YouTube Premium-eko edo YouTube Music Premium-eko familia-kidetza batean erregistratu eta kudeatu

Familiaren kudeatzaile bihurtzeko, konfiguratu YouTube-ko familia-kidetza bat. Familiaren kudeatzaile gisa, YouTube Premium-eko edo YouTube Music Premium-eko kidetza partekatu ahalko duzu. Etxeko beste bost kiderekin parteka dezakezu kidetza gehienez ere. Familia bateko kidea bazara, familia-talde batean sar zaitezke YouTube-ko familia-kidetza partekatzeko.

Oharra: lehendik dagoen Google-ko familia-talde bateko kidea bazara, ezin duzu erosi YouTube-ko familia-kidetzarik. Familia-taldearen kudeatzaileak soilik egin dezake erosketa hori.

Hasi aurretik jakin beharrekoa

• YouTube-ko familia-kidetza bat partekatzen duten kideek familiaren kudeatzailearen etxe berean bizi behar dute. Lortu informazio gehiago familia-taldeen eskakizunei buruz eta familia-kidetza konfiguratzean erroreak gertatzen badira egin behar duzunari buruz.
• 12 hilabetez behin soilik alda dezakezu familia-taldea.
• Familiako kide bakoitzaren izena, argazkia eta helbide elektronikoa taldearekin partekatuko da.
• YouTube TV-ko familia-kidetzarekin laguntzarik behar baduzu, jarri laguntza-zerbitzuarekin harremanetan.

YouTube-n eta YouTube TV-n familia-taldeak sortzeko argibideak

Azken albisteak, berritasunak eta aholkuak jasotzeko, harpidetu YouTube Viewers kanalera.

Familiaren kudeatzaileak: erregistratu eta familia-taldeak sortu

YouTube Premium-eko edo Music Premium-eko kide berriak

PROBATU FAMILIA-KIDETZA

Hasteko, hautatu 18 urte edo gehiago dituen familiaren kudeatzaile bat. Familiaren kudeatzailea da familia-kidetza bat erosi edo kidetzarekin lotutako erabakiak har ditzakeen bakarra. Lortu informazio gehiago YouTube-ko ordainpeko kidetza batean erregistratzeari buruz.

YouTube Premium-eko edo Music Premium-eko kidetza batean erregistratu eta familia-talde bat sortzeko:

1. YouTube aplikazioan, sakatu profileko argazkia Erosketak eta kidetzak.
2. YouTube Music Premium-eko eta YouTube Premium-eko ordainpeko kidetzen aukerak ikusiko dituzu. Sakatu Lortu informazio gehiago erosi nahi duzun harpidetzaren ondoan.
3. Sakatu Edo aurreztu dirua familia-kidetza edo ikasle-kidetza batekin.
4. Sakatu Lortu familia-kidetza.
5. Lehendik dagoen Google-ko familia-talde baten kudeatzailea bazara, familia-taldea berresteko leiho bat agertuko zaizu. Hautatu Egin aurrera erosketa egiteko eta familia-kidetza lehendik duzun familia-taldeko kideekin partekatzeko. 5. urratsa ez badagokizu, saltatu 6. urratsera.
6. Google-ko familia-talderik ez baduzu, egin harpidetza erosteko urratsak lehenbizi. Ondoren, familia-talde bat sortzeko argibideak emango zaizkizu.

Oharra: familia-kidetza batean erregistratzeko arazoak badituzu, Google Play-n ordainketen profil bat baino gehiago dituzulako izango da agian. Hala bada, lortu herrialdearen/lurraldearen profila eguneratu edo aldatzeko argibideak.

Lehendik dauden YouTube Premium-eko edo Music Premium-eko kideak

Premium-eko edo Music Premium-eko banako kidetza familia-kidetza izatera pasatzeko:

PROBATU FAMILIA-KIDETZA

1. YouTube aplikazioan, sakatu profileko argazkia Erosketak eta kidetzak.
2. Sakatu Lortu familia-kidetza.
3. Sakatu Lortu familia-kidetza berriro.
4. Sakatu Erosi.
5. Konfiguratu Google-ko familia-taldea.
   • Lehendik dagoen Google-ko familia-talde baten kudeatzailea zara? Hautatu Egin aurrera erosketa egiteko eta YouTube Premium lehendik duzun familia-taldeko kideekin partekatzeko.
   • Google-ko familia-talde bat sortzen ari zara? Familia-talde bat konfiguratzeko:
     • Gonbidatu gehienez ere bost kide familia-taldean sartzera eta bidali gonbidapenak posta elektroniko edo testu-mezu bidez.
     • Hautatu Bidali.
     • Familiako kideek gonbidapen bat jasoko dute eta Hasi erabiltzen hauta dezakete kontua berresteko.
     • Gonbidapena onartzen duten familiako kideak familia-taldean sartuko dira eta YouTube Premium erabili ahalko dute.
   • Lehendik dagoen Google-ko familia-talde bateko kidea zara? Ezin duzu erosi YouTube Premium, baina familiaren kudeatzaileari eska diezaiokezu erosteko.

