YouTube-rako AdSense-ko kontua desaktibatu da

Konfigurazio-prozesua amaitu ez duzulako, edo azken sei hilabeteetan iragarki-jarduerarik izan ez duzulako edo irabazirik jaso ez duzulako desaktibatu dizugu agian YouTube-rako AdSense-ko kontua. YouTube-rako AdSense-ko kontua berriro aktibatu eta erabiltzeko, lot ezazu kanalarekin. YouTube-rako AdSense-ko kontua jada behar ez baduzu, aldiz, bertan behera utz dezakezu.

YouTube-rako AdSense-ko kontua desaktibatuta badago ere, bertan saioa has dezakezu. Kontua berriro aktibatu nahi baduzu, telefono-zenbakia berriro egiaztatzeko eskatuko zaizu. Halaber, helbidea eguneratuta dagoela ziurtatzea gomendatzen dizugu. Kanalak YouTube-ren Bazkideen programan sartzeko edo YouTube-ren ordainketak jasotzeko baldintzak betetzen baditu, YouTube-rako AdSense-ko kontua berriro aktiba dezakezu, edo beste kontu bat sortu.

Google-ren publizitate-sistemak aldi baterako etenda daudenez Errusian, pausatuta dago Errusiako YouTube-rako AdSense-ko eta AdSense-ko kontuak berriro aktibatzeko aukera. Lortu informazio gehiago.

YouTube-rako AdSense-ko kontua berriro aktibatzeko urratsak

1. Lotu YouTube-rako AdSense-ko kontua kanalarekin.
2. Hasi saioa YouTube-rako AdSense-n.
3. Egiaztatu zure telefono-zenbakia.

Zergatik desaktibatu dizugu YouTube-rako AdSense-ko kontua?

Kontua konfiguratzeko prozesua osatu gabe dago

Kontua konfiguratzeko eta hura YouTube-ko kanalarekin lotzeko urratsak osatzen ez direnean, YouTube-rako AdSense-ko kontuak desaktibatzen dira. YouTube-rako AdSense-ko kontua epe jakin batean konfiguratzen amaitzen ez baduzu, jakinarazpenak bidaltzen hasiko gara.

Kontua konfiguratzeko prozesua bost hilabetez osatu gabe badago

YouTube-rako AdSense-ren mezu elektroniko bat jasoko duzu kontua desaktibatuko dela jakinarazteko, laguntza-zentroko artikulu honetan azaldutako urratsak osatzen ez badituzu.

Kontua konfiguratzeko prozesua sei hilabetez osatu gabe badago

YouTube-rako AdSense-ko kontua desaktibatu egingo da.

Jarduerarik eza

Jarduerarik ez dagoenean, YouTube-rako AdSense-ko kontuak desaktibatu egiten dira. Kanalarekin lotutako kontua epe jakin batean aktibo ez badago, jakinarazpenak bidaltzen hasiko gara. YouTube-rako AdSense-ko kontuak iragarki-jarduerak baditu edo harekin irabaziak lortu badituzu, ez da desaktibatuko.

Bost hilabetez inaktibo egon ondoren

• YouTube-rako AdSense-ren mezu elektroniko bat jasoko duzu kontua desaktibatuko dela jakinarazteko, iragarki-jarduerarik ez badu edo harekin irabazirik lortu ez baduzu.

Sei hilabetez inaktibo egon ondoren

• YouTube-rako AdSense-ko kontua desaktibatu egingo da.

Maiz egiten diren galderak

YouTube-rako AdSense-ko kontua desaktibatu da, eta oraindik dirua daukat bertan. Nola jaso ditzaket ordainketak?

Kontuko saldoak bertan behera uzteko atalasea gainditzen badu eta ordainketa-atxikitzeak ebatzi badituzu, baliteke YouTube-rako AdSense-ko saldoa kontua itxi ondoren jasotzea.

Kontua berriro aktibatzean, helbidea berriro egiaztatu beharko dut PINa erabilita?

Ez. Helbidea PINa erabilita egiaztatu baduzu aurretik, ez duzu berriro egiaztatu beharko. Aurretik helbidea PINa erabilita egiaztatu ez baduzu, ordea, helbidea egiaztatzeko eskatuko dizugu ordainketak jaso baino lehen.

AdSense-ko kontua desaktibatu zait. Eraginik izango al du horrek YouTube-ko kanalaren egoeran?

Ez. AdSense-ko kontua desaktibatzeak ez dio eragingo YouTube-ko kanalaren egoerari. Kanalean dirua irabazteko aukera gaituta badaukazu eta YouTube-ren Bazkideen programaren egokitasun-eskakizun guztiak betetzen badituzu, YouTube-rako AdSense-ko kontu bat lotu ahalko duzu ordainketak jasotzeko.

Kanalean dirua irabazteko aukera gaitu dut abisu gisako mezu elektronikoa jaso ondoren; YouTube-rako AdSense-ko kontua desaktibatuko zait, halere?

Ez. YouTube-rako AdSense-ko kontua ez da desaktibatuko YouTube-ko kanalean dirua irabazteko aukera gaitzen baduzu.