Um lýðfræðigögn höfundar á YouTube

Höfundar og flytjendur í Bandaríkjunum, Bretlandi, Brasilíu, Indlandi, Japan og Þýskalandi geta sjálfir valið hvort þeir deila lýðfræðigögnum eða ekki.

Þú getur fundið lýðfræðigögn höfundar í stillingahlutanum í YouTube Studio í tölvu eða í YouTube Studio-snjallforritinu.

Við viljum tryggja að YouTube sé fyrir alla og virki fyrir alla. Í dag er matsferlið í kerfum okkar takmarkað vegna þess að við höfum ekki upplýsingar um auðkenni rása á YouTube. Við getum ekki metið á stórum mælikvarða hvernig vörur og reglur frá okkur virka fyrir rásir höfunda og flytjenda eftir lýðfræði- og auðkennisgögnum.

Athugaðu: Við vitum að einkenni eru persónulegar upplýsingar og þess vegna er deiling þeirra valfrjáls. Þessi stilling veitir okkur upplýsingar um auðkenni sem við vitum annars ekki um rásir höfunda og flytjenda á YouTube. Svör þín við könnuninni verða vistuð með YouTube-rásinni þinni og aðrar Google-vörur munu ekki nota þau. Upplýsingarnar sem þú veitir verða ekki notaðar til að hafa áhrif á árangur vídeós eða rásar í kerfum YouTube.

Svona notum við lýðfræðigögn höfundar

Við notum gögnin sem er safnað til að meta hvernig YouTube virkar fyrir rásir höfunda og flytjenda úr ólíkum samfélagshópum. Við notum gögnin sem þú deilir til að:

• Kanna hvernig reiknirit okkar og kerfi meðhöndla efni frá ólíkum samfélagshópum.
• Skilja hvernig ólíkir samfélagshópar vaxa á YouTube.
• Koma auga á möguleg tilfelli um misnotkun, þar á meðal áreitni og hatur.
• Bæta fyrirliggjandi áætlanir okkar, herferðir og tilboð.

Ef við finnum vandamál í kerfum okkar sem hafa áhrif á tiltekna samfélagshópa erum við staðráðin í að lagfæra þau. Við munum halda áfram að senda þér upplýsingar um þetta stöðuga framtak.

Ef þú velur að deila upplýsingum þínum í lýðfræðigögnum höfundar mun Google LLC varðveita upplýsingarnar í samræmi við persónuverndarstefnu Google. Upplýsingarnar sem þú deilir eru vistaðar með YouTube-rásinni þinni og aðrar Google-vörur mun ekki nota þær. Þær verða ekki gerðar opinberar eða notaðar í auglýsingatilgangi nema með samþykki þínu.

Hér eru frekari upplýsingar um hvernig við notum gögnin sem þú deilir:

Kanna hvernig reiknirit okkar og kerfi meðhöndla efni frá ólíkum samfélagshópum

Þessar upplýsingar munu hjálpa okkur að skilja hvernig kerfi okkar meðhöndla efni frá ólíkum samfélagshópum.

Markmið okkar er að koma betur auga á möguleg vandamál í sjálfvirkum kerfum okkar. Við viljum líka bregðast við villum sem við gætum fundið til að tryggja að kerfin virki fyrir alla.

Skilja hvernig ólíkir samfélagshópar vaxa á YouTube

Þessar upplýsingar verða líka notaðar til að hjálpa okkur að skilja hvernig ólíkir hópar höfunda vaxa á YouTube.

Til að meta vöxt könnum við til dæmis hvernig ólíkir samfélagshópar afla tekna á YouTube. Við höfum fengið ábendingar frá höfundum og flytjendum vegna tilfella þar sem tekjuöflunarkerfi okkar virkar ekki sem skyldi. Við vinnum að því að tryggja að kerfi okkar og reglur virki vel fyrir alla höfunda og efnistegundir.

Koma auga á mögulega skaðlega hegðun, þar á meðal áreitni og hatur

Við fjarlægjum efni sem brýtur gegn reglum okkar um hatur og áreitni. Við höfum fengið ábendingar um að margir höfundar verði fyrir áhrifum af móðgandi og særandi efni og hegðun í ummælum. Þessar upplýsingar munu hjálpa okkur að skilja hvaða áhrif þessi hegðun getur haft á ýmsa hópa höfunda. Þær munu líka bæta sjálfvirku kerfin okkar með tímanum.

