Puwedeng pareho o katulad ng sa ibang taong naghahanap sa Google Search ang mga resultang makukuha mo. Pero minsan, puwedeng magbigay sa iyo ang Google ng iba't ibang resulta batay sa mga bagay gaya ng oras, konteksto, o mga naka-personalize na resulta.
Nagdudulot ang oras ng mga pagkakaiba-iba sa mga resulta
Posibleng isa ang oras sa mga pinakamalaking dahilan kung bakit nag-iiba-iba ang mga resulta sa pagitan ng mga tao. Halimbawa, regular kaming nagdaragdag ng bagong content mula sa web matapos itong ma-publish. Ang mga naghanap makalipas ang ilang oras o kahit ilang minuto ay posibleng makakita ng mga pagkakaiba dahil sa bagong available na content.
Mayroong mga data center sa buong mundo na ginagamit ng Search. Kapag gumawa kami ng pagpapahusay sa aming mga ranking system, aabutin nang ilang oras para ganap na mailunsad ang mga ito sa lahat ng aming data center. Puwede itong magdulot ng mga pagkakaiba sa mga resulta depende sa kung aling data center ang sumasagot sa iyong paghahanap.
Gumagamit ang Search ng konteksto para pagandahin ang mga resulta
Kapag isinasalang-alang ng Search ang konteksto ng iyong paghahanap, nagbibigay ito ng mga mas may kaugnayang resulta. Ang ilang halimbawa ng konteksto ay:
- Lokasyon: Kung maghahanap ka ng pizza sa isang partikular na lungsod, makakakuha ka ng mga resultang nauugnay sa lokasyong iyon.
- Wika: Tutulungan kang makakuha ng mga resulta sa wikang ginagamit mo.
- Uri ng device: Nagli-link sa tamang app store o nagpapakita sa mga pinakamahusay na resulta batay sa uri ng screen mo, gaya ng mobile o desktop.
- Mga kaugnay na resulta: Pagkatapos mong mag-click ng resulta sa web at bumalik sa mga resulta ng paghahanap, puwede kang makakita ng higit pang kaugnay na resulta.
- Mga kamakailang paghahanap: Nakakatulong na maunawaan ang konteksto ng hinahanap mo sa ngayon
Pag-personalize at mga resulta ng Google Search
Gamit ang pag-personalize, makakakuha ka ng mga resulta ng Google Search na iniakma para sa iyo batay sa impormasyon sa Google Account mo, tulad ng iyong History ng Mga Serbisyo ng Search. Ginagamit lang ang pag-personalize kung makakapagbigay ito ng impormasyong malamang na mas makatulong sa iyo. Ipinapaliwanag ng page na ito kung paano nagpapakita ang Google ng mga naka-personalize na rekomendasyon sa iyong page ng mga resulta ng Search at kung paano kontrolin ang mga ito.
Matuto tungkol sa mga naka-personalize na rekomendasyon para sa mga naka-sign in na user
Kung naka-on sa iyo ang Mga Naka-personalize na Rekomendasyon, ipe-personalize ang experience mo sa Search batay sa mga bagay na tulad ng iyong history ng paghahanap.
Hindi naaapektuhan ng pag-personalize ang lahat ng resulta ng paghahanap. Posibleng naka-personalize ang ilang resulta habang ang iba naman ay hindi.
Kung minsan, posibleng maapektuhan ng pag-personalize ang pagkakasunod-sunod ng mga indibidwal na resulta sa ranking sa page ng mga resulta ng search.
Sa ibang pagkakataon, posibleng maapektuhan ng pag-personalize ang pagkakasunod-sunod ng paglabas ng ilang partikular na block ng content. Sa madaling salita, posibleng lumabas ang isang hanay ng mga resultang video sa itaas ng hanay ng mga link sa web, kung ipinapahiwatig sa iyong history ng paghahanap na mas gusto mo ang content na video kaysa sa content sa web.
Kung naka-enable sa iyo ang Mga Naka-personalize na Rekomendasyon, puwede kang makakita ng tala sa footer ng page ng mga resulta ng search.
- Naka-personalize ang mga resulta.
Kung naka-off ang Mga Naka-personalize na Rekomendasyon, o naglagay ka ng query na hindi namin binibigyan ng mga naka-personalize na resulta, puwede kang makakita ng tala sa footer na nagsasaad nito.
- Hindi naka-personalize ang mga resulta.
Makakakita ka ng hindi naka-personalize na bersyon ng mga resulta para sa iyong query kapag nag-click ka sa link na nasa footer ("Subukan nang wala").
Sa ilang sitwasyon, posibleng kamukha ng mga naka-personalize na resulta ang mga hindi naka-personalize na resulta ng paghahanap para sa iyong query. Ibig sabihin, para sa query na ito, napakaliit lang ng epekto ng pag-personalize para mabago nang malaki o mabago man lang ang mga resulta. Binabago lang ang ranking ng mga resultang nakikita mo kung makakapagbigay iyon ng impormasyong malamang na mas makatulong sa iyo.
Tip: Hindi makakaapekto sa iyong mga setting ang pag-click sa "Subukan nang wala."
Alamin kung paano baguhin ang iyong mga setting ng pag-personalize para sa account mo.
Panghuli, kahit na na-disable mo ang Mga Naka-personalize na Rekomendasyon, gagamitin pa rin ng Search ang konteksto ng query mo para mapahusay ang mga resulta. Kasama sa ilang halimbawa ng konteksto ang lugar kung saan ka naghahanap, wika, at uri ng device. Ibig sabihin nito, halimbawa, kung maghahanap ka ng [pizza malapit sa akin] sa isang partikular na lungsod, posibleng makakuha ka ng mga resultang nauugnay sa lokasyong iyon. Ipinapakita ang ginamit na lokasyon para sa iyong paghahanap sa footer, kasama ng link para i-update ito kung gusto mo.
I-off ang Mga Naka-personalize na Rekomendasyon
Kung io-off mo ang Mga Naka-personalize na Rekomendasyon, hindi ka na papakitaan ng Search ng mga indibidwal na resultang partikular sa iyo o anumang feature na nakadepende sa pag-personalize. Bilang karagdagan, ang pagbabagong ito sa setting ay:
- Hindi idi-disable ang iyong kakayahang makita ang mga nakaraang paghahanap sa Autocomplete.
- Hindi ipo-pause o ide-delete ang naka-store na aktibidad sa loob ng iyong Google Account. Puwede mong i-pause o i-delete anumang oras ang naka-store na aktibidad sa pamamagitan ng mga kontrol sa data at privacy.
- Hindi idi-disable o ide-delete ang mga kagustuhan sa app o website. Halimbawa, ang mga setting ng wika o mga setting ng paghahanap, gaya ng bilang ng resulta kada page, ay mga kagustuhang hindi maaapektuhan.
- Hindi idi-disable o ide-delete ang materyal na sine-save mo. Halimbawa, hindi maaapektuhan ang mga naka-save na item sa iyong Koleksyon, mga stock na sinusubaybayan mo, o ang address ng iyong bahay at trabaho.
Para i-disable ang mga naka-personalize na rekomendasyon kapag naka-sign out ka, i-off ang mga setting ng pag-customize ng Search.