Kudhibiti mipangilio ya manukuu

Unaweza kuwasha au kuzima manukuu kwenye video zilizo nayo. Unaweza pia kubadilisha mipangilio chaguomsingi ya manukuu, kama vile muundo wa fonti au lugha kwenye kompyuta au kifaa cha mkononi.

Caption settings on YouTube

Fuatilia chaneli ya Watazamaji wa YouTube ili upate habari, taarifa na vidokezo vipya.

Kuwasha au kuzima manukuu

1. Nenda katika video ambayo ungependa kutazama.
2. Ikiwa Manukuu yenye Maelezo (CC) yanapatikana, yataonekana katika sehemu ya chini kulia ya kicheza video.
3. Ili uwashe manukuu, bofya Manukuu yenye maelezo .
4. Ili uzime manukuu, bofya Manukuu yenye maelezo tena.

Kuwasha au kuzima mipangilio chaguomsingi

1. Bofya picha yako ya wasifu .
2. Bofya Mipangilio .
3. Katika menyu ya kushoto, bofya Uchezaji na utendaji.
4. Chagua au ubatilishe uteuzi wa Onyesha manukuu kila wakati.
5. Chagua au batilisha uteuzi wa Jumuisha manukuu yanayozalishwa kiotomatiki (ikiwa yanapatikana). Chaguo hili huwasha au kuzima manukuu ya kiotomatiki katika video ambazo hazijawekewa manukuu.

Kubadilisha ukubwa na muundo chaguomsingi

1. Katika sehemu ya chini kulia ya kicheza video, bofya Mipangilio .
2. Bofya Manukuu/CC.
3. Bofya Chaguo.

​Unaweza kuwekea mapendeleo:

• Fonti, rangi, hali ya kutopitisha nuru na ukubwa.
• Rangi ya mandharinyuma na hali ya kutopitisha nuru.
• Rangi ya dirisha na hali ya kutopitisha nuru.
• Mtindo wa pembe za herufi.

Kumbuka: Mipangilio hii ndiyo itakuwa mipangilio yako chaguomsingi ya muundo wa manukuu hadi uibadilishe tena au ubofye Badilisha ili urudi kwenye muundo chaguomsingi wa manukuu.