೆಯಿರಿ. ಆಗಲೂ ವೀಡಿಯೊ ಪ್ಲೇ ಆಗದಿದ್ದರೆ, Chrome ನ ಇತ್ತೀಚಿನ ಆವೃತ್ತಿಗೆ ಅಪ್‌ಗ್ರೇಡ್ ಮಾಡಿ ಮತ್ತು ಪುನಃ ಪ್ರಯತ್ನಿಸಿ.

Chrome ಅನ್ನು ಹೊರತುಪಡಿಸಿ ಬೇರೆ ವೆಬ್ ಬ್ರೌಸರ್ ಅನ್ನು ನೀವು ಬಳಸುತ್ತಿದ್ದರೆ, ಸ್ಥಳದ ಅನುಮತಿಗಳನ್ನು ಬದಲಾಯಿಸಲು ನಿಮ್ಮ ಬ್ರೌಸರ್ ಸೆಟ್ಟಿಂಗ್‌ಗಳನ್ನು ಪರಿಶೀಲಿಸಿ. ಈ ಕೆಳಗಿನ ಇಂಟರ್ನೆಟ್ ಬ್ರೌಸರ್‌ಗಳಲ್ಲಿ ಸ್ಥಳ ಹಂಚಿಕೆ ಅನುಮತಿಗಳ ಕುರಿತು ಇನ್ನಷ್ಟು ತಿಳಿಯಿರಿ:

• Firefox
• Safari
• Microsoft Edge
• Internet Explorer

macOS ನಲ್ಲಿ ಸ್ಥಳ ಹಂಚಿಕೆಯನ್ನು ಆನ್ ಮಾಡಿ

ಮೇಲಿನ ಹಂತಗಳು ಕೆಲಸ ಮಾಡದಿದ್ದರೆ, ನಿಮ್ಮ macOS ಆವೃತ್ತಿಯು 13.5.1 ಅಥವಾ ನಂತರದ್ದಾಗಿದೆ ಎಂಬುದನ್ನು ಖಚಿತಪಡಿಸಿಕೊಳ್ಳಿ. ನಿಮ್ಮ macOS ಅನ್ನು ಅಪ್‌ಗ್ರೇಡ್ ಮಾಡಲು:

 

Apple ಮೆನು  ತೆರೆಯಿರಿ ಸಿಸ್ಟಂ ಸೆಟ್ಟಿಂಗ್‌ಗಳು ಎಂಬುದನ್ನು ಕ್ಲಿಕ್ ಮಾಡಿ  ಸಾಮಾನ್ಯ ಎಂಬುದನ್ನು ಕ್ಲಿಕ್ ಮಾಡಿ  ಸಾಫ್ಟ್‌ವೇರ್ ಅಪ್‌ಡೇಟ್ ಎಂಬುದನ್ನು ಕ್ಲಿಕ್ ಮಾಡಿ.

macOS ನಲ್ಲಿ ಆ್ಯಪ್‌ಗಳಿಗಾಗಿ ಸ್ಥಳ ಹಂಚಿಕೆಯನ್ನು ಆನ್ ಮಾಡಲು:

1. Apple ಮೆನುವನ್ನು  ತೆರೆಯಿರಿ  ಸಿಸ್ಟಂ ಸೆಟ್ಟಿಂಗ್‌ಗಳು ಎಂಬುದನ್ನು ಕ್ಲಿಕ್ ಮಾಡಿ  ಗೌಪ್ಯತೆ ಮತ್ತು ಭದ್ರತೆ ಎಂಬುದನ್ನು ಕ್ಲಿಕ್ ಮಾಡಿ  ಸ್ಥಳ ಸೇವೆಗಳು ಎಂಬುದನ್ನು ಕ್ಲಿಕ್ ಮಾಡಿ.
2. ನಿಮ್ಮ ಬ್ರೌಸರ್‌ಗಾಗಿ ಸ್ಥಳ ಹಂಚಿಕೆಯನ್ನು ಆನ್ ಮಾಡಲು ಬಟನ್ ಅನ್ನು ಕ್ಲಿಕ್ ಮಾಡಿ. ಬಟನ್ ನೀಲಿ ಬಣ್ಣಕ್ಕೆ ತಿರುಗುತ್ತದೆ.

