სალიცენზიო სტრატეგია განსაზღვრავს პირობებს, რომლებსაც YouTube შემქმნელი ეთანხმება YouTube შემქმნელის მუსიკაში თქვენი კონტენტის ლიცენზიის შეძენისას. არსებობს სალიცენზიო სტრატეგიების ორი ტიპი, რომელთა შექმნაც შეგიძლიათ:
- პლატფორმის სალიცენზიო სტრატეგია: ვრცელდება ყველა YouTube შემქმნელზე, რომელსაც თქვენი კონტენტის ლიცენზიის შეძენა სურს.
- არხებზე დაფუძნებული სალიცენზიო სტრატეგია: ვრცელდება მხოლოდ თქვენ მიერ მითითებულ კონკრეტულ არხებზე.
სალიცენზიო სტრატეგიის შექმნისას, შეგიძლიათ აირჩიოთ წინასწარ დაყენებული საორიენტაციო ფასებიდან ერთ-ერთი ან შეიყვანოთ თქვენთვის სასურველი ვარიანტი. შეიტყვეთ მეტი ლიცენზიების განფასების შესახებ.
შენიშვნები:
- ერთი სალიცენზიო სტრატეგია შეიძლება გავრცელდეს რამდენიმე აქტივზე.
- შეგიძლიათ შექმნათ 5000-მდე სალიცენზიო სტრატეგია.
- თუ გამომცემელმა შემოგთავაზათ ფასის ქვედა ზღვარი, თქვენი სალიცენზიო სტრატეგია გამომცემლის მიერ დაწესებულ მინიმალურ ფასს უნდა შეესაბამებოდეს. სალიცენზიო სტრატეგია მიუღებელია, თუ არხის თუნდაც ერთი სეგმენტი ამ აქტივზე გამომცემლის ფასზე დაბალია.
პლატფორმის სტრატეგიის შექმნა
პლატფორმის სტრატეგიის შესაქმნელად, უპირველეს ყოვლისა, თქვენი კონტენტის მენეჯერის როლზე დაშვებული უნდა გქონდეთ ლიცენზიის მართვის ფუნქცია. შემდეგ, მიჰყევით სტრატეგიის შექმნის ამ ნაბიჯებს:
- შედით Studio-ს კონტენტის მენეჯერში.
- მარცხენა მხარეს არსებული მენიუდან აირჩიეთ ლიცენზიის მართვა
.
- პლატფორმის სტრატეგიების ჩანართში დაწკაპუნებით აირჩიეთ პლატფორმის სტრატეგიის შექმნა.
- ველში სტრატეგიის სახელი ჩაწერეთ თქვენი სალიცენზიო სტრატეგიის სახელი.
- აირჩიეთ უნიკალური სახელი, რომელიც სათანადოდ ახასიათებს სტრატეგიის მოქმედებას და გამოარჩევს მას სხვა სალიცენზიო სტრატეგიებისგან.
- განფასების სტრატეგიის განყოფილებაში, აირჩიეთ წინასწარ დაყენებული სალიცენზიო სტრატეგია („სარეკლამო“, „დაბალანსებული“, „პრემიუმი“, ან „უფასო“), ან აირჩიეთ „მორგებული“, თუ გსურთ, თავად განსაზღვროთ საორიენტაციო ფასები. შეიტყვეთ მეტი ლიცენზიების განფასების შესახებ.
თუ გამომცემელმა შემოგთავაზათ ფასის ქვედა ზღვარი, თქვენი სალიცენზიო სტრატეგია გამომცემლის მიერ დაწესებულ მინიმალურ ფასს უნდა შეესაბამებოდეს. სალიცენზიო სტრატეგია მიუღებელია, თუ არხის თუნდაც ერთი სეგმენტი ამ აქტივზე გამომცემლის ფასზე დაბალია.
- დამატებითი დეტალების განყოფილებაში, აირჩიეთ ლიცენზიის ხანგრძლივობა (რამდენი ხნის განმავლობაში შეძლებს შემქმნელი კონტენტით სარგებლობას): 2 წელი, 5 წელი, 10 წელი, ან უვადო. თუ ლიცენზიის ამოწურვის შემდეგ თქვენი კონტენტი მაინც გამოიყენება, შეგიძლიათ მასზე კონტენტის ID-სთან დაკავშირებული პრეტენზია შექმნათ.
შენიშვნა: მოქმედების გეოგრაფია განსაზღვრავს, მსოფლიოს რომელ ნაწილებში იძლევა ლიცენზია კონტენტის გამოყენების უფლებას. ლიცენზიის გამოყენება განსაზღვრავს ვიდეოების რაოდენობას, რომელშიც შემქმნელს შეეძლება კონტენტის გამოყენება.
