Staðsetningardeiling og spilunarsvæði í sjónvarpi

Til að geta horft á ákveðnar íþróttir, þætti og annað efni á YouTube Primetime-rásum þarftu að kveikja á staðsetningardeilingu og skrá spilunarsvæðið þitt. Það er nauðsynlegt að þú staðfestir staðsetninguna þína, þar sem hún stýrir því stundum hvaða efni þú getur horft á.

Ef þú hefur þegar kveikt á staðsetningardeilingu og þarft bara að uppfæra spilunarsvæðið þitt skaltu fylgja þessum leiðbeiningum. Þær geta hjálpað þér ef einhver villuboð koma upp.

Þegar þú velur dagskrárlið sem krefst staðfestingar á staðsetningu, svo sem leik í beinni eða væntanlegan leik á NFL Sunday Ticket, muntu fá beiðni um að nota staðsetningardeilingu á snjalltæki til að staðfesta staðsetninguna þína. Þegar þú hefur gert það uppfærist „spilunarsvæðið“ þitt.

Svona kveikirðu á staðsetningardeilingu til að horfa á Primetime-rásir í sjónvarpinu

Ef þú notar YouTube-forritið í sjónvarpi þarftu bæði sjónvarpstækið og snjalltækið þitt til að staðfesta staðsetninguna og skrá spilunarsvæðið. Þú munt þurfa að kveikja á staðsetningardeilingu á vafranum í farsímanum þínum eða spjaldtölvunni. Þá getur YouTube-forritið í sjónvarpinu staðfest staðsetninguna.

Kveiktu á staðsetningardeilingu í vafranum þínum

Til að horfa á Primetime-rásir í tölvunni þinni, þar á meðal NFL Sunday Ticket, skaltu fylgja eftirfarandi leiðbeiningum til að kveikja á staðsetningardeilingu.

1. Opnaðu Chrome .
2. Efst til hægri skaltu smella annaðhvort á Valmynd  eða Meira   smelltu á Stillingar.
3. Smelltu á Persónuvernd og öryggi smelltu á Vefsvæðisstillingar.
4. Smelltu á Staðsetning og kveiktu á staðsetningardeilingu fyrir ákveðin vefsvæði eða leyfðu vefsvæðum að spyrja þig.

Ef þú varst að kveikja á staðsetningardeilingu í Chrome rétt í þessu og getur ekki spilað vídeó sem þú vilt horfa á skaltu prófa að opna vídeóið í nýjum flipa til að vera viss um að heimildir fyrir staðsetningardeilingu hafi uppfærst. Ef þú getur samt ekki spilað vídeóið skaltu uppfæra í nýjustu útgáfuna af Chrome og reyna aftur.

Ef þú notar annan vafra en Chrome skaltu skoða vafrastillingarnar til að breyta staðsetningarheimildum. Nánar um heimildir fyrir staðsetningardeilingu í eftirfarandi vöfrum:

• Firefox
• Safari
• Microsoft Edge
• Internet Explorer

Kveikja á staðsetningardeilingu í macOS

Ef ofangreindar leiðbeiningar virka ekki skaltu ganga úr skugga um að þú sért með útgáfu 13.5.1 af macOS eða nýrri. Til að uppfæra macOS:

 

Opnaðu valmynd Apple   smelltu á Kerfisstillingar  smelltu á Almennt  smelltu á Hugbúnaðaruppfærsla.

Til að kveikja á staðsetningardeilingu fyrir forrit í macOS:

1. Opnaðu valmynd Apple   smelltu á Kerfisstillingar  smelltu á Persónuvernd og öryggi  smelltu á Staðsetningarþjónustur.
2. Smelltu á hnappinn til að kveikja á staðsetningardeilingu fyrir vafrann þinn. Hnappurinn verður þá blár.

Staðfesta eða breyta spilunarsvæði í sjónvarpi

Þegar þú hefur kveikt á staðsetningardeilingu í snjalltækjavafranum þínum geturðu valið efni til að horfa á í sjónvarpinu. Ef þú færð beiðni um að „staðfesta spilunarsvæðið þitt“ skaltu fylgja eftirfarandi leiðbeiningum:

1. Farðu á youtube.com/locate í snjalltækjavafra  skráðu þig inn á sama Google-reikning og þú hefur skráð þig inn á í sjónvarpinu eða streymistækinu. 
   • Ábending: Þú ættir að geta séð netfang reikningsins á sjónvarpsskjánum með því að fara í Stillingar Kaup og aðildir.
2. Þegar þú hefur skráð þig inn birtist sprettigluggi með beiðni um að kveikja á staðsetningardeilingu á vafranum þínum. Ýttu á ÁFRAM  Leyfa.
3. Uppfærðu síðuna youtube.com/locate á snjalltækinu þínu  Lokaðu forritinu í sjónvarpinu og opnaðu það aftur.

