Ang invalid na trapiko ay anumang aktibidad sa iyong channel na hindi mula sa totoong user o user na may tunay na interes. Puwedeng kasama rito ang mga mapanloko, artipisyal, o kahit hindi sinasadyang paraan para i-boost ang kita sa ad para sa mga video, bukod sa iba pa.
Kasama sa mga halimbawa ng invalid na trapiko sa mga video ang:
- Naka-automate na trapiko o incentivized traffic mula sa mga third party, kasama ang mga serbisyong “nagbu-boost ng trapiko” at iba pang nagsasabing mga lehitimong ad network sila, bukod sa iba pa.
- Pagpapa-play sa mga kaibigan o contact ng mga playlist ng iyong mga video nang buong araw, na nagreresulta sa pag-boost ng trapiko ng ad dahil sa mga nagpe-play na ad sa mga video na iyon.
- Pag-aanunsyo sa iyong mga manonood na dapat nilang panoorin o i-click ang mga ad sa ilang partikular na video para ma-boost ang trapiko ng ad, na magreresulta sa na-boost na kita sa ad.
Sinusuri ng aming mga system ang trapiko sa iyong mga video para matukoy kung valid o invalid ito, saanman nagmula ang trapiko o paano man nagkaroon ng trapiko. Mahalagang matugunan namin nang mabilis ang invalid na trapiko para mapanatiling gumagana ang platform para sa mga creator, advertiser, at manonood. Sa pamamagitan ng patuloy na pagprotekta sa aming mga system ng pag-advertise laban sa invalid na trapiko, patuloy na magkakaroon ng kumpiyansa ang mga advertiser na mamuhunan sa platform, na makakatulong sa mga creator na i-monetize ang magagandang content na ginagawa nila.
Kung minsan, posibleng makita ng mga creator na apektado ng invalid na trapiko ang kanilang mga channel, kahit na hindi nila sinasadyang makatanggap nito. Nangangahulugan ito na may mga pagkakataong posibleng hindi alam ng mga creator na resulta ng invalid na trapiko ang aktibidad na natanggap nila.
Bagama't sinisikap naming mapigilan ito, may ilang uri ng invalid na trapiko na nade-detect lang ng aming mga system kapag nangyari na ang mga ito. Bilang resulta, nagkakaroon ng mga adjustment sa mga panonood at kita sa YouTube Analytics at AdSense para sa YouTube. Kapag nakita mo ang mga adjustment na ito, nangangahulugan itong gumagana ang aming mga depensa sa invalid na trapiko para protektahan ang platform, kahit na hindi mo binuo o hinikayat ang trapikong iyon.
Paano nakakaapekto ang invalid na trapiko sa iyong kita
Kung magkakaroon ng invalid na trapiko sa iyong channel, posibleng makakita ka ng:
- Mga pagbaba sa panonood at kita. Posibleng makakita ka ng mga adjustment sa YouTube Analytics para alisin ang mga panonood, at samakatuwid ay ang kita, na nauugnay sa invalid na trapiko.
- Mas kaunting ad sa iyong channel. Posible naming pansamantalang limitahan ang paghahatid ng ad hanggang sa matukoy ng aming mga system na nabawasan na ang panganib ng invalid na trapiko, na posibleng makaapekto sa kita kahit na hindi nagbabago ang mga panonood.
- Mga adjustment sa iyong AdSense for YouTube account. Kung may mga made-detect kaming nauugnay na kita mula sa invalid na trapiko pagkatapos makalkula o maisagawa ang iyong pagbabayad, io-offset ang halaga mula sa iyong balanse sa AdSense para sa YouTube sa kasalukuyan o sa hinaharap.
- Mga pagkaantala sa pagbabayad. Posibleng maantala ang mga pagbabayad nang hanggang 90 araw para magbigay ng sapat na panahon para siyasatin ang trapiko at nauugnay na kita sa iyong channel. Posibleng i-withhold, i-adjust, o i-offset ang kita kung matutukoy na invalid ito.
Matuto pa tungkol sa kung paano makakaapekto ang invalid na trapiko sa iyong tinantyang mga kita sa YouTube Analytics.
Kapag may na-detect na invalid na trapiko, hindi sisingilin ang mga advertiser, o magre-refund sa kanila kung naaangkop at posible.
Made-debit ang iyong kita sa AdSense para sa YouTube bago ang disbursement para alisin ang kita mula sa invalid na trapiko. Lalabas ang anumang debit para sa invalid na trapiko bilang hiwalay na item sa linya sa page na Mga Pagbabayad sa AdSense para sa YouTube.
Sa mga sitwasyon kung saan nakitang invalid ang maraming aktibidad sa isang channel, posibleng suspindihin o permanenteng i-disable ang nauugnay na account sa AdSense for YouTube. Magkakaroon ng opsyon ang mga creator na umapela kapag na-disable ang kanilang account sa AdSense for YouTube. Posible ringng magresulta ang mga paglabag sa pag-disable ng pag-monetize sa alinman sa iyong mga account alinsunod sa aming mga patakaran sa pag-monetize ng channel sa YouTube. Kung sa tingin mo ay nagkamali kami, puwede kang umapela. Kung babawiin ang paglabag, puwede kang mag-apply para sa pag-monetize kapag kwalipikado ka na sa YouTube Studio.
Mga tip para mapigilan ang invalid na trapiko
Kung magkakaroon ng invalid na trapiko sa iyong channel, basahin ang mga tip na ito para sa mga karaniwang paraan para matulungan kang mapigilan ito:
- Iwasan ang pakikipag-partner sa mga hindi pinagkakatiwalaang party para sa paggawa ng video at pagbuo ng iyong channel. Halimbawa, pinakamainam na iwasan ang mga serbisyong nagsasabing papataasin ng mga ito ang iyong mga panonood, like, o subscription. Kahit na sinasabi ng mga third party na maghahatid ang mga ito ng tunay na trapiko sa iyong channel, posibleng artipisyal ito, na magreresulta sa invalid na trapiko.
- Huwag mag-click ng mga ad sa iyong mga video, kahit na sa tingin mo ay OK lang na gawin ito. Natutukoy ng aming mga system kapag nagki-click ang mga creator ng mga ad sa kanilang mga sariling video. Kung paulit-ulit na mangyayari ang ganitong gawi sa paglipas ng panahon, posibleng ma-disable ang iyong account para maprotektahan ang mga advertiser at ang ecosystem ng creator.
- Huwag kailanman hikayatin ang sinuman na i-click ang iyong mga ad para matulungan kang kumita pa, kahit na para ito sa maganda o mapagkawanggawang layunin.
Mga Resource
- Patakaran sa pekeng engagement
- Mga patakaran sa spam, mga mapanlinlang na kagawian, at scam
- Kahulugan ng invalid na trapiko
- Matuto pa tungkol sa tinantyang mga kita kumpara sa kabuuang mga kita