ការធានាតម្លៃគឺជាកម្មវិធីសាកល្បងដែលមាននៅលើគម្រោងធ្វើដំណើរមួយចំនួននៅក្នុង Google ជើងហោះហើរ។ សម្រាប់តម្លៃជើងហោះហើរមួយចំនួន ក្បួនរបស់ Google មានការជឿជាក់ថា តម្លៃដែលអ្នករកឃើញគឺជាតម្លៃផ្ដល់ជូនទាបបំផុត មុនពេលជើងហោះហើរចេញដំណើរ។ សម្រាប់ជើងហោះហើរទាំងនោះ យើងនឹងតាមដានតម្លៃ រហូតទាល់តែជើងហោះហើរដំបូងនៅក្នុងគម្រោងធ្វើដំណើររបស់អ្នកចេញដំណើរ។ ប្រសិនបើតម្លៃធ្លាក់ចុះ យើងនឹងទូទាត់ជូនវិញនូវប្រាក់ដែលបានបង់លើស។
រហូតមកដល់ពេលនេះ ការធានាតម្លៃមានផ្ដល់ជូននៅលើគម្រោងធ្វើដំណើរ "កក់នៅលើ Google" មួយចំនួន។ យើងបានពង្រីកកម្មវិធីរបស់យើងទៅគម្រោងធ្វើដំណើរមួយចំនួនដែលអ្នករកឃើញនៅលើ Google ជើងហោះហើរ ប៉ុន្តែកក់នៅលើគេហទំព័ររបស់ភ្នាក់ងារទេសចរណ៍ ឬក្រុមហ៊ុនអាកាសចរណ៍។
ដើម្បីទទួលបានជំនួយល្អបំផុត សូមជ្រើសរើសវិធីកក់ទុករបស់អ្នក៖
បានកក់គម្រោងធ្វើដំណើរ "កក់នៅលើ Google"
ប្រសិនបើអ្នកជ្រើសរើសគម្រោងធ្វើដំណើរដែលមានការធានាតម្លៃ ដែលអាចឱ្យអ្នកកក់នៅលើ "កក់នៅលើ Google” ដែលមានន័យថា អ្នកបន្តប្រើ Google ដើម្បីបញ្ចប់ប្រតិបត្តិការរបស់អ្នកជាមួយក្រុមហ៊ុនអាកាសចរណ៍ ឬភ្នាក់ងារទេសចរណ៍ សូមជ្រើសរើសជម្រើសនេះ។
តើខ្ញុំអាចទទួលបានប្រាក់ប៉ុន្មានពីការធានាតម្លៃ?ការធានាតម្លៃទូទាត់ឱ្យអ្នកនូវប្រាក់ដែលបានបង់លើសរវាងតម្លៃជើងហោះហើរនៅពេលអ្នកកក់ និងតម្លៃសំបុត្រទាបបំផុតចន្លោះពេលនោះ និងការចេញដំណើរ។ ដើម្បីទទួលបានការទូទាត់ តម្លៃដែលបានបង់លើសត្រូវតែច្រើនជាង 5 USD។ អ្នកអាចទទួលបានប្រាក់សរុបរហូតដល់ 500 USD សម្រាប់គណនី Google មួយនៅលើគម្រោងធ្វើដំណើរដែលមានសិទ្ធិទាំងអស់នៅក្នុងឆ្នាំប្រតិទិនជាក់លាក់។ អ្នកអាចមានការកក់ដែលមានការធានាតម្លៃបើកចំហរហូតដល់ 3 ក្នុងពេលតែមួយ។ មានន័យថាជើងហោះហើរដំបូងនៅក្នុងគម្រោងធ្វើដំណើរមិនទាន់ចេញដំណើរនៅឡើយ។ ប្រសិនបើមានសិទ្ធិ អ្នកនឹងទទួលបានការទូទាត់ បន្ទាប់ពីជើងហោះហើរដំបូងនៅក្នុងគម្រោងធ្វើដំណើរដែលបានកក់ហោះឡើង។