Bæta fyrirliggjandi áætlanir okkar, herferðir og tilboð

Í Lýðfræðigögnum höfundar geturðu veitt samþykki þitt fyrir því að við notum upplýsingar þínar til að senda boð í áætlanir og á viðburði. Þessar upplýsingar geta hjálpað okkur að skilja betur fyrirliggjandi áætlanir okkar, herferðir og tilboð. Þessi tilboð eru meðal annars viðburðir fyrir höfunda og áætlanir til að hjálpa nýjum höfundum að vaxa. Við gerum líka kannanir með höfundum, til dæmis rýnihópa, kannanir í eigin persónu, ábendingar, skoðanakannanir og annars konar kannanir. Með þessari vinnu getum við sagt vöruþróunarteymum okkar frá skoðunum höfunda. Upplýsingarnar frá lýðfræðigögnum höfundar gera okkur kleift að senda boð í kannanir til fleiri höfunda sem endurspegla fjölbreytni samfélagshópanna á YouTube.

Breyta eða eyða svörum

Þú getur breytt upplýsingunum sem þú deilir einu sinni á hverjum 45 dögum. Næsti dagur þegar þú getur reynt aftur að senda upplýsingar er birtur í Studio. Það er alltaf hægt að eyða öllum svörum.

Athugaðu: Ef þú velur að breyta eða eyða þessum upplýsingum hefur það ekki áhrif á árangur efnisins þíns á YouTube.

Breyttu svörum í Lýðfræðigögn höfundar í YouTube Studio:

1. Skráðu þig inn í YouTube Studio.
2. Smelltu á Stillingar vinstra megin.
3. Veldu Lýðfræðigögn höfundar.
4. Veldu BREYTA KÖNNUN.
5. Breyttu svörunum þínum.
6. Veldu SENDA.

Breyttu svörum í Lýðfræðigögn höfundar í YouTube Studio-forritinu:

1. Opnaðu YouTube Studio-forritið .
2. Ýttu á prófílmyndina þína .
3. Ýttu á Stillingar í valmyndinni.
4. Undir Rás skaltu ýta á Lýðfræðigögn höfundar.
5. Veldu BREYTA KÖNNUN.
6. Breyttu svörunum þínum.
7. Veldu SENDA.

Eyddu svörum í Lýðfræðigögn höfundar í YouTube Studio:

1. Skráðu þig inn í YouTube Studio.
2. Smelltu á Stillingar vinstra megin.
3. Veldu Lýðfræðigögn höfundar.
4. Veldu EYÐA GÖGNUM
5. Veldu EYÐA þegar staðfestingarglugginn birtist.

Eyddu svörum í Lýðfræðigögn höfundar í YouTube Studio-forritinu:

1. Opnaðu YouTube Studio-forritið .
2. Ýttu á prófílmyndina þína .
3. Ýttu á Stillingar í valmyndinni.
4. Undir Rás skaltu ýta á Lýðfræðigögn höfundar.
5. Veldu EYÐA GÖGNUM
6. Veldu EYÐA þegar staðfestingarglugginn birtist.

Sækja svör í lýðfræðigögn höfundar:

Til að sækja lýðfræðigögn höfundar skaltu fylgja þessum leiðbeiningum. Ef þú vilt sækja gögn fyrir YouTube-rásina eða -rásirnar þínar þarftu að skrá þig inn á persónulega Google-reikninginn þinn, ekki vörumerkisreikning.

Nánar um lýðfræðigögn höfundar

Hvenær verður þessi stilling í boði í fleiri löndum eða svæðum og fyrir fleiri samfélagshópa?

Við stefnum að því að bæta við fleiri löndum/svæðum fljótlega. Við vitum að flokkarnir og valkostirnir í könnuninni ná ekki yfir allar skilgreiningar sem einstaklingar um allan heim gætu samsamað sig við. Við leitumst við að fjölga þessum flokkum og valkostum seinna meir.

Þessi stilling er viðbót við aðra viðleitni sem er þegar fyrir hendi til að hjálpa okkur að bæta upplifunina fyrir alla höfunda og áhorfendur. Til dæmis vinnur YouTube stöðugt með áhorfendum og höfundum með skerðingar til að bæta aðgengi verkvangsins og til að tryggja að öllum finnist þeir vera velkomnir á YouTube.

