Paano gamitin ang Media Kit

Nagbibigay ang Media Kit ng maraming impormasyon tungkol sa audience at mga sukatan ng channel para matulungan ang mga creator na maiposisyon ang kanilang mga sarili sa epektibong paraan para sa mga brand deal.

Tingnan ang iyong Media Kit

Makikita mo ang iyong Media Kit sa YouTube Studio:

1. Gumamit ng computer para mag-sign in sa YouTube Studio.
2. Sa kaliwang menu, i-click ang Kumita.
3. I-click ang tab na BrandConnect.
4. Sa card na Media Kit, i-click ang TINGNAN ANG MEDIA KIT.

Data ng Audience at Channel

Naglalaman ang mga Media Kit ng maraming data tungkol sa audience at mga sukatan ng channel tulad ng, pero hindi limitado sa:

• Channel banner at bio
• Mga nangungunang kategorya ng audience at ng pamimili
• Mga pangunahing istatistika at demograpiko ng channel
• Mga video ng campaign ng Binabayarang Placement ng Produkto
• Mga nangungunang video sa kabuuan

Ang mga segment ng audience ay binubuo ng mga grupo ng mga taong may mga partikular na interes, layunin, at impormasyon sa demograpiko, ayon sa pagtatantya ng Google.

Para mag-customize ng card:

1. Piliin ang Menu.
2. I-click ang I-edit.
3. Pagbukud-bukurin ayon sa mga pinakanauugnay at pinakasikat na kategorya o gumamit ng search bar para maghanap ng iba pang kategorya ng audience.
4. Pumili ng hanggang 5 kategorya ng audience na nauugnay sa iyo at sa brand deal mo.
5. I-click ang “I-save”.

I-customize ang Iyong Ulat sa Media Kit

Puwedeng i-edit ang ilang card na nasa ulat sa Media Kit para matulungan kang i-highlight ang mga aspeto ng iyong channel na malamang na makakaakit ng ilang partikular na brand.

Para mag-customize ng card sa iyong ulat sa Media Kit:

1. Piliin ang Menu
2. I-click ang I-edit.

Hindi lahat ng card ay puwedeng i-edit. Kung hindi mo ma-edit ang isang card, puwede mong piliing hindi isama ang impormasyon sa ulat. Para hindi maisama ang card sa ulat:

1. Piliin ang Menu
2. I-click ang I-hide.

Kapag nag-e-edit ng card na may kasamang mga video, puwede kang pumili ng hanggang 4 na video na isasama. Para sa mga card na naglalaman ng mga kategorya, puwede kang pumili ng hanggang 5 kategorya kada card.

I-download ang mga ulat at i-share ang mga ito sa mga brand

Kapag tapos mo nang i-edit ang ulat, puwede mong i-preview at i-download ang iyong Media Kit.

Para ma-preview ang Media Kit: Sa kanang sulok sa itaas, piliin ang I-PREVIEW.

Para ma-download ang Media Kit: Sa kanang sulok sa itaas, piliin ang I-DOWNLOAD ANG PDF.

Tiyaking kumportable kang i-share ang iyong data sa brand o sa sinupamang taong papadalhan mo ng PDF.