Kupata maelezo zaidi kuhusu utambulisho kwenye YouTube

Utambulisho ni vitambulishi vifupi na vya kipekee vya chaneli vinavyokurahisishia kupata na kuwasiliana na watayarishi kwenye YouTube. Utambulisho huanza na alama ya "@" (kwa mfano, @youtubecreators) na hutofautiana na majina ya chaneli. Pata maelezo kuhusu jinsi ya kubadilisha, kuangalia au kuficha utambulisho wako.

Utaona utambulisho katika sehemu kama vile maoni, mitajo, Gumzo la Moja kwa Moja na Video Fupi. Unaweza pia kutumia utambulisho wako nje ya YouTube ili kutangaza chaneli yako.

Kumbuka: Watumiaji wote wa YouTube wanaweza kuchagua utambulisho, lakini kila chaneli inaweza kuwa tu na utambulisho mmoja. URL zozote ulizo nazo zilizowekewa mapendeleo ambazo zimepitwa na wakati zitaendelea kufanya kazi. YouTube inahifadhi haki ya kubadilisha, kudai tena au kuondoa utambulisho wakati wowote.

Utambulisho kwenye YouTube

Mwongozo wa majina ya utambulisho

Chagua utambulisho ambao unawakilisha vyema unavyotambulika kwa umma kwenye YouTube na ni lazima ufuate mwongozo huu:

• Uwe kati ya herufi 3 hadi 30, isipokuwa:
  • - Kihan/Kihangul: Herufi 1 hadi 10
  • - Kiethiopia/Kiharagana/Kikatakana: Herufi 2 hadi 20
  • - Utambulisho wa hati mchanganyiko unaweza kuwa na viwango tofauti vya juu au chini
• Uwe unatumia herufi za alfabeti au namba kutoka mojawapo ya lugha zetu 75 zinazotumika
  • - Utambulisho hauzingatii herufi kubwa au ndogo
  • - Utambulisho wako unaweza pia kujumuisha mistari chini (_), vistari (-) nukta (.) nukta za katikati za Kilatini (·), lakini si mwanzoni au mwisho wa utambulisho wako
  • - Hati mchanganyiko zinaruhusiwa tu katika hali mahususi. Hati zinazoanzia kushoto kwenda kulia haziwezi kuchanganywa na hati zinazoanzia kulia kwenda kushoto katika utambulisho mmoja isipokuwa namba zinapowekwa mwishoni mwa utambulisho
• Usifanane na URL au namba ya simu
• Usiwe ambao tayari unatumika
• Ufuate Mwongozo wa Jumuiya ya YouTube

Haturuhusu:

• Utambulisho wenye maneno ya vurugu, yanayokera au ya taka. Iwapo utambulisho wako unakiuka Mwongozo wetu wa Jumuiya, YouTube itaubatilisha na kutayarisha utambulisho mpya kwenye chaneli yako.
• Kuuza na kuhamisha utambulisho

Kumbuka: Katika hali fulani, kama vile unapounda chaneli kupitia mbinu kama vile kuchapisha maoni kupitia kifaa cha mkononi, YouTube inaweza kukupatia kiotomatiki utambulisho kulingana na jina la chaneli unalochagua. Huenda kukawa na hali ambapo utapewa kinasibu utambulisho iwapo jina la chaneli ulilochagua haliwezi kubadilishwa kuwa utambulisho. Unaweza kuangalia na kubadilisha utambulisho katika Studio au kwa kwenda kwenye youtube.com/handle wakati wowote.

