Googleளில் தகவல்களை எளிதாகக் கண்டறிவதற்கான சில உதவிக்குறிப்புகளையும் நுட்பங்களையும் அறிந்துகொள்ளுங்கள்.
உதவிக்குறிப்பு 1: அடிப்படையில் இருந்து தொடங்கவும்
நீங்கள் எதைத் தேடினாலும் சரி, அருகிலுள்ள விமான நிலையம் எது? என்பது போன்ற எளிய தேடலுடன் தொடங்கவும். தேவைப்பட்டால், விவரிக்கும் வார்த்தைகள் சிலவற்றை நீங்கள் சேர்த்துக் கொள்ளலாம்.
ஒரு குறிப்பிட்ட இடத்தையோ, குறிப்பிட்ட இடத்திலுள்ள தயாரிப்பையோ நீங்கள் தேடினால் அந்த இடத்தைச் சேர்க்கவும். உதாரணத்திற்கு சரவண பவன் வடபழனி என டைப் செய்து தேடவும்.
உதவிக்குறிப்பு 2: உங்கள் குரலைப் பயன்படுத்தித் தேடவும்
டைப் செய்வது சலிப்பாக உள்ளதா? குரல் மூலம் தேட மைக்ரோஃபோன் ஐகானை 
உதவிக்குறிப்பு 3: வார்த்தைகளைக் கவனமாகத் தேர்ந்தெடுக்கவும்
தேடல் பெட்டியில் என்ன வார்த்தைகளை டைப் செய்வது என்று தீர்மானிக்கும்போது நீங்கள் தேடும் தளத்தில் இருக்கக்கூடிய வார்த்தைகளைத் தேர்வுசெய்ய முயலவும். உதாரணமாக, என் தலை வலிக்கிறது என டைப் செய்வதற்குப் பதிலாக தலைவலி என டைப் செய்யவும். ஏனெனில் அந்த வார்த்தைதான் மருத்துவத் தளத்தில் பயன்படுத்தப்படுகிறது.
உதவிக்குறிப்பு 4: சிறு விஷயங்களைப் பற்றிக் கவலைப்பட வேண்டாம்
- எழுத்துவரிசை: டைப் செய்யும் வார்த்தையின் எழுத்துவரிசை சரியாக இருந்தாலும் இல்லாவிட்டாலும் அந்த வார்த்தையின் மிகப் பொதுவான எழுத்துவரிசையை ‘Googleளின் பிழைதிருத்தி’ தானாகவே பயன்படுத்தும்.
- பேரெழுத்தாக்கம்:
New York Timesஎனத் தேடுவதும்,new york timesஎனத் தேடுவதும் ஒன்றுதான்.
உதவிக்குறிப்பு 5: விரைவான பதில்களைக் கண்டறியவும்
பெரும்பாலான தேடல்களுக்கு, உங்களுக்காக Google செயல்பட்டு உங்கள் கேள்விக்கான ஒரு பதிலைத் தேடல் முடிவுகளில் காட்டும். விளையாட்டுக் குழுக்கள் குறித்த தகவல்கள் போன்ற சில அம்சங்கள் எல்லாப் பகுதிகளிலும் கிடைக்காது.
- வானிலை: உங்கள் இருப்பிடத்திலுள்ள வானிலையைப் பார்ப்பதற்கு
வானிலைஎன்று தேடவும் அல்லது ஒரு குறிப்பிட்ட இடத்தின் வானிலையைக் கண்டறிவதற்குவானிலை சென்னைஎன்பது போன்று ஒரு நகரத்தின் பெயரைச் சேர்க்கவும். - அகராதி: ஒரு வார்த்தையின் வரையறையைப் பார்ப்பதற்கு அந்த வார்த்தைக்கு முன்
வரையறுஎன்று உள்ளிடவும். - கணக்கீடுகள்:
3*9123போன்ற கணிதச் சமன்பாட்டை உள்ளிடலாம் அல்லது சிக்கலான வரைபடச் சமன்பாடுகளைத் தீர்க்கலாம். - அலகு மாற்றங்கள்:
ரூபாய் மதிப்பில் 3 டாலர்கள்என்பது போன்ற எந்த மாற்றத்தையும் உள்ளிடலாம். - விளையாட்டுகள்: விளையாட்டு அட்டவணை, ஸ்கோர்கள் போன்ற பலவற்றைக் காண்பதற்கு உங்கள் அணியின் பெயரை டைப் செய்து தேடவும்.
- விரைவான உண்மைகள்: பிரபலம், இடம், திரைப்படம், பாடல் போன்றவை தொடர்பான தகவல்களைப் பெற, பெயரை டைப் செய்து தேடவும்.
நுணுக்கமான Search உதவிக்குறிப்புகள்
நிபுணரைப் போலத் தேடுவதற்கு, இன்னும் பல உதவிக்குறிப்புகளையும் நுட்பங்களையும் அறிய விரும்புகிறீர்களா? மேம்பட்டத் தேடல் நுட்பங்களை மேலும் அறிய கீழுள்ள இணைப்புகளைப் பார்க்கவும்.