"Garancia e çmimit" është një program pilot që ofrohet në itinerare të caktuara brenda Google Flights. Për çmimet e disa fluturimeve, algoritmet në Google janë të sigurta që çmimi që ti gjen është më i ulëti që ofrohet përpara nisjes së fluturimit. Për ato fluturime, ne do të monitorojmë çmimin deri kur të niset fluturimi i parë në itinerarin tënd. Nëse çmimi ulet, ne do të kompensojmë diferencën.
Deri tani, "Garancia e çmimit" është ofruar për itinerare të caktuara në "Rezervo në Google". Ne e kemi zgjeruar programin tonë për të zgjedhur itineraret që i gjen në Google Flights por që i rezervon në uebsajtin e një linje ajrore ose të një agjencie udhëtimi.
Për të marrë ndihmën më të mirë, zgjidh mënyrën e rezervimit:
Kam rezervuar një itinerar në "Rezervo në Google"
Nëse zgjedh një itinerar me "Çmim të garantuar" që të lejon të rezervosh në "Rezervo në Google", çka do të thotë që ke qëndruar në Google për të përfunduar transaksionin me linjën ajrore ose agjencinë e udhëtimit, zgjidh këtë opsion.
Sa para mund të marr nga një "Garanci çmimi"?"Garancia e çmimit" të paguan diferencën mes çmimit të fluturimit kur ti rezervon dhe çmimit më të ulët të biletës nga momenti i rezervimit deri në nisje. Për të marrë një pagesë, diferenca e çmimit duhet të jetë më e madhe se 5 USD. Mund të marrësh deri në 500 USD në total për çdo "Llogari të Google" në të gjitha itineraret e kualifikueshme në një vit kalendarik të caktuar. Mund të kesh deri në 3 rezervime të hapura me "Çmim të garantuar" në të njëjtën kohë. Kjo do të thotë që fluturimi i parë në itinerar nuk është nisur ende. Nëse kualifikohesh, do të marrësh një pagesë pas nisjes së fluturimit të parë në itinerarin e rezervuar.
E rëndësishme:
- Shteti/rajoni yt duhet të jetë i vendosur në SHBA dhe monedha jote duhet të jetë USD për të parë fluturimet e garantuara.
- "Garancia e çmimit" zbatohet vetëm për fluturimet "vetëm vajtje" dhe "vajtje-ardhje" që nisen nga Shtetet e Bashkuara.
- Duhet të përdorësh një adresë faturimi në SHBA dhe një numër telefoni në SHBA në faqen e "Rezervo në Google".
- Duhet të jesh i identifikuar në "Llogarinë tënde të Google".
"Garancia e çmimit" ofrohet vetëm për fluturimet për të cilat kemi besim se çmimi nuk do të ulet. Këto fluturime kanë distinktiv çmimi me ngjyra kur zgjedh fluturimet e nisjes dhe të kthimit. "Garancia e çmimit" ndikon tek ti vetëm nëse çmimi i fluturimit ulet pasi ti rezervon dhe përpara se të niset fluturimi i parë në itinerarin tënd.
- Nën "Fluturimet në nisje", zgjidh një fluturim me distinktiv.
- Zgjidh itinerarin me distinktiv gjatë përfundimit të blerjes.
- Në mënyrë që të zbatohet "Garancia e çmimit", të gjitha fluturimet në itinerarin tënd duhet të kenë distinktivin e "Garancisë së çmimit".
- Kliko lidhjen e "Rezervo në Google".
- Në faqen e "Rezervo në Google", zgjidh kutinë pranë "Garancisë së çmimit" për të pranuar Kushtet e shërbimit.
Do të marrësh një email konfirmimi kur fluturimi të garantohet.
"Garancia e çmimit" hyn në fuqi pasi të rezervosh në Google. Gjithsesi, nëse linja ajrore i përditëson çmimet përpara sesa ato të ngarkohen në Google Flights, ne mund të mos jemi më në gjendje ta ofrojmë garancinë. Mund të gjesh një garanci të çmimit, por nëse çmimi përditësohet përpara se të rezervosh, garancia mund të mos ofrohet kur shkon për të rezervuar.
