Сатып алу транзакциясын жасау үшін жеке басты растау

Google Wallet көмегімен төлем жасау үшін қауіпсіздік мақсатында құрылғыңызда экран құлпын орнатып, жеке басыңызды растауыңыз керек.

Google Wallet-те жеке басты бірнеше әдіспен растауға болады:

• PIN коды;
• өрнек;
• құпия сөз;
• 3 класты биометриялық құлыпты ашу функциясы.

Ескертпе: Google Wallet-те 1 не 2 класты биометриялық құлыпты ашу функциясы және Smart Unlock немесе Knock to Unlock сияқты экран құлпы істемейді.

Экран құлпын орнату немесе өзгерту

1. Телефондағы "Параметрлер" қолданбасын ашыңыз.
2. Қауіпсіздік түймесін түртіңіз.
   • "Қауіпсіздік" түймесін таппасаңыз, телефон өндірушісінің қолдау көрсету сайтынан анықтама ала аласыз.
3. Экран құлпы түймесін түртіңіз.
   • Құлып орнатып қойған болсаңыз, басқасын таңдамас бұрын, PIN кодын, өрнекті немесе құпия сөзді енгізуіңіз қажет.
4. Пайдаланғыңыз келген опцияны түртіңіз. Экранға шығатын нұсқауларды орындаңыз.

Жол ақысын төлеу үшін растау параметрін өшіру

Жол ақысын құлыпталған құрылғыдағы несиелік не дебеттік картамен төлеу үшін растау параметрін өшіруге болады:

1. Google Wallet қолданбасын ашыңыз.
2. Жоғарғы оң жақтағы профиль суретін немесе аккаунтыңызды Параметрлер тармағын түртіңіз. 
3. "Қауіпсіздік" бөлімінде Растау параметрлері  Жол ақысының төлемдері тармағын түртіңіз.
4. Растау керек опциясын өшіріңіз.

Транзакцияларды растау кезінде шығатын мәселелерді шешу

Растау параметрі істемейді

Төлем жасау үшін құрылғыңызда PIN коды, өрнек, құпия сөз не биометрия арқылы орындалатын аутентификацияның орнатылғанын тексеріңіз. Бұны құрылғы параметрлеріне кіріп істей аласыз. Экран құлпын орнатуға не өзгертуге арналған әрекеттерді орындаңыз.

Неліктен менен кейде жеке басымды растау сұралып, басқалардан сұралмайды?

Қауіпсіздікті сақтау мақсатында жеке басыңызды растамайынша, төлеу әдістеріңізді қолдана алмайсыз. Соңғы бірнеше минутта құрылғыңызда жеке басыңызды растасаңыз, басқа бір транзакция үшін растау әрекеті қажет болмайды. Растау уақыты өтіп кеткенде, келесі транзакция үшін жеке басыңызды қайта растауыңыз керек.

 

Әлі де көмек керек пе?

Мәселе әлі де шешілмесе немесе сұрақтарыңыз болса, қауымдастықтан сұрап көріңіз немесе бізге хабарласыңыз.