ನಿಮ್ಮ ಟಿವಿಯಲ್ಲಿ ನಿಮ್ಮ ಪ್ಲೇಬ್ಯಾಕ್ ಪ್ರದೇಶವನ್ನು ದೃಢೀಕರಿಸಿ ಅಥವಾ ಬದಲಾಯಿಸಿ

ನಿಮ್ಮ ಮೊಬೈಲ್ ಬ್ರೌಸರ್‌ಗಾಗಿ ಸ್ಥಳ ಹಂಚಿಕೆಯನ್ನು ಆನ್ ಮಾಡಿದ ನಂತರ, ನಿಮ್ಮ ಟಿವಿಯಲ್ಲಿ ವೀಕ್ಷಿಸುವುದಕ್ಕಾಗಿ ಕಂಟೆಂಟ್ ಅನ್ನು ಆಯ್ಕೆ ಮಾಡಿ. ‘ನಿಮ್ಮ ಪ್ರಸ್ತುತ ಪ್ಲೇಬ್ಯಾಕ್ ಪ್ರದೇಶವನ್ನು ದೃಢೀಕರಿಸಿ’ ಎಂಬ ಸಂದೇಶವನ್ನು ನೀವು ಸ್ವೀಕರಿಸಿದರೆ, ಈ ಹಂತಗಳನ್ನು ಅನುಸರಿಸಿ:

1. ಮೊಬೈಲ್ ಬ್ರೌಸರ್‌ನಿಂದ  youtube.com/locate ಗೆ ಹೋಗಿ, ನಿಮ್ಮ ಟಿವಿ ಅಥವಾ ಸ್ಟ್ರೀಮಿಂಗ್ ಸಾಧನದಲ್ಲಿ ನೀವು ಸೈನ್ ಇನ್ ಮಾಡಿರುವ ಅದೇ Google ಖಾತೆಗೆ ಸೈನ್ ಇನ್ ಮಾಡಿ. 
   • ಸಲಹೆ: ನಿಮ್ಮ ಖಾತೆಯ ಇಮೇಲ್ ವಿಳಾಸವನ್ನು ನಿಮ್ಮ ಟಿವಿ ಸ್ಕ್ರೀನ್‌ನಲ್ಲಿ ಸೆಟ್ಟಿಂಗ್‌ಗಳು ಖರೀದಿಗಳು ಮತ್ತು ಸದಸ್ಯತ್ವಗಳು ಎಂಬುದರ ಅಡಿಯಲ್ಲಿ ತೋರಿಸಲಾಗುತ್ತದೆ.
2. ಸೈನ್ ಇನ್ ಮಾಡಿದ ನಂತರ, ನಿಮ್ಮ ಬ್ರೌಸರ್‌ಗಾಗಿ ಸ್ಥಳ ಹಂಚಿಕೆಯನ್ನು ಆನ್ ಮಾಡಲು ಒಂದು ಪಾಪ್ಅಪ್‌ ಕಾಣಿಸುತ್ತದೆ. ಮುಂದಿನದು  ಅನುಮತಿಸಿ ಎಂಬುದನ್ನು ಟ್ಯಾಪ್ ಮಾಡಿ.
3. ನಿಮ್ಮ ಮೊಬೈಲ್ ಸಾಧನದಲ್ಲಿ youtube.com/locate ಪುಟವನ್ನು ರಿಫ್ರೆಶ್ ಮಾಡಿ  ತೊರೆಯಿರಿ ಮತ್ತು ನಿಮ್ಮ ಟಿವಿಯಲ್ಲಿ ಆ್ಯಪ್ ಅನ್ನು ಮತ್ತೊಮ್ಮೆ ತೆರೆಯಿರಿ.

ನಿಮ್ಮ ಟಿವಿಯಲ್ಲಿ ಅಪ್‌ಡೇಟ್ ಆಗುತ್ತಿರುವುದು ಕಾಣಿಸದಿದ್ದರೆ, ನಿಮ್ಮ ಮೊಬೈಲ್ ಬ್ರೌಸರ್ ಹಾಗೂ ಟಿವಿ - ಎರಡರಲ್ಲೂ ನೀವು ಸರಿಯಾದ ಖಾತೆಗೆ ಸೈನ್ ಇನ್ ಆಗಿರುವುದನ್ನು ಖಚಿತಪಡಿಸಿಕೊಳ್ಳಿ. ನಂತರ, ತೊರೆಯಲು ಮತ್ತು ನಿಮ್ಮ ಟಿವಿಯಲ್ಲಿ ಆ್ಯಪ್ ಅನ್ನು ಮತ್ತೊಮ್ಮೆ ತೆರೆಯಲು ಪ್ರಯತ್ನಿಸಿ. ಇದು ಸಹ ಕೆಲಸ ಮಾಡದಿದ್ದರೆ, ನಿಮ್ಮ ಕ್ಯಾಷ್ ಹಾಗೂ ಕುಕೀಗಳನ್ನು ತೆರವುಗೊಳಿಸಿ ನೋಡಿ ಮತ್ತು ಪುನಃ ಪ್ರಯತ್ನಿಸಿ.