Oharrak:

• Eskaintza bereziak ezin dira transferitu YouTube-ko familia-kidetzetara. Hilabete baino gehiago irauten duen probaldi batean mailaz igo eta familia-kidetza bat eskuratzen baduzu, hilabete batera laburtuko da probaldia. Aurrerago familia-kidetza bertan behera uzten baduzu, ezingo zara itzuli probaldira. Lortu YouTube-ko ordainpeko kidetza eguneratzeari buruzko informazio gehiago.
• Familia-kidetza batean erregistratzeko arazoak badituzu, Google Play-n ordainketen profil bat baino gehiago dituzulako izango da agian. Hala bada, lortu herrialdearen/lurraldearen profila eguneratu edo aldatzeko argibideak.
• Urteko kidetza bat badaukazu, kidetza iraungi arte itxaron beharko duzu mailaz igo eta familia-kidetza bat eskuratzeko.

Familiaren kudeatzaileak: familiako kideak gehitu edo kendu

Familiako kideak gehitu

Familiaren kudeatzailea bazara, gehienez bost kide gonbida ditzakezu familia-taldera.

Familiako kide bat gehitzeko:

1. Hasi saioa YouTube-ko ordainpeko kidetzarekin lotutako Google-ko kontuarekin.
2. YouTube aplikazioan, sakatu profileko argazkia Erosketak eta kidetzak.
3. Familiarekin partekatzeko eginbidearen ezarpenen ondoan, sakatu Editatu.
4. Sakatu Gonbidatu familiako kideak.
5. Idatzi gonbidatu nahi duzun pertsonaren helbide elektronikoa edo telefono-zenbakia.
6. Hautatu Bidali. Posta elektroniko bidezko jakinarazpen bat jasoko duzu norbait zure familian sartzen denean.

Lortu familia-taldean kideak gehitzeari buruzko informazio gehiago.

Familiako kideak kendu

Familiaren kudeatzailea bazara, edonoiz ken ditzakezu pertsonak familia-taldetik.

Familiako kide bat kentzeko:

1. Hasi saioa YouTube-ko ordainpeko kidetzarekin lotutako Google-ko kontuarekin.
2. YouTube aplikazioan, sakatu profileko argazkia Erosketak eta kidetzak.
3. Sakatu kidetza.
4. Familiarekin partekatzeko eginbidearen ezarpenen ondoan, sakatu Editatu.
5. Hautatu kendu nahi duzun pertsonaren izena.
6. Sakatu Kendu kidea.

Lortu familia-taldetik kideak kentzeari buruzko informazio gehiago.

Familiaren kudeatzaileak: familiaren kudeatzaileen beste zeregin batzuk

Ordainketa-metodoak aldatu

Lortu YouTube-ko ordainpeko kidetza eguneratzeko argibideak, ordainketa-metodoa barne.

Ordainpeko kidetzak bertan behera utzi

Edonoiz utz dezakezu bertan behera YouTube-ko ordainpeko kidetza. Kidetza bertan behera utzi ondoren ere, YouTube-ko ordainpeko kidetzaren abantailak erabili ahalko dituzu hileroko fakturazio-zikloa amaitu arte. Ondoren, familiako kide guztiek galduko dute ordainpeko kidetzarako sarbidea, baina Google-ko kontuak mantenduko dituzte.

 Familiako kideak: familia-taldeetan sartu edo haietatik irten

Familia-taldeetan sartu

YouTube-ko ordainpeko kidetza bat duen familiaren kudeatzaileak familia-talde batean sartzera gonbidatu bazaitu, posta elektroniko edo testu-mezu bidezko gonbidapen bat jasoko duzu. Jarraitu gonbidapeneko argibideei familia-taldean sartzeko.

Lortu familia-talde batean sartzeari buruzko informazio gehiago.

Familia-taldeetatik irten edo YouTube-ko ordainpeko banako kidetzak lortu

Lortu familia-talde batetik irteteko edo familia-taldez aldatzeko argibideak. YouTube-ko ordainpeko kidetza propioa lortzeko:

1. Jarraitu familia-taldetik irteteko argibideei.
2. Erregistra zaitez YouTube-ko ordainpeko kidetza propio batean.

Oharra: familia-taldetik irteten bazara, beste familia-talde batean sartzeko gonbidapen bat onar dezakezu, edo zeure taldea sortu. 12 hilabetez behin soilik alda dezakezu familia-taldea. Familia-talde batetik irten eta beste batean sartzen bazara, ezingo zara sartu beste familia-talde batean 12 hilabetez.

Familia-kidetzen kokapen-eskakizunak

Familia-kidetzen kokapen-eskakizunak

YouTube-ko familia-kidetza bat partekatu ahal izateko, familiako kide guztiek familiaren kudeatzailearen helbide berean bizi behar dute. 30 egunez behin, prozesu elektroniko baten bidez berretsiko da eskakizun hori betetzen dela.

Familia-kidetza konfiguratzeko arazoak dituzu? Errore-mezu hauetako bat agertu bazaizu:

• "Ez da onartzen familia"

Edo

• "Ez da onartzen herrialdea"

Agian Google Pay-ko kontuan zehaztu duzun herrialdea/lurraldea ez dator bat oraingo kokapenarekin.

Eguneratu Google Pay-ko profila, oraingo kokapenarekin bat etor dadin, eta jarraitu familia-kidetza konfiguratzen.

Familiako kide baten herrialdea/lurraldea zure kokapenarekin bat ez badator, ezin da sartu familia-taldean.

Jarri laguntza-zerbitzuarekin harremanetan edonoiz YouTube-ko familia-kidetzarekin laguntza behar baduzu.

Jarri laguntza-zerbitzuarekin harremanetan edonoiz YouTube-ko familia-kidetzarekin laguntza behar baduzu.