Jo. "Garancia e çmimit" nuk ka kosto.
Pasi të rezervosh, ne e monitorojmë çmimin deri kur të niset fluturimi i parë në itinerarin tënd. Më pas, të dërgojmë një email për të të njoftuar nëse çmimi është ulur ose jo. Mund të marrësh gjithashtu një përditësim me email ndërmjet rezervimit dhe nisjes. Nëse çmimi është ulur, të paguajmë diferencën mbrapsht në Google Pay. Nëse çmimi nuk është ulur, do ta dish me siguri që ke marrë çmimin më të mirë me Google Flights.
E rëndësishme:
- Duhet të jesh mbi 18 vjeç.
- Duhet të kesh një llogari të Google Pay ose ta krijosh një të tillë për të pretenduar pagesën. Duhet të jesh i identifikuar me të njëjtën "Llogari të Google" që ke përdorur për të rezervuar fluturimin tënd në "Rezervo në Google".
- Kur bëhesh një përdorues i Google Pay, i nënshtrohesh "Kushteve të shërbimit" të Google Pay.
Nëse çmimi ulet, ne të njoftojmë pas ngritjes në fluturim dhe të paguajmë diferencën mbrapsht në Google Pay. Zakonisht duhen 48 orë që paratë të depozitohen në llogarinë tënde.
Nëse nuk ke një llogari të Google Pay, duhet ta krijosh një të tillë në mënyrë që të të paguajmë diferencën mbrapsht:
- Kliko Merr $X brenda email-it që do të të dërgojmë dhe krijo një llogari të Google Pay brenda 90 ditëve nga nisja e fluturimit të parë në itinerarin tënd. Brenda 48 orëve, ne do ta depozitojmë diferencën në balancën tënde të Google Pay ose te "Paratë në Google Pay" në pay.google.com.
Mund t'i transferosh paratë në llogarinë tënde bankare pasi ato të jenë në balancën tënde të Google Pay ose te "Paratë në Google Pay":
- Shko te pay.google.com.
- Kliko Mënyrat e pagesës Paratë në Google Pay ose Balanca e Google Pay.
- Kliko Transfero.
- Fut shumën që dëshiron të transferosh.
- Zgjidh llogarinë bankare në të cilën dëshiron të transferosh paratë.
- Nëse nuk ke ruajtur tashmë një llogari bankare, ndiq këta hapa për të shtuar një llogari.
- Kliko Transfero.
Derisa të verifikosh identitetin, mund të transferosh deri në 200 USD në total në javë në uebsajtin e Google Pay. Për të transferuar më shumë, duhet të shkarkosh aplikacionin Google Pay dhe të verifikosh identitetin tënd. Mëso më shumë për kufijtë e aplikacionit të Google Pay.
Nëse has probleme gjatë shkarkimit të aplikacionit të Google Pay, shko te Qendra e ndihmës e Google Pay.
Nëse e ndryshon udhëtimin ose anulon ndonjë pjesë të tij, nuk do ta marrësh diferencën mbrapsht.
Mund të gjesh detajet e programit te Kushtet tona të shërbimit. Nëse fluturimi yt ka një "Garanci të çmimit", zbatohen "Kushtet e shërbimit të 'Garancisë së çmimit'".
Nëse ke probleme ose pyetje, na kontakto për fluturimin tënd.
Pyetjet e shpeshta
A duhet të bëj ndonjë gjë pasi të rezervoj?
Nëse çmimi ulet, kur do ta marr pagesën e diferencës?
A mund ta anuloj garancinë time?
Çfarë ndodh nëse fluturimi im anulohet ose riplanifikohet?
Çfarë ndodh nëse çmimi bie dhe më pas ngrihet përsëri?