‘ಪ್ರದೇಶದ ಅಪ್‌ಡೇಟ್ ಲಭ್ಯವಿಲ್ಲ' ಎಂಬಂತಹ ದೋಷ ಸಂದೇಶಗಳನ್ನು ಟ್ರಬಲ್‌ಶೂಟ್ ಮಾಡಿ

“ಬ್ರೌಸರ್ ಸ್ಥಳದ ಅನುಮತಿಗಳನ್ನು ಆನ್ ಮಾಡಿ” ಅಥವಾ “ಪ್ರದೇಶದ ಅಪ್‌ಡೇಟ್ ಲಭ್ಯವಿಲ್ಲ” ಎಂಬ ದೋಷ ಸಂದೇಶ ನಿಮಗೆ ಕಾಣಿಸಿದರೆ ಈ ಹಂತಗಳನ್ನು ಪ್ರಯತ್ನಿಸಿ:

1. ಮೇಲೆ ಹೇಳಿದ ಹಂತಗಳನ್ನು ಅನುಸರಿಸಿ, ನಿಮ್ಮ ಮೊಬೈಲ್ ಸಾಧನ ಮತ್ತು ಮೊಬೈಲ್ ಬ್ರೌಸರ್‌ಗಾಗಿ ಸ್ಥಳ ಹಂಚಿಕೆಯನ್ನು ಆನ್ ಮಾಡಲಾಗಿದೆ ಎಂಬುದನ್ನು ಖಚಿತಪಡಿಸಿಕೊಳ್ಳಿ.
2. youtube.com/locate ನಲ್ಲಿ ಇರುವ ಹಂತಗಳನ್ನು ಅನುಸರಿಸುವುದಕ್ಕಾಗಿ ನೀವು ಮೊಬೈಲ್ ಸಾಧನವನ್ನು ಬಳಸುತ್ತಿರುವಿರೇ ಹೊರತು ಕಂಪ್ಯೂಟರ್ ಅನ್ನು ಬಳಸುತ್ತಿಲ್ಲ ಎಂಬುದನ್ನು ಖಚಿತಪಡಿಸಿಕೊಳ್ಳಿ.
3. ತೊರೆಯಿರಿ ಮತ್ತು YouTube ಆ್ಯಪ್ ಅನ್ನು ನಿಮ್ಮ ಟಿವಿಯಲ್ಲಿ ಮತ್ತೊಮ್ಮೆ ತೆರೆಯಿರಿ ಮತ್ತು ಪುನಃ ಪ್ರಯತ್ನಿಸಿ.
4. ನಿಮ್ಮ ಸೆಟ್ಟಿಂಗ್‌ಗಳಲ್ಲಿ ಆವೃತ್ತಿಯನ್ನು ಪರಿಶೀಲಿಸುವ ಮೂಲಕ, ನಿಮ್ಮ ಮೊಬೈಲ್ ಹಾಗೂ ಟಿವಿ ಸಾಧನಗಳು ಅಪ್‌ ಟು ಡೇಟ್‌‌ ಆಗಿವೆ ಎಂಬುದನ್ನು ಖಚಿತಪಡಿಸಿಕೊಳ್ಳಿ.
5. ನಿಮ್ಮ ಮೊಬೈಲ್ ಸಾಧನದಲ್ಲಿ ಕ್ಯಾಷ್ ಮತ್ತು ಕುಕೀಗಳನ್ನು ತೆರವುಗೊಳಿಸಿ ಮತ್ತು ಪುನಃ ಪ್ರಯತ್ನಿಸಿ.