- დაწკაპუნებით აირჩიეთ შენახვა.
მას შემდეგ, რაც სალიცენზიო სტრატეგიას შექმნით, მის ნახვასა და რედაქტირებას შეძლებთ ჩანართიდან „ლიცენზირება“. შეიტყვეთ მეტი.
არხებზე დაფუძნებული სტრატეგიის შექმნა
არხებზე დაფუძნებული სალიცენზიო სტრატეგიები საშუალებას გაძლევთ, გამორიცხოთ თქვენს აქტივებზე ლიცენზიის მქონე არხები კონტენტის ID-სთან დაკავშირებული პრეტენზიებიდან, რომლებიც გავლენას ახდენს მონეტიზაციაზე. საამისოდ, ამ არხებს მისცემთ თქვენ მიერ მითითებული აქტივების გამოყენების უფასო ლიცენზიას.
არხებზე დაფუძნებული სტრატეგიის შესაქმნელად, უპირველეს ყოვლისა, თქვენი კონტენტის მენეჯერის როლზე დაშვებული უნდა გქონდეთ არხებზე დაფუძნებული კონტენტის მმართველის ფუნქცია. შემდეგ, მიჰყევით სტრატეგიის შექმნის ამ ნაბიჯებს:
- შედით Studio-ს კონტენტის მენეჯერში.
- მარცხენა მხარეს არსებული მენიუდან აირჩიეთ ლიცენზიის მართვა
- დააწკაპუნეთ ჩანართზე არხებზე დაფუძნებული სტრატეგია.
- დაწკაპუნებით აირჩიეთ არხებზე დაფუძნებული სტრატეგიის შექმნა.
- ველში სტრატეგიის სახელი ჩაწერეთ თქვენი სალიცენზიო სტრატეგიის სახელი.
- აირჩიეთ უნიკალური სახელი, რომელიც სათანადოდ ახასიათებს სტრატეგიის მოქმედებას და გამოარჩევს მას სხვა სალიცენზიო სტრატეგიებისგან.
- არხების ველში შეიყვანეთ არხის ID.
- არხის ID არის 24 სიმბოლოსგან შედგენილი ასო-ციფრული სტრიქონი, რომელიც „UC“-ით იწყება არხის URL-ში.
- დამატებითი დეტალების განყოფილებაში, აირჩიეთ ლიცენზიის ხანგრძლივობა (რამდენი ხნის განმავლობაში შეძლებს შემქმნელი კონტენტით სარგებლობას): 2 წელი, 5 წელი, 10 წელი, ან უვადო. თუ ლიცენზიის ამოწურვის შემდეგ თქვენი კონტენტი მაინც გამოიყენება, შეგიძლიათ მასზე კონტენტის ID-სთან დაკავშირებული პრეტენზია შექმნათ.
შენიშვნა: მოქმედების გეოგრაფია განსაზღვრავს, მსოფლიოს რომელ ნაწილებში იძლევა ლიცენზია კონტენტის გამოყენების უფლებას. ლიცენზიის გამოყენება განსაზღვრავს ვიდეოების რაოდენობას, რომელშიც შემქმნელს შეეძლება კონტენტის გამოყენება.
- დაწკაპუნებით აირჩიეთ შენახვა.
მას შემდეგ, რაც არხებზე დაფუძნებულ სალიცენზიო სტრატეგიას შექმნით, მის ნახვასა და რედაქტირებას არხებზე დაფუძნებული სტრატეგიების ჩანართიდან შეძლებთ. შეიტყვეთ მეტი.
გამომცემლის ფასის ქვედა ზღვარი
ზოგიერთმა გამომცემელმა დამოუკიდებლად დააწესა ფასწარმოქმნის მინიმალური ფასი აქტივებზე, რაც ჩანაწერის ლიცენზირებისთვის ყველაზე დაბალი ფასია. როცა გამომცემელი მინიმალურ ფასს აწესებს, ლეიბლმა/დისტრიბუტორმა უნდა დააკმაყოფილოს Studio-ს კონტენტის მენეჯერში დაწესებული მოთხოვნები ფასების მიმართ.
თუ წინასწარ დაყენებული სალიცენზიო სტრატეგიები გამოიყენეთ, რომლებიც არ შეესაბამებოდა გამომცემლის მინიმალურ ფასს, ლიცენზირებადობის დაკარგვის თავიდან ასაცილებლად, ეს სტრატეგია Creator Music-ში ავტომატურად განახლდება.