Skeppermusiek is ’n groeiende katalogus hoëgehaltemusiek wat skeppers in video’s kan gebruik sonder om monetisering te verloor. Sommige liedjies kan by voorbaat gelisensieer word, wat skeppers in staat stel om volledige monetisering te behou. Ander liedjies sal dalk kwalifiseer om inkomste met die snit se regtehouers te deel.
Kyk hierdie video om met Skeppermusiek te begin:
Maak Skeppermusiek oop
Skeppermusiek is deel van YouTube Studio. Om Skeppermusiek oop te maak:
- Meld in ’n webblaaier by YouTube Studio aan.
- Kies Skeppermusiek
op die linkerkieslys.
Soek en voorbeskou snitte
Daar is verskeie maniere om jou gunstelingsnitte in Skeppermusiek te vind:
- Blaai deur uitstalsnitte op die Tuisblad
- Blaai deur snitte in kategorieë soos genre en luim
- Soek ’n spesifieke snit of kunstenaar
- Soek snitte wat lisensieerbaar is of kwalifiseer om inkomste te deel
Terwyl jy verken, kan jy liedjies voorbeskou om jou te help besluit of hulle vir jou inhoud geskik is. Voorskoue van sommige lisensieerbare snitte kan afgelaai word sodat jy kan seker maak dat die liedjie in jou video werk voordat jy dit lisensieer. Hou in gedagte dat snitte wat gemerk is dat dit vir inkomstedeling kwalifiseer, nie afgelaai kan word.
Jy kan ook ’n snit se gebruikbesonderhede voorbeskou sodat jy weet hoe jy ’n liedjie kan gebruik voordat jy dit in jou video gebruik. Kry meer inligting oor hoe om snitte te vind en te voorbeskou.
Stoor en bestuur snitte
Wanneer jy ’n liedjie kry waarvan jy hou, kan jy dit in jou biblioteek stoor. Op die Jou biblioteek-bladsy kan jy ’n lys van die snitte wat jy gestoor, afgelaai en gelisensieer het bekyk, filtreer en sorteer. Kry meer inligting oor hoe om snitte te stoor en te bestuur.
Kry ’n lisensie
Sodra jy ’n lisensieerbare snit kry wat jy wil gebruik, kan jy die lisensie direk in Skeppermusiek kry, of wanneer jy ’n video oplaai wat die snit gebruik.
Wanneer jy ’n snit lisensieer, behou jy die volle monetisering van jou video wat daardie snit gebruik. Hou in gedagte dat lisensieerbare snitte dalk ook kwalifiseer om inkomste te deel as jou gebruik van die liedjie aan die vereistes vir inkomstedeling voldoen. Kry meer inligting oor lisensiëring.
Deel inkomste
Wanneer jy snitte gebruik wat vir inkomstedeling kwalifiseer, deel jy jou video se inkomste met die snit se regtehouers, mits jou video aan die vereistes vir inkomsteling voldoen. Sommige lisensieerbare snitte kwalifiseer dalk ook om inkomste te deel as jou video aan die vereistes vir inkomstedeling voldoen. Kry meer inligting oor hoe inkomstedeling werk.
Kry meer inligting
Kry in ons gereelde vrae oor Skeppermusiek antwoorde op algemene vrae oor die lisensiëring van snitte, inkomstedeling met regtehouers, en hoe om Skeppermusiek te gebruik.