Ógild umferð í vídeóunum þínum

Ógild umferð er öll virkni sem ekki kemur frá raunverulegum notanda eða notanda með raunverulegan áhuga. Hún getur náð til sviksamlegra, óeðlilegra eða jafnvel óviljandi leiða til að auka auglýsingatekjur fyrir vídeó, ásamt fleiru.

Dæmi um ógilda umferð í vídeóum:

• Sjálfvirk umferð eða umferð sem þriðji aðili greiðir þóknun fyrir, þar á meðal þjónusta til að „keyra upp umferð“ og annarra sem segjast vera gild auglýsinganet.
• Vinir eða tengiliðir láta spilunarlista með vídeóunum þínum keyra allan daginn sem leiðir til aukinnar auglýsingaumferðar vegna auglýsinga sem birtast á þessum vídeóum.
• Tilkynningar til áhorfenda um að þeir ættu að horfa á eða smella á auglýsingar í tilteknum vídeóum sem eykur auglýsingatekjur.

Kerfin okkar fara yfir umferð á vídeóin þín og meta hvort um er að ræða gilda eða ógilda umferð, óháð því hvaðan hún berst eða hver upptök hennar eru. Það er mikilvægt að bregðast skjótt við ógildri umferð svo að verkvangurinn virki eins og hann á að gera fyrir áhorfendur, höfunda og auglýsendur. Með því að vernda stöðugt auglýsingakerfin okkar gegn ógildri umferð höldum við trausti auglýsenda, sem þar með halda áfram að fjárfesta og gera höfundum kleift að afla sér tekna af öllu því frábæra efni sem þeir búa til. 

Stundum getur orðið vart við ógilda umferð á rásum jafnvel þótt höfundar sjálfir séu ekki viljandi drifkrafturinn þar að baki. Þetta þýðir að stundum vita höfundar kannski ekki af því að virkni á rásinni þeirra er tilkomin vegna ógildrar umferðar.

Þótt við gerum okkar besta til að reyna að koma í veg fyrir ógilda umferð er stundum ómögulegt að uppgötva hana fyrr en eftir á. Í kjölfarið eru áhorf og tekjur leiðrétt í YouTube-greiningu og AdSense fyrir YouTube. Þegar þú verður var/vör við þessar leiðréttingar þýðir það að varnir okkar gegn ógildri umferð eru að verki til að vernda verkvanginn, óháð því hvort þú stóðst á bak við ógildu umferðina eða ekki.

Til að fá frekari upplýsingar um ógilda umferð skaltu skoða hjálparumræðusvæði YouTube-samfélagsins.

Hvernig ógild umferð hefur áhrif á tekjur þínar

Í kjölfar ógildrar umferðar á rásinni þinni gætirðu séð:

• Lækkun á áhorfum og tekjum. Þú gætir séð leiðréttingar í YouTube Analytics þar sem áhorf, og þar með tekjur, er lækkað í kjölfar ógildrar umferðar.  
• Færri auglýsingar á rásinni þinni. Það er hugsanlegt að við takmörkum auglýsingar um tíma þangað til kerfin okkar meta það sem svo að hættan á ógildri umferð hafi minnkað, sem getur haft áhrif á tekjur jafnvel þótt áhorf haldist stöðugt.
• Leiðréttingar á AdSense fyrir YouTube-reikningnum þínum. Ef upp kemst um tekjur af ógildri umferð eftir að greiðsla hefur verið reiknuð út eða framkvæmd verður upphæðin reiknuð frá núverandi eða komandi AdSense-stöðu.
• Seinkanir á greiðslum. Hugsanlegt er að greiðslum til þín verði seinkað í allt að 90 daga til að gera ráð fyrir nægilegum tíma til að kanna umferð og tengdar tekjur á rásinni þinni. Hugsanlegt er að tekjum verði haldið eftir, þær leiðréttar eða skuldfærðar ef talið er að þær séu ógildar.

Nánar um hvernig ógild umferð getur haft áhrif á áætlaðar tekjur í YouTube-greiningu.

Þegar vart verður við ógilda umferð eru auglýsendur ekki rukkaðir eða fá endurgreitt þegar við á og hægt er. 

AdSense fyrir YouTube-hagnaður verður tekinn fyrir útgreiðslu til að fjarlægja tekjur af ógildri umferð. Allar skuldfærslur fyrir ógilda umferð munu opnast sem aðskildar færslur á greiðslusíðunni í AdSense fyrir YouTube. 

Í þeim tilfellum þar sem umtalsverð virkni rásar er talin vera ógild gæti AdSense fyrir YouTube-reikningnum verið lokað annaðhvort um tíma eða endanlega. Höfundar munu eiga kost á að áfrýja þegar AdSense fyrir YouTube-reikningnum þeirra er lokað. Brot geta líka haft þær afleiðingar að slökkt verður á tekjuöflun á einhverjum reikninga þinna eins og fram kemur í tekjuöflunarreglum YouTube-rása. Ef þú telur að um mistök sé að ræða geturðu áfrýjað. Ef brotinu er hnekkt geturðu sótt um tekjuöflun í YouTube Studio þegar þú uppfyllir skilyrðin.

Ráð til að koma í veg fyrir ógilda umferð

Ef vart verður við ógilda umferð á rásinni þinni geturðu íhugað eftirfarandi ráð til að koma í veg fyrir hana: 

1. Forðastu að eiga samstarf við ótrausta aðila hvað varðar vídeógerð og uppbyggingu rásarinnar þinnar. Til dæmis er ráðlegt að forðast aðila sem halda því fram að þeir geti aukið fjölda áhorfa, læka eða áskrifenda. Jafnvel þegar þriðju aðilar segjast beina alvöru umferð á rásina þína getur verið um tilbúna og ógilda umferð að ræða. 
2. Ekki smella á auglýsingar í vídeóunum þínum, jafnvel þótt þú haldir að það sé í lagi. Kerfin verða vör við það þegar höfundar smella á auglýsingar í eigin vídeóum. Ef þetta gerist ítrekað gæti reikningurinn þinn verið gerður óvirkur til að vernda bæði auglýsendur og vistkerfi höfunda.
3. Ekki hvetja neinn til að smella á auglýsingarnar þínar til að hjálpa þér að afla hærri tekna, jafnvel þó að það sé fyrir góðan málstað.

Fáðu frekari ráð til að koma í veg fyrir ógilda umferð í hjálparmiðstöðinni okkar.

Tilföng

• Reglur um falska virkni
• Reglur um ruslefni, villandi athæfi og svindl
• Skilgreining á ógildri umferð
• Nánar um áætlaðar tekjur samanborið við lokatekjur

Athugaðu: Gul tákn eru sett við vídeó í samræmi við leiðbeiningar um auglýsingavænt efni. Þau eru ekki sett á vídeó út frá reglum um ógilda umferð.