Benetako interesa duten erabiltzaileengandik edo benetako erabiltzaileengandik ez datozen kanaleko jarduerei deritze "balio ez duen trafikoa". Bideoko publizitatearen diru-sarrerak handitzeko modu iruzurtiak, artifizialak edo nahi gabekoak dira, besteak beste.
Balio ez duen bideoetako trafikoaren adibide batzuk:
- Hirugarrenen trafiko automatizatua edo sustatua; besteak beste, trafikoa indartzeko zerbitzuak eta benetako iragarki-sareak direla dioten bestelako zerbitzuak.
- Ikusleei bideo jakin batzuetako iragarkiak ikusteko edo haietan klik egiteko eskatzea iragarkien trafikoa eta publizitatearen diru-sarrerak handitzearren.
Gure sistemek zure bideoetako trafikoa aztertzen dute balio duen ala ez zehazteko, trafikoa non edo nola sortu den kontuan izan gabe. Garrantzitsua da balio ez duen trafikoaren aurkako neurriak bizkor hartzea, plataformak behar bezala funtziona dezan sortzaileentzat, iragarleentzat eta ikusleentzat. Gure publizitate-sistemak balio ez duen trafikoaren aurrean babesten jarraituta, iragarleek plataforman inbertitzeko konfiantza izaten jarraituko dute; horrela, sortzaileek haien eduki bikainarekin dirua irabazteko aukera gai dezakete.
Batzuetan, beren kanalek balio ez duen trafikoaren eragina jasan dutela ikusiko dute sortzaileek. Balio ez duen trafikoa hautematen denean, iragarleei ez zaie ezer kobratzen. Bestela, beharrezkoa eta posible bada, dirua itzultzen zaie. Iragarleek ikustaldi horiengatik ezer ordaintzen ez dutenez, YouTube-k eta sortzaileek ez dute dirurik jasoko.
Kanalean balio ez duen trafikoa hautematen badugu, baliteke iragarki-horniketa aldi baterako mugatzea, gure sistemek balio ez duen trafikoa jasotzeko arriskua txikiagotu dela zehaztu arte. Kanaleko jardueren zati handi batek balio ez duela zehazten bada, baliteke kanalarekin lotutako YouTube-rako AdSense-ko kontua aldi baterako etetea edo betiko desgaitzea. Kontua balio ez duen trafikoarengatik desgaitu badizugu, baina hori akats baten ondorioz gertatu dela uste baduzu, balio ez duten jardueren inguruko ihardespen bat bidal dezakezu. Balio ez duen trafikoaren inguruko urratze larriak badaude, baliteke dirua irabazteko aukera desgaitzea Kanalekin dirua irabazteko aukerari buruzko YouTube-ren gidalerroei jarraikiz. Hori akats bat dela uste baduzu, ihardesteko aukera duzu. Urratzea baliogabetzen bada, YouTube Studio-n baldintzak betetzen dituzunean eskatu ahalko duzu dirua irabazteko aukera.
Balio ez duen trafikoak zure irabazietan duen eragina
Hori saihesteko buru-belarri egiten dugu lan. Alabaina, balio ez duten trafiko mota batzuk gertatu ondoren soilik hauteman ditzakete gure sistemek. Zure kanalean jadanik erakutsi diren iragarkietan balio ez duen trafikoa egon dela hautematen dutenean gure sistemek, baliteke balio ez duen trafikoarengatik lortutako iragaziak atxikitzea, aldatzea edo konpentsatzea, Ondorioz, YouTube Analytics eta YouTube-rako AdSense-ko irabazietan doikuntzak egiten dira. Kanalean balio ez duen trafikoa hautematen badugu, baliteke hauek nabaritzea:
- Ikustaldien eta irabazien jaitsierak. Baliteke doikuntzak ikustea YouTube Analytics-en balio ez duen trafikoarekin erlazionatutako irabaziak kentzeko.
- Iragarki gutxiago kanalean. Baliteke iragarki-horniketa aldi baterako mugatzea, gure sistemek balio ez duen trafikoa jasotzeko arriskua txikiagotu dela zehaztu arte. Agian horrek diru-sarrerei eragingo die, ikustaldiak berdintsu mantendu arren.
- YouTube-rako AdSense-ko kontuko doikuntzak. Zure ordainketa kalkulatu edo ordaindu ostean balio ez duen trafikoagatiko irabaziak hautematen baditugu, YouTube-rako AdSense-ko oraingo edo etorkizuneko saldoarekin konpentsatuko da zenbateko hori.
- Ordainketak atzeratzea. Baliteke ordainketak 90 eguneraino atzeratzea, kanaleko trafikoa eta harekin lotutako irabaziak ikertzeko nahikoa denbora izateko. Irabaziek balio ez dutela zehazten bada, baliteke haiek atxikitzea, doitzea edo konpentsatzea.
YouTube-rako AdSense-ko irabaziak normalean doitu egiten dira ordaindu aurretik, balio ez duen trafikoari dagozkion irabaziak kentzeko. Baina zure ordainketa kalkulatu edo ordaindu ostean balio ez duen trafikoagatiko irabaziak hautematen baditugu, YouTube-rako AdSense-ko oraingo edo etorkizuneko saldoarekin konpentsatuko da zenbateko hori. Balio ez duen trafikoarekin lotutako zordunketak lerro-elementu bereiz gisa agertuko dira YouTube-rako AdSense-ko Ordainketak orrian. Doikuntza horiek ikusten dituzunean, balio ez duen trafikoaren aurka dauzkagun defentsak plataforma babesten ari direla esan nahi du horrek, nahiz eta zuk trafiko hori ez sortu edo bideratu.
Balio ez duen trafikoari buruz maiz egiten diren galderak
Nola saihets dezaket kanalean balio ez duen trafikoa izatea?
Zer egin dezaket balio ez duen trafikoagatiko irabaziak eta ikustaldiak berreskuratzeko?
Kanalak balio ez duen trafikoa izan badu, YouTube-k nire bideoak gomendatuko al ditu halere?
Edukia kapsulatzeak, Promozioak fitxa erabiltzeak edo iragarki-formatu jakin batzuk edukitzeak balio ez duen trafikoa eragin al dezake?
Ez. Hauetako batek ere ez du handiagotzen balio ez duen trafikoa jasotzeko arriskua:
- edukia kapsulatzea
- YouTube Studio-ko Promozioak fitxa erabiltzea kanala sustatzeko
- askotariko iragarki-formatuak erabiltzea; adibidez, tarteko iragarkiak