Gamit ang Creator Music, puwedeng lisensyahan ang ilang kanta, na nangangahulugang magbabayad ang mga creator ng paunang bayad (o walang bayad para sa ilang track) para magamit ang musika sa kanilang video at panatilihin ang ganap na share ng kita ng video.
Maghanap ng musikang lilisensyahan
Para maghanap ng mga track na puwede mong lisensyahan:
- Mag-sign in sa YouTube Studio sa isang web browser.
- Mula sa kaliwang menu, piliin ang Creator Music .
- Sa mga page na Home o Mag-browse, pumunta sa search bar at ilagay ang mga termino para sa paghahanap, tulad ng pamagat ng kanta o pangalan ng artist.
- Tingnan ang box na Available na lisensya sa itaas ng iyong mga resulta ng paghahanap.
- Sa page na Home, makikita mo ang mga nalilisensyahang track sa Mga itinatampok na nalilisensyahang track.
- Nakalista ang mga nalilisensyahang track na may presyo sa tabi ng mga ito.
- Kung ayaw mong bumili ng lisensya, posibleng kwalipikado rin ang mga nalilisensyahang track para magbahagi ng kita kung natutugunan ng video mo ang mga kinakailangan sa paggamit ng pagbabahagi ng kita.
Kumuha ng lisensya
Kapag nakahanap ka na ng nalilisensyahang track, may ilang paraan para malisensyahan mo ito:
- Sa Creator Music
- Habang nag-a-upload
- Pagkatapos ng pag-upload
Para maglisensya ng mga track sa Creator Music:
- Mag-sign in sa YouTube Studio sa isang web browser.
- Mula sa kaliwang menu, piliin ang Creator Music .
- Maghanap ng track na gusto mong lisensyahan.
- I-click ang "Higit pang pagkilos" Bilhin ang lisensya.
- Suriin ang mga detalye ng lisensya.
- Mga may bayad na lisensya: I-click ang BILHIN ANG LISENSYA Ilagay ang impormasyon sa pagbabayad BAYARAN NGAYON I-DOWNLOAD ANG TRACK.
- Mga walang bayad na lisensya: I-click ang I-DOWNLOAD.
- Para magamit ang lisensya, idagdag ang lisensya sa iyong video habang nag-a-upload.
Kapag nag-upload ka ng video na gumagamit ng track sa Creator Music, kailangan mong idagdag ang impormasyon ng lisensya sa video file na ina-upload mo. Puwede ka ring bumili ng lisensya sa pag-upload kung hindi mo pa iyon nagagawa. Magagawa mo ang lahat ng ito mula sa page na Mga Element ng Video:
- Magsimulang mag-upload ng video gamit ang isang web browser.
- Sa page na Mga Element ng Video, sa seksyong Magdagdag ng mga lisensya sa musika, i-click ang IDAGDAG.
- Hanapin ang mga track na ginamit mo sa video na ina-upload mo.
- I-click ang Binili para sa mga track na nabili mo na.
- I-click ang Na-download para sa mga track na na-download mo.
- I-click ang Na-save para sa mga track na na-save mo sa iyong library.
- Para sa mga track na Na-download o Na-save, i-click ang presyo. Para sa mga track na Binili , i-click ang IDAGDAG at lumaktaw sa Hakbang 6.
- Suriin ang mga detalye ng lisensya.
- Mga may bayad na lisensya: I-click ang BILHIN ANG LISENSYA Ilagay ang impormasyon sa pagbabayad BAYARAN NGAYON IDAGDAG ANG LISENSYA.
- Mga walang bayad na lisensya: I-click ang IDAGDAG ANG LISENSYA.
- Suriin ang page na Mga detalye ng copyright ng video para kumpirmahing naidagdag ang lisensya sa iyong video.
- Para magdagdag ng higit pang lisensya, ulitin ang Mga Hakbang 2-5 sa itaas.
- I-click ang BUMALIK SA PAG-UPLOAD para tapusin ang proseso ng pag-upload.
Tandaan:
- Puwede ka ring magdagdag ng mga lisensya mula sa page na Mga Pagsusuri kung nakikita ang mga track sa Creator Music sa proseso ng Mga Pagsusuri. Sa page na Mga Pagsusuri, i-click ang IDAGDAG ANG LISENSYA at kumpletuhin ang mga hakbang sa paglilisensya.Kung nakapagdagdag ka na ng lisensya sa page na Mga Element ng Video, lalabas ang lisensya sa page na Mga Pagsusuri.
- Sa page na Visibility, kung nakatakda ang mga setting ng privacy ng iyong video sa Pribado o Hindi Nakalista, o kung Draft ang isang video, puwedeng alisin at idagdag sa iba pang video ang anumang lisensyang idinagdag mo. Hindi ito magagawa kapag naitakda na ang isang video sa Pampubliko. Alamin kung paano mag-alis ng mga lisensya.
Posible ang paglilisensya ng mga track pagkatapos ng pag-upload sa loob ng maikling oras pagkatapos ma-publish ang isang video. Para makakuha ng lisensya pagkatapos ng pag-upload:
- Mag-sign in sa YouTube Studio sa isang web browser.
- Mula sa kaliwang menu, piliin ang Content .
- Hanapin ang video na may track na gusto mong lisensyahan.
- I-click ang thumbnail ng video.
- Sa kaliwang menu, piliin ang Copyright .
- Mga may bayad na lisensya: I-click ang BILHIN ANG LISENSYA Ilagay ang impormasyon sa pagbabayad BAYARAN NGAYON.
- Mga walang bayad na lisensya: I-click ang IDAGDAG ANG LISENSYA.
Mag-alis ng lisensya
Kung nakatakda ang mga setting ng privacy ng isang video sa Pribado o Hindi Nakalista, o kung Draft ang isang video, puwedeng alisin at idagdag sa iba pang video ang anumang lisensyang idinagdag sa video na iyon. Hindi ito magagawa kapag naitakda na ang isang video sa Pampubliko.
Para mag-alis ng lisensya:
- Mag-sign in sa YouTube Studio sa isang web browser.
- Mula sa kaliwang menu, piliin ang Content .
- Hanapin ang video na may lisensyang gusto mong alisin.
- Sa column na Mga Paghihigpit, mag-hover sa Idinagdag na lisensya.
- I-click ang SURIIN.
- I-click ang Mga Pagkilos Alisin ang Lisensya.
- I-click ang ALISIN ANG LISENSYA.