ಬಿತ್ತರಿಸುವಿಕೆಗೆ ಸಂಬಂಧಿಸಿದಂತೆ ಟ್ರಬಲ್‌ಶೂಟ್ ಮಾಡಿ

ಬಿತ್ತರಿಸುವಾಗ ನಿಮ್ಮ ಸ್ಥಳವನ್ನು ದೃಢೀಕರಿಸಲು ನಿಮಗೆ ಸಮಸ್ಯೆಯಾದರೆ, ಇವುಗಳನ್ನು ಪ್ರಯತ್ನಿಸಿ ನೋಡಿ:

• ಮತ್ತೊಮ್ಮೆ ಬಿತ್ತರಿಸುವುದು ಮತ್ತು ಈ ಮೇಲಿನ ಹಂತಗಳನ್ನು ಅನುಸರಿಸುವುದು.
• ನಿಮ್ಮ ಬ್ರೌಸರ್‌ಗಾಗಿ (youtube.com ಗಾಗಿ) ಕ್ಯಾಷ್ ಹಾಗೂ ಕುಕೀಗಳನ್ನು ತೆರವುಗೊಳಿಸುವುದು ಮತ್ತು ಪುನಃ ಬಿತ್ತರಿಸುವುದು.
• ಮೊಬೈಲ್‌ನಲ್ಲಿನ YouTube ಆ್ಯಪ್ ಮತ್ತು ನಿಮ್ಮ ಟಿವಿಯಲ್ಲಿನ YouTube ಆ್ಯಪ್‌ನಲ್ಲಿ ನೀವು ಒಂದೇ ಖಾತೆಗೆ ಸೈನ್ ಇನ್ ಮಾಡಿದ್ದೀರಿ ಎಂಬುದನ್ನು ಖಚಿತಪಡಿಸಿಕೊಳ್ಳಿ.

ನಿಮ್ಮ ಟಿವಿಗೆ ಬಿತ್ತರಿಸುವುದಕ್ಕಾಗಿ ಸ್ಥಳ ಹಂಚಿಕೆಯನ್ನು ಆನ್ ಮಾಡಿ

ನಿಮ್ಮ ಮೊಬೈಲ್ ಸಾಧನ ಮತ್ತು ನಿಮ್ಮ ಟಿವಿಯಲ್ಲಿನ YouTube ಆ್ಯಪ್ - ಎರಡರಲ್ಲೂ ನೀವು ಒಂದೇ ಖಾತೆಗೆ ಸೈನ್ ಇನ್ ಆಗಿದ್ದೀರಿ ಎಂಬುದನ್ನು ಖಚಿತಪಡಿಸಿಕೊಳ್ಳಿ ಮತ್ತು ಮೇಲೆ ಹೇಳಿದ ಹಂತಗಳನ್ನು ಅನುಸರಿಸುವ ಮೂಲಕ ನಿಮ್ಮ ಮೊಬೈಲ್ ಬ್ರೌಸರ್ ಹಾಗೂ ನಿಮ್ಮ YouTube ಆ್ಯಪ್ - ಎರಡಕ್ಕಾಗಿಯೂ ಸ್ಥಳ ಹಂಚಿಕೆಯನ್ನು ಸಕ್ರಿಯಗೊಳಿಸಿದ್ದೀರಿ ಎಂಬುದನ್ನು ಖಚಿತಪಡಿಸಿಕೊಳ್ಳಿ. ನಂತರ:

1. ನಿಮ್ಮ ಮೊಬೈಲ್ ಸಾಧನದಲ್ಲಿ ಪ್ರೋಗ್ರಾಂ ಅನ್ನು ತೆರೆಯಿರಿ ಮತ್ತು ಪ್ರೋಗ್ರಾಂ ಅನ್ನು ನಿಮ್ಮ ಟಿವಿಗೆ ಬಿತ್ತರಿಸಿ .
2. ನಿಮ್ಮ ಟಿವಿಯಲ್ಲಿನ YouTube ಆ್ಯಪ್‌ನಲ್ಲಿ ಪ್ರಾಂಪ್ಟ್‌ಗಳನ್ನು ಅನುಸರಿಸಿ. 
3. YouTube ಆ್ಯಪ್‌ನಲ್ಲಿ ಸೈನ್ ಇನ್ ಮಾಡಿರುವ ಅದೇ ಖಾತೆಯನ್ನು ಬಳಸಿಕೊಂಡು ಮೊಬೈಲ್ ವೆಬ್ ಬ್ರೌಸರ್‌ನಲ್ಲಿ youtube.com/locate ಅನ್ನು ತೆರೆಯಿರಿ. 
4. ನಿಮ್ಮ ಮೊಬೈಲ್ ಸಾಧನದಿಂದ ಸ್ಥಳವನ್ನು ಯಶಸ್ವಿಯಾಗಿ ಒದಗಿಸಿದ ಬಳಿಕ ನಿಮ್ಮ ಟಿವಿ ಸ್ವಯಂಚಾಲಿತವಾಗಿ ಪ್ಲೇ ಆಗಲು ಪ್ರಾರಂಭವಾಗುತ್ತದೆ.