Ef uppfærslan virðist ekki virka í sjónvarpinu skaltu ganga úr skugga um að þú hafir skráð þig inn á réttan reikning í bæði snjalltækjavafranum og sjónvarpinu. Síðan skaltu prófa að loka forritinu í sjónvarpinu og opna það aftur. Ef þetta virkar ekki heldur skaltu prófa að hreinsa skyndiminnið og fótsporin og reyna svo aftur.

Úrræðaleit fyrir villuboð á borð við „Uppfærsla svæðis ekki tiltæk“

Ef þú færð villuboðin „Kveiktu á staðsetningarheimildum vafrans“ eða „Uppfærsla svæðis ekki tiltæk“ skaltu prófa eftirfarandi úrræði:

1. Staðfestu að kveikt sé á staðsetningardeilingu í snjalltækinu og snjalltækjavafranum þínum með því að fylgja leiðbeiningunum hér að ofan.
2. Gættu þess að fylgja þessum leiðbeiningum á youtube.com/locate í snjalltæki en ekki tölvu.
3. Lokaðu YouTube-forritinu í sjónvarpinu, opnaðu það aftur og prófaðu aftur.
4. Staðfestu að snjalltækið og sjónvarpið þitt séu uppfærð með því að athuga útgáfuna í stillingum.
5. Hreinsaðu skyndiminnið og fótsporin í snjalltækinu þínu og prófaðu aftur.

Úrræðaleit við vörpun

Ef þú lendir í vandræðum með að staðfesta staðsetninguna þína þegar þú varpar skaltu:

• Varpa aftur og fylgja leiðbeiningunum hér að ofan.
• Hreinsa skyndiminnið og fótsporin á vafranum þínum (fyrir youtube.com) og varpa aftur.
• Ganga úr skugga um að þú hafir skráð þig inn á sama reikning á YouTube-forritinu í farsímanum og YouTube-forritinu í sjónvarpinu.

Kveikja á staðsetningardeilingu fyrir vörpun í sjónvarp

Fylgdu leiðbeiningunum hér að ofan til að ganga úr skugga um að þú hafir skráð þig inn á sama reikning á bæði snjalltækinu og YouTube-forritinu í sjónvarpinu og að þú hafir kveikt á staðsetningardeilingu bæði fyrir snjalltækjavafrann og YouTube-forritið. Svo:

1. Opnaðu dagskrárliðinn á snjalltækinu þínu og varpaðu  honum í sjónvarpið.
2. Fylgdu leiðbeiningunum í YouTube-forritinu í sjónvarpinu. 
3. Opnaðu youtube.com/locate á snjalltækjavafra með sama reikningi og þú hefur skráð þig inn á í YouTube-forritinu. 
4. Sjónvarpið ætti að byrja að sýna dagskrárliðinn sjálfkrafa þegar staðsetningin hefur verið sótt í snjalltækið þitt.

Uppfærðu spilunarsvæðið í snjallsjónvarpinu þínu ef það er rangt

Ef þú hefur vistað spilunarsvæðið í snjallsjónvarpinu þínu en kemst að því að það er rangt geturðu breytt því eða eytt því með því að fara í stillingar tækis:

1. Opnaðu YouTube-forritið í snjallsjónvarpinu.
2. Farðu í Stillingar Spilunarsvæði.
3. Breyttu staðsetningunni:
   • Veldu blýantinn til að breyta og setja inn póstnúmerið þitt.
   • Fylgdu leiðbeiningunum á skjánum til að skrá og staðfesta núverandi spilunarsvæði.

Hreinsaðu spilunarsvæðið í snjallsjónvarpinu þínu

Svona hreinsarðu spilunarsvæðið:

1. Opnaðu YouTube-forritið í sjónvarpinu.
2. Farðu í Stillingar Hreinsa spilunarsvæði.