Nýjustu þjónustuskilmálarnir okkar eru með uppfærslur um þessi ákveðnu málefni: andlitsgreiningargögn, rétt YouTube til tekjuöflunar og bandarískar skattaskyldur. Skilmálarnir taka gildi í Bandaríkjunum frá nóvember 2020 og utan Bandaríkjanna frá 1. júní 2021.
Hvers vegna breyttuð þið þjónustuskilmálunum?
Hjá YouTube uppfærum við þjónustuskilmálana reglulega til að tryggja að þeir séu skýrir, auðvelt að skilja þá og þeir uppfylli þarfir samstarfsaðila okkar, auglýsenda og áhorfenda.
Með þessum uppfærslum á þjónustuskilmálum okkar erum við að skýra takmarkanir á söfnun andlitsgreiningargagna. Við vildum líka vera gagnsæ hvað varðar réttinn sem við áskiljum okkur til að birta auglýsingar á ýmsum stöðum á verkvangi okkar. Til dæmis birtum við auglýsingar í vídeóum, í auglýsingum í síðuhausum á heimasíðunni og í ýmsum leitarniðurstöðum. Þessi uppfærsla skýrir líka hvernig tekjugreiðslur frá YouTube teljast þóknanir af sjónarhóli bandarískra skattayfirvalda og að Google mun staðgreiða skatta af þessum greiðslum eins og lög gera ráð fyrir.
Hverjar eru helstu breytingarnar?
Hér er samantekt yfir breytingarnar:
- Takmarkanir á andlitsgreiningu. Í þjónustuskilmálunum er þegar tekið fram að þú mátt ekki safna neinum upplýsingum sem gætu persónugreint einstakling án leyfis hans. Þó svo að upplýsingar frá andlitsgreiningu hafi alltaf talist með þessu taka nýju skilmálarnir það skýrt fram.
- Réttur YouTube til tekjuöflunar. Við erum smám saman að birta auglýsingar í litlu magni vídeóa sem teljast örugg fyrir vörumerki á rásum sem ekki hafa náð hærra gjaldgengisskilyrðinu fyrir þjónustu YouTube fyrir samstarfsaðila. Enginn tekjuhlutur kemur til vegna birtingar auglýsinga í efninu þínu fyrr en þú hefur fengið aðgang að þjónustu YouTube fyrir samstarfsaðila og hefur náð hærra gjaldgengisskilyrðinu.
- Greiðslur vegna þóknana og staðgreiðsla skatta. Ef þú átt rétt á greiðslum frá YouTube í gegnum aðra samninga á milli þín og YouTube (til dæmis frá þjónustu YouTube fyrir samstarfsaðila) er farið með allar slíkar greiðslur sem þóknanir frá 1. júní 2021. Google mun staðgreiða skatta af slíkum greiðslum eins og lög gera ráð fyrir.
Hvaða áhrif hefur þetta á YPP-tekjuöflun mína?
Breytingar vegna þessarar uppfærslu á þjónustuskilmálunum munu ekki hafa áhrif á tekjuöflunarstillingar tengdar þjónustu YouTube fyrir samstarfsaðila (YPP).
Samstarfsaðilar utan Bandaríkjanna skulu senda fullar skattaupplýsingar í AdSense fyrir YouTube eins fljótt og kostur er til að hægt sé að átta sig á því hvort bandarísk staðgreiðsla skatta eigi við um greiðslur til þeirra. Google getur byrjað að draga staðgreiðsluskatt af greiðslum frá júlí 2021 (sem taka til tekna í júní) ef staðgreiðsluskattur á við. Skoðaðu yfirlit okkar í hjálparmiðstöðinni til að fá frekari upplýsingar: Bandarískar skattakröfur fyrir YouTube-tekjur
Hefur þetta einhverja tengingu við tilskipun Evrópusambandsins um höfundarrétt eða almennu persónuverndarreglugerðina?
Nei, þetta hefur ekkert að gera með tilskipun Evrópusambandsins um höfundarrétt eða almennu persónuverndarreglugerðina.
Hvað þýðir þetta fyrir persónuvernd mína eða gögnin mín?
Við höfum ekki gert neinar breytingar á því hvernig upplýsingarnar þínar eru meðhöndlaðar. Þú getur lesið þér til um vinnureglur okkar um persónuvernd með því að skoða persónuverndarstefnu Google og upplýsingar um persónuvernd fyrir YouTube Kids. Við minnum á að þú getur alltaf farið yfir persónuverndarstillingarnar þínar og stjórnað gögnum og sérsniði með því að fara á Google-reikninginn þinn.