ನಿಮ್ಮ ಪ್ಲೇಬ್ಯಾಕ್ ಪ್ರದೇಶವು ತಪ್ಪಾಗಿದ್ದರೆ, ನಿಮ್ಮ ಸ್ಮಾರ್ಟ್ ಟಿವಿಯಲ್ಲಿ ಅದನ್ನು ಅಪ್‌ಡೇಟ್ ಮಾಡಿ

ನಿಮ್ಮ ಸ್ಮಾರ್ಟ್ ಟಿವಿಯಲ್ಲಿ ನಿಮ್ಮ ಪ್ಲೇಬ್ಯಾಕ್ ಪ್ರದೇಶವನ್ನು ಉಳಿಸಿದ ಬಳಿಕ, ಅದು ತಪ್ಪಾಗಿದೆ ಎಂದು ನಿಮಗೆ ಕಂಡುಬಂದರೆ, ನಿಮ್ಮ ಸಾಧನದ ಸೆಟ್ಟಿಂಗ್‌ಗಳಿಗೆ ಹೋಗುವ ಮೂಲಕ ನೀವು ಅದನ್ನು ಎಡಿಟ್ ಮಾಡಬಹುದು ಅಥವಾ ತೆರವುಗೊಳಿಸಬಹುದು.

1. ನಿಮ್ಮ ಸ್ಮಾರ್ಟ್ ಟಿವಿಯಲ್ಲಿ YouTube ಆ್ಯಪ್ ಅನ್ನು ತೆರೆಯಿರಿ.
2. ಸೆಟ್ಟಿಂಗ್‌ಗಳು  ಪ್ಲೇಬ್ಯಾಕ್ ಪ್ರದೇಶ ಎಂಬಲ್ಲಿಗೆ ಹೋಗಿ.
3. ನಿಮ್ಮ ಸ್ಥಳವನ್ನು ಬದಲಾಯಿಸಿ:
   • ಎಡಿಟ್ ಮಾಡಲು ಪೆನ್ಸಿಲ್ ಅನ್ನು ಆಯ್ಕೆ ಮಾಡಿ ಮತ್ತು ನಿಮ್ಮ ಪಿನ್ ಕೋಡ್ ಅನ್ನು ನಮೂದಿಸಿ.
   • ನಿಮ್ಮ ಪ್ರಸ್ತುತ ಪ್ಲೇಬ್ಯಾಕ್ ಪ್ರದೇಶವನ್ನು ಸೆಟ್ ಮಾಡಲು ಮತ್ತು ದೃಢೀಕರಿಸಲು ಆನ್‌-ಸ್ಕ್ರೀನ್ ಸೂಚನೆಗಳನ್ನು ಅನುಸರಿಸಿ.

ನಿಮ್ಮ ಸ್ಮಾರ್ಟ್ ಟಿವಿಯಲ್ಲಿ ನಿಮ್ಮ ಪ್ಲೇಬ್ಯಾಕ್ ಪ್ರದೇಶವನ್ನು ತೆರವುಗೊಳಿಸಿ

ನಿಮ್ಮ ಪ್ಲೇಬ್ಯಾಕ್ ಪ್ರದೇಶವನ್ನು ತೆರವುಗೊಳಿಸಲು:

1. ನಿಮ್ಮ ಟಿವಿಯಲ್ಲಿ YouTube ಆ್ಯಪ್ ಅನ್ನು ತೆರೆಯಿರಿ.
2. ಸೆಟ್ಟಿಂಗ್‌ಗಳಿಗೆ ಹೋಗಿ  ಪ್ಲೇಬ್ಯಾಕ್ ಪ್ರದೇಶವನ್ನು ತೆರವುಗೊಳಿಸಿ.