Þarf ég að svara öllum spurningunum í Lýðfræðigögnum höfundar?

Nei, allar spurningarnar eru valfrjálsar ef þú velur að fylla út Lýðfræðigögn höfundar. Þú getur sleppt því að svara sumum spurningum eða valið „Vil ekki svara“.

Mun þessi stilling hafa áhrif á árangur rásarinnar minnar?

Upplýsingarnar frá þér verða ekki notaðar til að hafa áhrif á árangur efnis í kerfum YouTube.

Við viljum tryggja að kerfin okkar endurspegli ekki óviljandi hlutdrægni. Gögnin frá lýðfræðigögnum höfundar verða notuð til að meta hluta af YouTube, til dæmis leit, tillögur og tekjuöflun. Ef við finnum villur sem hafa áhrif á tiltekna samfélagshópa munum við kappkosta að bæta þjálfun kerfanna okkar til að gera þau nákvæmari og betri fyrir alla.

Hvernig var spurningalistinn í lýðfræðigögnum höfundar búinn til?

Við unnum í nánu samstarfi við sérfræðinga í borgaralegum réttindum og mannréttindum og höfunda úr ólíkum samfélagshópum í hverju landi þar sem lýðfræðigögn höfundar eru í boði.

Verður svörunum mínum deilt utan YouTube?

Svör þín við könnuninni fyrir höfunda og flytjendur í Lýðfræðigögnum höfundar verða geymd með YouTube-rásinni þinni og aðrar Google-vörur munu ekki nota þau. Þau verða ekki gerð opinber eða notuð í auglýsingatilgangi nema með frekara samþykki þínu Við munum ekki deila þessum upplýsingum með auglýsendum eða nota þær fyrir miðaðar auglýsingar.

Þú getur valið um að veita okkur samþykki þitt fyrir að nota upplýsingarnar til að senda boð í áætlanir og viðburði. Þetta getur falið í sér að rásin þín, efni, boð á vinnustofur, notendarannsóknir eða aðrar herferðir verði merkt.

Get ég breytt upplýsingunum þegar búið er að senda þær inn?

Þú getur breytt upplýsingum um lýðfræðigögn höfundar einu sinni á hverjum 45 dögum. Næsti dagur þegar þú getur reynt aftur að senda upplýsingar er birtur í Studio. Það er alltaf hægt að eyða öllum svörum.

Breyta svörum í lýðfræðigögnum höfundar:

1. Skráðu þig inn á YouTube í tölvu eða notaðu YouTube Studio forritið með rásareigandareikningnum þínum.
2. Farðu í stillingar YouTube Studio og veldu Lýðfræðigögn höfundar.
   • Þú finnur lýðfræðigögn höfundar í YouTube Studio-forritinu með því að ýta á prófílmyndina þína  og ýta á Stillingar .
3. Veldu BREYTA KÖNNUN.
4. Breyttu svörunum þínum.
5. Veldu SENDA.

Eyða svörum í lýðfræðigögnum höfundar:

1.  Skráðu þig inn á YouTube í tölvu eða notaðu YouTube Studio forritið með rásareigandareikningnum þínum.
2. Farðu í stillingar YouTube Studio og veldu Lýðfræðigögn höfundar.
   • Þú finnur lýðfræðigögn höfundar í YouTube Studio-forritinu með því að ýta á prófílmyndina þína  og ýta á Stillingar .
3. Veldu EYÐA GÖGNUM
4. Veldu EYÐA þegar staðfestingarglugginn birtist.

Sækja svör í lýðfræðigögn höfundar:

Til að sækja lýðfræðigögn höfundar skaltu fylgja þessum leiðbeiningum. Ef þú vilt sækja gögn fyrir YouTube-rásina eða -rásirnar þínar þarftu að skrá þig inn á persónulega Google-reikninginn þinn, ekki vörumerkisreikning.

Breytir þetta upplýsingum um Google-reikninginn minn?

Svör þín við könnuninni fyrir höfunda og flytjendur í Lýðfræðigögnum höfundar verða geymd með YouTube-rásinni þinni. Aðrar Google-vörur munu ekki nota þau.