ბავშვებისა და ოჯახებისთვის: რას გულისხმობს პროდუქტის ფასიანი განთავსება, რეკლამა და რეკომენდაცია?

რა არის პროდუქტის ფასიანი განთავსება? (ბავშვებისათვის)

გამოიწერეთ YouTube მნახველების არხი უახლესი ამბების, განახლებებისა და მინიშნებების მისაღებად.

ვიდეოს ყურებისას, შესაძლოა, ამოხტეს ეს სიმბოლო . ასევე, შესაძლოა, გამოჩნდეს ტექსტი: „ამ ვიდეოს შექმნისთვის არხი იღებს თანხას ან უფასო პროდუქტებს“ ან „შეიცავს ფასიან რეკლამას“. ეს იმას ნიშნავს, რომ ვიდეოს შემქმნელი კომპანიისგან მიიღებს თანხას ან უფასო პროდუქტებს.

მაგალითად, თუ ვიდეოში ჩანს სათამაშო, ვიდეოს შემქმნელმა, შესაძლოა, მიიღო თანხა სათამაშოს საჩვენებლად. სათამაშო იმიტომ მოხვდა ვიდეოში, რომ მის დამამზადებელ კომპანიას სურს მისი გაყიდვა.

რას გულისხმობს პროდუქტის ფასიანი განთავსება, რეკლამა და რეკომენდაცია?

პროდუქტის ფასიანი განთავსება:

• თანხის, უფასო პროდუქტების ან სერვისების სანაცვლოდ კომპანიისა თუ ბიზნესისთვის შექმნილი ვიდეოები.
• ვიდეოები, რომლებშიც კომპანიის ან ბიზნესის ბრენდი, შეტყობინება ან პროდუქტი მის კონტენტშია ჩართული. კომპანიამ ამ ვიდეოსთვის შემქმნელს თანხა გადაუხადა ან უფასო პროდუქტები შესთავაზა.

რეკომენდაციები: რეკლამის განმთავსებლის ან მარკეტერისთვის შექმნილი ვიდეოები, რომლებიც შეიცავს შემქმნელის ან რეკომენდატორის მოსაზრებების, შეხედულებების ან გამოცდილების შესახებ შეტყობინებას.

რეკლამები: ვიდეოები, რომლებიც მთლიანად ან ნაწილობრივ დაფინანსდა კომპანიის მიერ და რომლების კონტენტიც არ მოიცავს უშუალოდ ბრენდს, შეტყობინებას ან პროდუქტს. ამის ნაცვლად, ბრენდის, შეტყობინების ან დაფინანსებული პროდუქტის რეკლამა შეიძლება მოკლე ვიდეო-შესვენების დროს გამოჩნდეს. მაგალითად, შემქმნელმა შეიძლება გადაიღოს ვიდეო, რომელშიც ხატავენ ნახატს, მაგრამ შესვენებისას რეკლამა გაუწიონ ვიდეოს სპონსორის ახალ პროდუქტს.

აუხსენით თქვენს ბავშვს, რას გულისხმობს პროდუქტის ფასიანი განთავსება, რეკლამა და რეკომენდაცია

აუცილებელია, ბავშვებს ესმოდეთ, რომ თავიანთ ვიდეოებში რეკლამის სანაცვლოდ მათ შეუძლიათ მიიღონ პროდუქტები ან სერვისები. აი, რამდენიმე რჩევა და მინიშნება ფასიანი რეკლამის სფეროში თქვენი ბავშვის გასათვითცნობიერებლად:

• ესაუბრეთ თქვენს ბავშვებს ვიდეოებში ფასიანი რეკლამების შესახებ და ასწავლეთ მათ ფასიანი რეკლამების ინდიკატორის ამოცნობა ვიდეოებში (). უყურეთ ამ მოკლე ვიდეოს და ჰკითხეთ თქვენს ბავშვს, გითხრათ, როგორ უნდა გაარჩიოს, შეიცავს თუ არა ვიდეო ფასიან რეკლამას.
• განიხილეთ თქვენი ბავშვის საყვარელი შემქმნელები და აუხსენით, როგორ ამუშავებენ ისინი თავიანთ არხს პროდუქტის ფასიანი განთავსების მეშვეობით. ბევრი შემქმნელისთვის YouTube ვიდეოების გაკეთება მათი სრულგანაკვეთიანი სამუშაოა.
• ასწავლეთ თქვენს ბავშვს, მოძებნოს ფრაზები, მაგალითად, „სპონსორია“, „პარტნიორია“ ან „#რეკლამა“.

თქვენი ბავშვისთვის YouTube-ის შესახებ მეტი მინიშნების გასაცნობად ჩამოტვირთეთ და გაეცანით ჩვენს საოჯახო სახელმძღვანელოს.

პროდუქტის ფასიანი განთავსების, რეკლამისა და რეკომენდაციის წესები

ყველა ფასიანი რეკლამა უნდა იცავდეს ჩვენს სარეკლამო წესებს, რომელიც კონკრეტულ კატეგორიებში რეკლამებს კრძალავს. შემქმნელები და ბრენდები, რომლებთანაც ისინი თანამშრომლობენ, პასუხისმგებელი არიან თავიანთ კონტენტში ფასიანი რეკლამის შესახებ ინფორმაციის გამჟღავნების ადგილობრივი და იურიდიული ვალდებულებების დაცვაზე. ამ ვალდებულებათაგან ზოგიერთი მოიცავს, თუ როდის, როგორ და ვისთან უნდა გაამჟღავნონ ინფორმაცია.