Kam rezervuar në uebsajtin e linjës ajrore ose të agjencisë së udhëtimit
Nëse zgjedh një itinerar me "Çmim të garantuar" në Google Flights, por e ke rezervuar me një linjë ajrore ose agjenci udhëtimi online në uebsajtin e tyre, zgjidh këtë opsion.
Sa para mund të marr nga një "Garanci çmimi"?Kur zgjedh një opsion rezervimi me çmim të garantuar në Google Flights, "Garancia e çmimit" të paguan diferencën midis çmimit të fluturimit në atë moment dhe çmimit më të ulët të biletës për atë itinerar të saktë, siç shihet në Google Flights midis atij momenti dhe momentit të nisjes. Për të marrë një pagesë, diferenca e çmimit duhet të jetë më e madhe se 5 USD. Mund të marrësh deri në 500 USD në total për çdo "Llogari të Google" në të gjitha itineraret e kualifikueshme në një vit kalendarik të caktuar. Mund të kesh deri në 3 rezervime të konfirmuara me "Çmim të garantuar" në të njëjtën kohë. Nëse kualifikohesh, do të marrësh paratë mbrapsht pas nisjes së fluturimit të parë në itinerarin e rezervuar.
E rëndësishme:
- Për të gjetur fluturimet e garantuara, shteti/rajoni yt duhet të caktohet në SHBA dhe monedha duhet të jetë USD.
- "Garancia e çmimit" zbatohet vetëm për fluturimet "vetëm vajtje" dhe "vajtje-ardhje" që nisen nga Shtetet e Bashkuara.
- Duhet të jesh i identifikuar në "Llogarinë tënde të Google".
"Garancia e çmimit" ofrohet vetëm për fluturimet për të cilat kemi besim se çmimi nuk do të ulet. Këto fluturime kanë distinktiv çmimi me ngjyra kur zgjedh fluturimet e nisjes dhe të kthimit. "Garancia e çmimit" të ndikon vetëm nëse çmimi i fluturimit tënd ulet pasi ti zgjedh një opsion me rezervim të garantuar në Google Flights dhe përpara se të niset fluturimi i parë në itinerarin tënd.
- Nën "Fluturimet në nisje", zgjidh një fluturim me distinktiv.
- Në mënyrë që të zbatohet "Garancia e çmimit", të gjitha fluturimet në itinerarin tënd duhet të kenë distinktivin e "Garancisë së çmimit".
- Për të zgjedhur një opsion rezervimi me çmim të garantuar tek "Opsionet e rezervimit", kliko Vazhdo.
- Opsionet e rezervimit me çmim të garantuar kanë distinktivin e "Garancisë së çmimit".
- Ne të garantojmë se çmimi që gjendet pranë distinktivit të "Garancisë së çmimit" nuk do të ulet përpara nisjes.
- Në uebsajtin e linjës ajrore ose të agjencisë së udhëtimit, rezervo të njëjtin itinerar të garantuar në Google Flights. Në mënyrë që të zbatohet "Garancia e çmimit", duhet të përputhen të gjithë komponentët e itinerarit të rezervuar, duke përfshirë linjën ajrore, numrin e fluturimit, datat, numrin e pasagjerëve, tarifën dhe klasin e fluturimit, si dhe politikën e anulimit.
- Pasi të zgjedhësh opsionin e rezervimit me çmim të garantuar në Google Flights, Google vrojton çmimin çdo ditë deri në ngritjen në fluturim.
- Pas ngritjes në fluturim do të marrësh një email për të të njoftuar nëse çmimi është ulur ose jo.
- Nëse ka ulje çmimi, për të marrë diferencën që do të të paguhet në Google Pay, do të të kërkohet të konfirmosh që ke rezervuar fluturimin:
- Në email-in tënd, kliko Po, e kam rezervuar këtë fluturim dhe ndiq udhëzimet:
- Fut numrin e konfirmimit e mbiemrin dhe zgjidh kutinë për të pranuar Kushtet e shërbimit.
- Kliko Konfirmo.
