Bestuur onderskrifinstellings

Onderskrifte is op video’s beskikbaar waar die eienaar dit bygevoeg het en op sommige video’s waar YouTube hulle outomaties byvoeg. Jy kan die verstekinstellings vir onderskrifte op jou rekenaar of mobiele toestel verander.

Caption settings on YouTube

Teken in op die YouTube Viewers-kanaal vir die jongste nuus, opdaterings en wenke.

Jy kan onderskrifte pasmaak deur die taal en hoe hulle lyk te verander.

Skakel onderskrifte aan of af

1. Gaan na enige video se kykbladsy.
2. Tik een keer op die videospeler om opsies te wys en tik dan op  om onderskrifte aan te skakel.
3. Tik weer op om onderskrifte af te skakel.

Let wel: As jy nie sien nie, dan is daar nie onderskrifte vir hierdie video beskikbaar nie.

Verander verstekgrootte- en styl van onderskrifte

1. Maak jou iPhone of iPad se instellingsapp oop.
2. Gaan na Toeganklikheid.
3. Tik op onderskrifte onder die “Gehoor”-afdeling.
4. Tik op Styl om die grootte en styl van die skerm en lettertipe te verander.
5. Tik op Skep nuwe styl vir nog lettertipestyle, -groottes en -kleure.

Verander die verstekinstelling vir aan en af

1. Maak jou iPhone of iPad se instellingsapp oop.
2. Gaan na Toeganklikheid.
3. Tik op onderskrifte onder die “Gehoor”-afdeling.
4. Tik op Onderskrifte + SDH om altyd onderskrifte te wys wanneer dit beskikbaar is.

Kies onderskriftaal

Doen die volgende om ’n ander onderskriftaal te kies:

1. Klik Meer bo regs van die videospeler.
2. Klik Onderskrifte.
3. Kies ’n taal

As die taal nie op die lys is wanneer jy Onderskrifte/CC klik nie:

1. Klik Vertaal outomaties.
2. Kies ’n taal

Bekyk onderskriftranskripsie

Jy kan vir video’s met onderskrifte die volledige onderskriftranskripsie sien en na spesifieke dele van die video spring.

1. Gaan na die videobeskrywing en tik op Wys transkripsie. Terwyl jy die video kyk, sal die transkripsie rollees om vir jou die huidige onderskrifteks te wys.
2. Tik op enige onderskrifteksreël om na daardie deel van die video te spring.

Let wel: Met sommige video’s is dit moontlik om te soek deur spesifieke sleutelwoorde in die soekbalk aan die bokant van die transkripsie te tik.

Onderskrifinstellings op TV en speletjiekonsoles

Jy kan jou onderskrifinstellings op enige TV, speletjiekonsole of mediatoestel wat YouTube ondersteun, kies of verander.

1. Onderbreek die video wat jy speel.
2. Tik op Onderskrifte .
3. Kies die taal waarin jy onderskrifte wil hê.
4. Kies Onderskrifstyl.
5. Kies die instellings wat jy wil pasmaak. Jy kan die lettertipe en die voorkoms daarvan verander. Jy kan ook die agtergrond en venster waarin die byskrifte vertoon word, verander.

Let wel: As die video nie onderskrifte bied nie, kan  wys, maar sal dit nie kiesbaar wees nie. As  nie wys nie, is onderskrifte nie vir daardie video beskikbaar nie.