Creator Music – авторлар өз бейнелерінде монетизацияны жоғалтпай пайдалана алатын сапалы музыканың өсіп келе жатқан каталогі. Кейбір әндердің лицензия ақысын алдын ала төлеуге болады, сонда авторлар монетизацияны толық сақтайды. Басқа әндер түскен табысты тректің меншік құқығы иелерімен бөлісуге жарамды болуы мүмкін.
Creator Music құралын пайдалана бастау үшін мына бейнені көріңіз:
Creator Music ашу
Creator Music құралы YouTube Studio-да орналасқан. Creator Music ашу үшін:
- Браузер арқылы YouTube Studio аккаунтына кіріңіз.
- Сол жақ мәзірден Creator Music
опциясын таңдаңыз.
Тректерді тауып, алғы нұсқасымен танысу
Creator Music-тен сүйікті тректеріңізді табудың бірнеше жолы бар:
- негізгі бетке бөлек шығарылған тректерді шолу;
- тректерді жанр не көңіл-күйге сай топтастырылған санаттардан іздеу;
- белгілі трек не орындаушыны іздеу;
- лицензиямен пайдалануға болатын не табысын бөлісуге болатын тректерді іздеу.
Іздеп, зерттеу кезінде әндердің контентіңізге қаншалықты сай келетінін анықтау үшін олардың алғы нұсқаларын тыңдап көруге болады. Лицензиямен пайдалануға болатын кейбір тректердің алғы нұсқаларын жүктеп алуға да болады, осылайша лицензия сатып алмас бұрын, оның бейнемен үйлесімділігін нақты анықтай аласыз. "Табыс бөлісуге жарамды" деп белгіленген тректерді жүктеп алуға болмайтынын ұмытпаңыз.
Әнді бейнеге қоспай тұрып, оны пайдаланудың рұқсат етілген әдістерімен танысу үшін тректі пайдалану туралы мәліметті алдын ала көруге болады. Тректерді тауып, алдын көру туралы толық ақпарат алыңыз.
Тректерді сақтау және басқару
Өзіңізге ұнаған әнді тапқанда, оны жинағыңызға сақтап қоюға болады. Жинағыңыз бетінде өзіңіз сақтаған, жүктеп алған және лицензиясын алған тректер тізімін көруге, іріктеуге және сұрыптауға болады. Тректерді сақтау және басқару туралы толық ақпарат алыңыз.
Лицензия алу
Пайдаланғыңыз келген лицензиямен пайдалануға болатын тректі тапқан соң, лицензияны Creator Music арқылы тікелей алуға не трек қосылған бейнені жүктеп салған кезде алуға болады.
Трек лицензиясын алсаңыз, осы трек қосылған бейненің толық монетизациясын сақтап қаласыз. Есіңізде болсын, лицензиямен пайдалануға болатын тректерді табысты бөлісу талаптарына сай пайдалансаңыз, олар табысты бөлу үшін де жарамды болуы мүмкін. Лицензиялар туралы толық ақпарат алыңыз.
Табысты бөлісу
Табысты бөлісуге жарамды тректерді пайдалансаңыз, бейнеден түскен табысты тректің меншік құқығы иелерімен бөлісесіз. Ол үшін бейнеңіз табысты бөлісу талаптарына сай болу керек. Бейнеңіз табысты бөлісу талаптарына сай болса, кейбір лицензиямен пайдалануға болатын тректер табысты бөлу үшін де жарамды болуы мүмкін. Табысты бөлісудің жұмыс істеу жолдары туралы толық ақпарат алыңыз.
Толық ақпарат
Тректерге лицензия алу, меншік құқығы иелерімен табысты бөлісу және Creator Music құралын пайдалану туралы сұрақтардың жауабын Creator Music туралы сұрақ-жауап бөлімінен табасыз.