Vitu vya kuzingatia wakati wa kuchagua utambulisho katika baadhi ya lugha

Ikiwa utambulisho wako unajumuisha herufi tofauti na A hadi Z, namba 0 hadi 9 au vitenganishi [_-.], kuna vitu 2 muhimu vya kuzingatia:

• Watu wanaokutafuta: Huenda watu wakashindwa kuandika kwa urahisi utambulisho wako wanapokutafuta ikiwa hawana kibodi inayofaa kuandika utambulisho wako.
• Kutuma viungo kwenye programu na tovuti nje ya YouTube: Huenda baadhi ya programu na tovuti nje ya YouTube zikashindwa kuonyesha kwa usahihi au kutumia kiungo chako cha youtube.com/@myHandle, kukifanya kionekane kina hitilafu au kukizuia kuelekeza kwenye ukurasa wa chaneli yako. Hii ni kwa sababu hali ya kufanya maudhui yatumike katika mataifa mbalimbali haitumiki kwa kufanana popote katika programu na tovuti kwenye intaneti. Matatizo haya yanaweza kutokea katika viungo vilivyoandikwa na kunakiliwa kutoka kwenye tovuti au programu ya YouTube.

URL za utambulisho katika baadhi ya lugha

Ikiwa utambulisho wako unajumuisha herufi tofauti na A hadi Z, namba 0 hadi 9 au vitenganishi [_-.], mambo yafuatayo yatatumika:

• URL ya utambulisho itanakiliwa kwenye kivinjari katika muundo wa kusimbwa kulingana na viwango vya intaneti. Usimbaji huhakikisha URL inafanya kazi ipasavyo.

- Mfano wa URL iliyosimbwa:

https://www.youtube.com/c/Handle%EC%A7%81%ED%95%A8.

• Wakati unatuma kwenye programu za nje ukitumia kitufe cha Tuma ukurasa wa chaneli unaweza kutumwa kupitia URL ya kitambulisho cha chaneli (badala ya URL ya utambulisho).

- Mfano wa URL ya kitambulisho cha chaneli:

https://www.youtube.com/channel/UC0L1uV8pgO4pCAIBNGxxy5w.

Lugha zinazotumika

Utambulisho unatumika katika lugha zilizo hapa chini.

Lugha Zinazotumika

Kiafrikana Kialbania Kiamhariki Kiarabu Kiarmenia Kiasami Kiazabajani Kibaski Kibelarusi Kibengali (Bangla) Kibosnia Kibulgaria Kibama (Myanmar) Kikatalani Kichina (Asili) Kichina (Kilichorahisishwa) Kikorasia Kicheki Kidenmaki Kiholanzi Kiingereza Kiingereza (Uingereza) Kiingereza (India) Kiestonia Kifilipino Kifini Kifaransa Kifaransa (Kanada) Kigalisia Kijojia Kijerumani Kigiriki Kigujarati Kiyahudi Kihindi Kihangaria Kiaisilandi Kiindonesia Kiitaliano Kijapani Kikanada Kikazaki Kikhema Kikorea Kirigizi Kilao Kilativia

Kilithuania Kimasedonia Kimalayalamu Kimalei Kimarathi Kimongolia Kinepali Kinorwe Kiodia Kiajemi Kipolandi Kireno Kipunjabi Kiromania Kirusi Kiserbia (Kilatini) Kisinhala Kislovakia Kislovenia Kihispania Kihispania (Amerika Kusini) Kiswidi Kiswahili Kitamili Kitelugu Kitai Kituruki Kiukreni Kiurdu Kiuzbeki Kivietinamu Kizulu

Kutafuta kwa kutumia utambulisho

Watazamaji na watayarishi wanaweza kutafuta chaneli yako moja kwa moja kwenye YouTube wakitumia alama ya @ ikifuatiwa na utambulisho wako, unaoweza kupatikana katika ukurasa wa chaneli au kadi yako ya maelezo ya ziada. Chaneli zote zitakuwa na utambulisho unaohusishwa na chaneli wa kutafutia na kushirikiana na watumiaji wengine.

Kutuma kupitia URL ya utambulisho

Utambulisho wako utakuwa URL mpya ya YouTube ya chaneli yako kiotomatiki. Kwa mfano, youtube.com/@youtubecreators. Unaweza kutumia URL hii kuwaelekeza watu kwenye chaneli yako wakati hawapo kwenye YouTube.
Unaweza kutuma ukurasa wa chaneli yako ukitumia URL ya utambulisho kwa:

• Kubofya au kugusa Tuma .
• Kunakili na kubandika URL moja kwa moja kwenye sehemu ya anwani ya kivinjari chako.