- Në email-in tënd, kliko Po, e kam rezervuar këtë fluturim dhe ndiq udhëzimet:
- Ndryshe, shko te faqja e "Garancisë së çmimit":
- Gjej itinerarin e garantuar.
- Kliko Po, e kam rezervuar.
- Fut numrin e konfirmimit e mbiemrin dhe më pas zgjidh kutinë për të pranuar "Kushtet e shërbimit"
- Kliko Konfirmo.
Te faqja e "Garancisë së çmimit", mund të gjesh fluturimet e tua të garantuara. Te "Cilësimet e udhëtimit", mund të përditësosh preferencat e email-it.
Pasi zgjedh një opsion rezervimi me "Çmim të garantuar" në Google Flights, "Garancia e çmimit" hyn në fuqi.
Jo. "Garancia e çmimit" nuk ka kosto.
Pasi të zgjedhësh një opsion me rezervim të garantuar, ne do të monitorojmë çmimin deri kur të niset fluturimi i parë në itinerarin tënd. Më pas do të marrësh një email për të të njoftuar nëse çmimi është ulur ose jo. Mund të marrësh gjithashtu një përditësim me email ndërmjet zgjedhjes së opsionit me rezervim të garantuar dhe nisjes. Nëse çmimi është ulur, duhet të konfirmosh që ke rezervuar fluturimin jo më vonë se 30 ditë pas nisjes së fluturimit të parë në itinerarin tënd, në mënyrë që të të paguajmë diferencën në Google Pay. Nëse çmimi nuk është ulur, do ta dish me siguri që ke marrë çmimin më të mirë me Google Flights.
Nëse ke zgjedhur opsionin e rezervimit me çmim të garantuar, mund ta menaxhosh fluturimin tënd në faqen e "Garancisë së çmimit".
Nëse çmimi ulet për një fluturim të kualifikueshëm për garancinë që ke zgjedhur, do të marrësh një email nga Google Flights. Për të konfirmuar garancinë, në email-in tënd, kliko Po, e kam rezervuar këtë fluturim dhe ndiq udhëzimet:
- Fut numrin e konfirmimit e mbiemrin dhe zgjidh kutinë për të pranuar Kushtet e shërbimit.
- Numri i konfirmimit është kodi alfanumerik në email-in e konfirmimit të rezervimit që ke marrë pas blerjes së fluturimit në uebsajtin e linjës ajrore ose të agjencisë së fluturimit (shembull: SFTORB).
- Kliko Konfirmo.
Ndryshe, për të menaxhuar garancinë tënde, shko te faqja e "Garancisë së çmimit". Për të konfirmuar garancinë, kliko Po, e kam rezervuar dhe ndiq udhëzimet.
Mund të kesh deri në 3 rezervime të garantuara të konfirmuara në të njëjtën kohë.
E rëndësishme:
- Duhet të jesh mbi 18 vjeç.
- Duhet të kesh një llogari të Google Pay ose ta krijosh një të tillë për të pretenduar pagesën. Duhet të jesh i identifikuar me të njëjtën "Llogari të Google" që ke përdorur për të kërkuar për fluturimin tënd në Google Flights.
- Kur bëhesh një përdorues i Google Pay, i nënshtrohesh "Kushteve të shërbimit" të Google Pay.
Nëse çmimi ulet, ne të njoftojmë pas ngritjes në fluturim dhe të paguajmë diferencën në Google Pay. Nëse nuk ke konfirmuar ende që e ke rezervuar fluturimin, do të të kërkojmë ta konfirmosh atë. Pasi ta konfirmosh, do të të paguajmë diferencën në Google Pay. Zakonisht duhen 48 orë që paratë të depozitohen në llogarinë tënde.
Nëse nuk ke një llogari të Google Pay, duhet ta krijosh një të tillë në mënyrë që të të paguajmë diferencën mbrapsht:
- Nëse çmimi ulet dhe ti e kishe konfirmuar rezervimin përpara nisjes së fluturimit të parë:
- Për të pretenduar diferencën:
- Në email ose në faqen e "Garancisë së çmimit", kliko Merr $X .
