Jinsi ya kutumia zana za udhibiti kwenye gumzo la moja kwa moja

Wadhibiti wanaweza kusaidia kuzuilia na kudhibiti maoni yanayotolewa na watumiaji kwenye video au ujumbe unaotumwa na washiriki wakati wa gumzo la moja kwa moja la mtiririko wako. Watayarishi wanapomweka mdhibiti, wanaweza kuchagua awe mdhibiti wa kawaida au mdhibiti mkuu. Wadhibiti wakuu wana chaguo zaidi zinazopatikana kuliko wadhibiti wa kawaida.

Pata maelezo zaidi kuhusu udhibiti wa maoni na udhibiti wa gumzo la moja kwa moja. Wadhibiti watasalia na hadhi zao hadi mtayarishi atakapoziondoa.

Gumzo la moja kwa moja

1. Fungua programu ya YouTube .
2. Katika kona ya juu kulia, gusa Tafuta kisha uweke jina la chaneli ili ufikie ukurasa wa kutazama.
3. Chagua Mtiririko wako mubashara ili uingie kwenye gumzo la moja kwa moja.
4. Gusa ujumbe au maoni na uchague kitendo kwenye chaguo zinazotokea.
5. Ikiwa wewe ni mdhibiti mkuu, unaweza kugusa Mipangilio ili ufungue kidirisha cha msimamizi kisha uchague vitendo vya ziada vya udhibiti.

Kuna aina mbili za wadhibiti: mdhibiti wa kawaida na mdhibiti mkuu. Mdhibiti wa kawaida anaweza:

• Kwenda kwenye chaneli: Unaweza kupata maelezo kuhusu mshiriki wa gumzo la moja kwa moja kabla ya kuchukua hatua ya kudhibiti kwa kwenda moja kwa moja kwenye chaneli yake.
• Kuondoa: Unaweza kuondoa maudhui yoyote yasiyofaa au ambayo huenda yanakera au yanaashiria matumizi mabaya. Unapofuta ujumbe, ujumbe huo huondolewa kabisa kwenye gumzo la moja kwa moja pamoja na majibu yoyote.
• Kumzuia mtumiaji kwa muda fulani: Unaweza kumzuia mtu asitume ujumbe katika gumzo la moja kwa moja kwa muda, kuanzia sekunde 10 hadi saa 24 katika vipindi vifuatavyo:
  • Sekunde 10
  • Dakika 1
  • Dakika 5
  • Dakika 10
  • Dakika 30
  • Saa 24

Unapomzuia mtu asichangie, hataweza kutuma ujumbe katika kipindi ulichochagua.

• Kumficha mtumiaji asionekane kwenye chaneli hii: Unapomficha mtu asionekane katika chaneli, ujumbe na maoni yake kwenye gumzo hayataonekana tena kwa watazamaji wengine. YouTube haimwarifu mtu kuwa umemficha.
• Kukagua ujumbe ambao huenda haufai: Unaweza kuonyesha au kuficha maoni au ujumbe ambao umezuiliwa kulingana na mipangilio ya jumuiya yako.

Mdhibiti mkuu anaweza kufanya mambo yaliyobainishwa hapo juu, pamoja na:

• Kuweka mipangilio chaguomsingi ya jumuiya: Unaweza kuwasha kipengele hiki ili utumie teknolojia kugundua kiotomatiki maudhui taka, ya kujitangaza, yenye upuuzi na maudhui mengine ambayo huenda hayafai kwenye maoni. Pata maelezo zaidi hapa.
• Kuwasha au kuzima gumzo la moja kwa moja Unaweza kuwasha au kuzima gumzo la moja kwa moja wakati wowote, hata baada ya tukio kuanza.
• Kuwasha au kuzima gumzo la moja kwa moja: Unaweza kuwasha au kuzima gumzo la moja kwa moja wakati wowote, hata baada ya tukio kuanza. Pata maelezo zaidi kuhusu mihtasari ya gumzo la moja kwa moja.
• Kuweka hali ya kushiriki: Unaweza kubadilisha hali za kushiriki kwenye gumzo la moja kwa moja kwa kuchagua wanaofuatilia pekee, wanachama pekee au maoni mubashara.
• Kuchelewesha ujumbe: Unaweza kuweka kikomo cha mara ambazo kila mtumiaji anaweza kutuma ujumbe wa gumzo kwa kuweka kikomo cha muda kati ya ujumbe mmoja na mwingine.
• Kuzuia maneno: Unaweza kuzuia ujumbe wa gumzo la moja kwa moja ulio na maneno fulani au unaolingana kwa karibu na maneno hayo.
• Kudhibiti wadhibiti wa kawaida au watumiaji walioidhinishwa: Unaweza kuweka na kuondoa wadhibiti wa kawaida au watumiaji walioidhinishwa.

Kumbuka: Wadhibiti wakuu hawana uwezo wa kufikia Ukurasa wa Kudhibiti Utiririshaji Mubashara au Studio ya YouTube. Wadhibiti wakuu hawawezi kukabidhi wadhibiti wakuu wengine.

Kufikia Shughuli kwenye Chaneli katika mipasho ya gumzo la moja kwa moja:

Wewe na wadhibiti mnaweza kufikia historia ya watumiaji ya umma kwenye mipasho ya gumzo la moja kwa moja kwa kubofya Shughuli kwenye Chaneli katika Menyu. Itaonyesha:

• Picha ya wasifu ya umma ya mtumiaji
• Utambulisho wa mtumiaji wa umma
• Tarehe ya kujjiunga kwenye YouTube
• Idadi ya wafuatiliaji wa mtumiaji
• Ujumbe wa gumzo la moja kwa moja wa umma (ujumbe usiozidi 50 kwa kila mtiririko)

Pia itakuwa na jumla ya idadi za vitendo vya udhibiti vilivyochukuliwa dhidi ya mtumiaji mwaka uliopita:

• Ujumbe uliofutwa
• Matukio ya muda kuisha
• Matukio ya kufichwa

Washiriki wa gumzo la moja kwa moja

Kwenye gumzo la moja kwa moja, aikoni na rangi hutumiwa kuwatambulisha washiriki fulani. Zaidi ya aikoni 1 inaweza kuonekana karibu na jina la mtumiaji la mtu fulani kwa wakati mmoja.

Aikoni	Maana
	Mtayarishi / mmiliki wa kituo
	Mtayarishi mwenye akaunti iliyothibitishwa
	Mshiriki mwenye akaunti iliyothibitishwa
	Mwanachama wa chaneli
	Mdhibiti wa kituo