മേൽനോട്ടത്തിലുള്ള അക്കൗണ്ടിലൂടെ YouTube ആക്സസ് ചെയ്യാൻ സ്വന്തം കുട്ടികളെ (13 വയസ്സ് അല്ലെങ്കിൽ അവരുടെ രാജ്യത്ത്/പ്രദേശത്ത് ബാധകമായ പ്രസക്തമായ പ്രായത്തിൽ താഴെയുള്ള) അനുവദിക്കാൻ രക്ഷിതാക്കൾക്കുള്ള പുതിയ ചോയ്സാണ് YouTube-ലെ മേൽനോട്ടത്തിലുള്ള അനുഭവം. സ്രഷ്ടാവ് എന്ന നിലയിൽ, ഈ അനുഭവത്തിൽ നിങ്ങളുടെ വീഡിയോയും ലഭ്യമായേക്കാം എന്നാണ് ഇതിനർത്ഥം.
YouTube-ലെ മേൽനോട്ടത്തിലുള്ള അനുഭവം എന്നാൽ എന്താണ്?
YouTube-ലെ മൂന്ന് വ്യത്യസ്ത ഉള്ളടക്ക ക്രമീകരണത്തിൽ നിന്ന് രക്ഷിതാക്കൾക്ക് തിരഞ്ഞെടുക്കാം (അടുത്തറിയുക, കൂടുതൽ അടുത്തറിയുക, YouTube-ലെ മിക്ക ഉള്ളടക്കവും). ഓരോ ഉള്ളടക്ക ക്രമീകരണത്തിലും ഏതെല്ലാം വീഡിയോകളാണ് ഉൾപ്പെടുത്തുന്നത് എന്ന് തീരുമാനിക്കാൻ ഞങ്ങൾ ഉപയോക്തൃ ഇൻപുട്ടുകളുടെയും മെഷീൻ ലേണിംഗിന്റെയും മനുഷ്യ അവലോകനത്തിന്റെയും സംയോജനം ഉപയോഗിക്കും. ഈ ഉള്ളടക്ക ക്രമീകരണങ്ങളെ കുറിച്ചുള്ള കൂടുതൽ വിവരങ്ങൾ ഇതാ.
രക്ഷിതാവ് YouTube-ലേക്കുള്ള ആക്സസ് നൽകുമ്പോൾ, അവരുടെ കുട്ടികളുടെ അനുഭവം സാധാരണ YouTube-ന് ഏതാണ്ട് സമാനമായിരിക്കും, എന്നാൽ അവർക്ക് കണ്ടെത്താനും കാണാനും കഴിയുന്ന വീഡിയോകൾ, ഉപയോഗിക്കാവുന്ന ഫീച്ചറുകൾ, ഡിഫോൾട്ട് അക്കൗണ്ട് ക്രമീകരണം, പരസ്യ പരിരക്ഷകൾ എന്നിവയിൽ അഡ്‌ജസ്റ്റ്‍മെന്റുകളുണ്ടാകും.
YouTube-ലെ മേൽനോട്ടത്തിലുള്ള അനുഭവങ്ങൾ സംബന്ധിച്ച ഫീഡ്ബാക്ക് നൽകൽ
നിങ്ങളുടെ വീഡിയോകൾ ഉള്ളടക്ക ക്രമീകരണത്തിൽ ഒന്നിൽ നിലവിൽ ലഭ്യമല്ലെങ്കിൽ, അവ ലഭ്യമാകണമെന്ന് നിങ്ങൾ കരുതുന്നുവെങ്കിൽ, ഞങ്ങൾക്ക് ഫീഡ്ബാക്ക് അയയ്ക്കുക.
ഞങ്ങളുടെ സിസ്റ്റങ്ങൾ കുറ്റമറ്റതല്ലാത്തതുകൊണ്ട് ചില തെറ്റുകൾ വരുത്തിയേക്കാമെങ്കിലും സേവനം മെച്ചപ്പെടുത്താൻ നിങ്ങളുടെ ഫീഡ്ബാക്ക് സഹായിക്കും. നിങ്ങൾ സമർപ്പിച്ചതിന് ഞങ്ങൾ മറുപടിയൊന്നും നൽകില്ലെങ്കിലും നിങ്ങൾ സമർപ്പിച്ച ഓരോ വീഡിയോയും അവലോകനം ചെയ്യാൻ ഞങ്ങൾ പരമാവധി ശ്രമിക്കും.
ഫീഡ്ബാക്ക് സമർപ്പിക്കുന്നതിന് മുമ്പ്, മേൽനോട്ടത്തിലുള്ള അനുഭവങ്ങൾ ഉപയോഗിക്കുന്ന കുടുംബങ്ങൾക്കുള്ള ഉള്ളടക്ക ക്രമീകരണത്തെ കുറിച്ച് വായിച്ചിട്ടുണ്ടെന്ന് ഉറപ്പാക്കുക.