- Krijo një llogari të Google Pay brenda 60 ditëve nga nisja e fluturimit të parë në itinerarin tënd.
- Brenda 48 orëve, ne do ta depozitojmë diferencën në balancën tënde të Google Pay ose te "Paratë në Google Pay" në pay.google.com.
- Për të pretenduar diferencën:
- Nëse çmimi ulet dhe ti nuk e ke konfirmuar rezervimin përpara nisjes së fluturimit të parë:
- Konfirmo që ke rezervuar fluturimin jo më vonë se 30 ditë pas nisjes së fluturimit të parë në itinerarin tënd.
- Për të pretenduar diferencën pas konfirmimit:
- Në faqen e "Garancisë së çmimit", kliko Merr $X.
- Krijo një llogari të Google Pay brenda 60 ditëve nga konfirmimi i rezervimit.
- Brenda 48 orëve, ne do ta depozitojmë diferencën në balancën tënde të Google Pay ose te "Paratë në Google Pay" në pay.google.com.
Mund t'i transferosh paratë në llogarinë tënde bankare pasi ato të jenë në balancën tënde të Google Pay ose te "Paratë në Google Pay":
- Shko te pay.google.com.
- Kliko Mënyrat e pagesës Paratë në Google Pay ose Balanca e Google Pay.
- Kliko Transfero.
- Fut shumën që dëshiron të transferosh.
- Zgjidh llogarinë bankare në të cilën dëshiron të transferosh paratë.
- Nëse nuk ke ruajtur tashmë një llogari bankare, ndiq këta hapa për të shtuar një llogari.
- Kliko Transfero.
Derisa të verifikosh identitetin, mund të transferosh deri në 200 USD në total në javë në uebsajtin e Google Pay. Për të transferuar më shumë, duhet të shkarkosh aplikacionin Google Pay dhe të verifikosh identitetin tënd. Mëso më shumë për kufijtë e aplikacionit të Google Pay.
Nëse ke probleme gjatë shkarkimit të aplikacionit Google Pay, shko te qendra e ndihmës e Google Pay.
Menaxhoji garancitë e tua në faqen e "Garancisë së çmimit". Kur klikon Jo, nuk e kam rezervuar, ne nuk do të të dërgojmë më njoftime me email për atë itinerar specifik.
Mund t'i çaktivizosh gjithashtu njoftimet me email te Cilësimet e udhëtimit. Megjithatë, nëse konfirmon një itinerar të garantuar, edhe nëse tërhiqesh nga njoftimet me email, do të marrësh një email përfundimtar për të të njoftuar nëse çmimi është ulur ose jo.
Mund ta çaktivizosh gjithashtu veçorinë e "Garancisë së çmimit" të Google te Cilësimet e udhëtimit. Kur e çaktivizon këtë veçori, do të heqësh të gjitha fluturimet ekzistuese me "Çmim të garantuar" dhe ne nuk do të shfaqim distinktivë të "Garancisë së çmimit" në Google Flights. Nuk do të paguhesh për asnjë garanci në pritje, edhe nëse i ke konfirmuar tashmë ato.
Nëse e ndryshon udhëtimin ose anulon ndonjë pjesë të tij, nuk do ta marrësh diferencën mbrapsht.
Detajet e programit mund t'i gjesh te "Kushtet shtesë të shërbimit" të "Garancisë së çmimit" të Google. Këto kushte zbatohen për çdo fluturim me një "Garanci çmimi".
Nëse ke probleme ose pyetje, na kontakto për fluturimin tënd.
Pyetjet e shpeshta
Çfarë ndodh nëse fluturimi im anulohet ose riplanifikohet?Nëse fluturimi yt anulohet ose riplanifikohet, nuk e merr mbrapsht diferencën.
Do të marrësh gjithsesi diferencën midis çmimit kur ke zgjedhur opsionin e rezervimit të garantuar në Google Flights dhe çmimit më të ulët që ofrohet përpara ngritjes në fluturim.