உங்களின் தனிபட்ட தகவலை Googleளிலிருந்து அகற்றுதல்

Google Searchசின் உள்ளடக்கம் மற்றும் தயாரிப்புக் கொள்கைகள் உலகம் முழுவதும் பொருந்தும். நீங்களோ நீங்கள் பிரதிநிதித்துவப்படுத்தும் நபரோ உள்ளடக்கத்தில் இடம்பெற்றிருந்து அதை நீங்கள் அகற்ற வேண்டுமென்று விரும்பினால், அந்த உள்ளடக்கம் அகற்றுவதற்கான தேவைகளைப் பூர்த்திசெய்கிறதா என்பதைத் தெரிந்துகொள்ள கீழ்க்கண்ட எங்களின் தனிப்பட்ட உள்ளடக்கக் கொள்கைகளைப் பார்க்கவும். கட்டுரையில் குறிப்பிட்டுள்ள வழிகாட்டுதலின்படி அகற்றுவதற்கான கோரிக்கையை நீங்கள் சமர்ப்பிக்கலாம். எங்கள் உதவி மையத்தின் சிக்கலைப் புகாரளித்தல் பிரிவில் உள்ள கேள்விகளுக்கும் நீங்கள் பதிலளிக்கலாம். நீங்கள் புகாரளித்த உள்ளடக்கம் Google தேடல் முடிவுகளில் இருந்து அகற்றப்பட வேண்டுமா என்பதைச் சரிபார்ப்போம்.

18 வயதிற்குக் கீழுள்ளவர்களை நிர்வாணமாகவோ பாலியல் ரீதியாகவோ காட்டும் உள்ளடக்கத்தைப் புகாரளித்தல்: சிறார்கள் மீதான பாலியல் வன்கொடுமையைக் காட்டும் இணைப்பு, இணையதளம் அல்லது ஏதேனும் உள்ளடக்கத்தைப் பார்த்தால் உலகெங்கிலும் உள்ள அதிகாரிகளிடமும் அமைப்புகளிடமும் புகாரளிக்கலாம். சிறார் பாலியல் வன்கொடுமை சார்ந்த உள்ளடக்கம் பற்றிப் புகாரளிப்பது எப்படி என்று தெரிந்துகொள்ளுங்கள்.

இந்தத் தகவல்களை இணையதள உரிமையாளர் அகற்றியிருந்தால் எங்களுடைய வழக்கமான புதுப்பிப்புச் செயலாக்கத்தின் ஒரு பகுதியாக Google Searchசில் இருந்தும் அவை அகற்றப்படும். இருப்பினும், பழைய உள்ளடக்கத்தைப் புதுப்பிப்பதற்கான கருவியைப் பயன்படுத்தியும் பழைய உள்ளடக்கத்தைப் புதுப்பிக்கும்படி கோரிக்கை விடுக்கலாம்.

மேலே பட்டியலிடப்பட்டுள்ள தனிப்பட்ட உள்ளடக்கக் கொள்கைகளின் கீழ் உங்கள் உள்ளடக்கம் அகற்றுவதற்குத் தகுதிபெறவில்லை என்றால், அகற்றுவதற்குப் பிற விருப்பங்கள் இருக்கக்கூடும் அல்லது சட்டப்பூர்வ உதவி மையத்தைப் பார்க்கவும். 

குறிப்பிட்ட சட்டப்பூர்வக் காரணங்களுக்காக உள்ளடக்கம் அகற்றப்படலாம். அவற்றில் இவை அடங்கும் (ஆனால் இவை மட்டுமே அல்ல):

• பதிப்புரிமை மீறல்
• வர்த்தக முத்திரை மீறல்கள்
• நீதிமன்ற உத்தரவு

நீங்கள் இடம்பெற்றிருக்கும் வெளிப்படையான உள்ளடக்கம் உங்கள் அனுமதியின்றி அல்லது நீங்கள் ஒப்புதலளிக்காத வழிகளில் பகிரப்பட்டிருந்தால், இங்கே உள்ள உதவிச் சேவைகளைப் பாருங்கள்.