សំខាន់៖
- ប្រទេស/តំបន់របស់អ្នកត្រូវតែកំណត់ទៅជាសហរដ្ឋអាមេរិក ហើយរូបិយបណ្ណរបស់អ្នកត្រូវតែគិតជា USD ដើម្បីមើលឃើញជើងហោះហើរដែលមានការធានា។
- ការធានាតម្លៃអនុវត្តចំពោះជើងហោះហើរមួយជើង និងជើងហោះហើរធ្វើដំណើរទៅមក ដែលចេញដំណើរពីសហរដ្ឋអាមេរិកប៉ុណ្ណោះ។
- អ្នកត្រូវតែប្រើអាសយដ្ឋានទូទាត់វិក្កយបត្រសហរដ្ឋអាមេរិក និងលេខទូរសព្ទសហរដ្ឋអាមេរិកនៅលើទំព័រ "កក់នៅលើ Google"។
- អ្នកត្រូវតែចូលគណនី Google របស់អ្នក។
ការធានាតម្លៃមានផ្ដល់ជូនសម្រាប់តែជើងហោះហើរ ដែលយើងជឿជាក់ថាតម្លៃនឹងមិនធ្លាក់ចុះប៉ុណ្ណោះ។ ជើងហោះហើរទាំងនេះមានគ្រឿងសម្គាល់តម្លៃចម្រុះពណ៌ នៅពេលអ្នកជ្រើសរើសជើងហោះហើរចេញដំណើរ និងជើងហោះហើរត្រឡប់របស់អ្នក។ ការធានាតម្លៃប៉ះពាល់ដល់អ្នកតែក្នុងករណីដែលតម្លៃជើងហោះហើររបស់អ្នកធ្លាក់ចុះបន្ទាប់ពីអ្នកកក់ និងមុនពេលជើងហោះហើរដំបូងនៅក្នុងគម្រោងធ្វើដំណើររបស់អ្នកចេញដំណើរប៉ុណ្ណោះ។
- នៅក្រោម "ជើងហោះហើរចេញដំណើរ" សូមជ្រើសរើសជើងហោះហើរដែលមានគ្រឿងសម្គាល់។
- ជ្រើសរើសគម្រោងធ្វើដំណើរដែលមានគ្រឿងសម្គាល់តាមរយៈការបង់ប្រាក់ចេញ។
- សម្រាប់ការធានាតម្លៃដែលត្រូវអនុវត្ត ជើងហោះហើរទាំងអស់នៅក្នុងគម្រោងធ្វើដំណើររបស់អ្នកត្រូវតែមានគ្រឿងសម្គាល់ការធានាតម្លៃ។
- ចុចលើតំណ "កក់នៅលើ Google"។
- នៅទំព័រ "កក់នៅលើ Google" សូមធីកប្រអប់នៅជាប់នឹង “ការធានាតម្លៃ” ដើម្បីទទួលយកលក្ខខណ្ឌប្រើប្រាស់។
អ្នកទទួលបានអ៊ីមែលបញ្ជាក់នៅពេលជើងហោះហើរត្រូវបានធានា។
ការធានាតម្លៃមានសុពលភាព បន្ទាប់ពីអ្នកកក់នៅលើ Google រួច។ ទោះជាយ៉ាងណាក៏ដោយ ប្រសិនបើក្រុមហ៊ុនអាកាសចរណ៍ធ្វើបច្ចុប្បន្នភាពតម្លៃលឿនជាងការផ្ទុកតម្លៃនៅលើ Google ជើងហោះហើរ នោះយើងប្រហែលជាមិនអាចផ្ដល់ការធានាបានទៀតទេ។ អ្នកអាចរកឃើញការធានាតម្លៃ ប៉ុន្តែប្រសិនបើតម្លៃធ្វើបច្ចុប្បន្នភាពមុនពេលអ្នកកក់ ការធានាប្រហែលជាមិនមានទេនៅពេលអ្នកចូលទៅកក់។
ទេ។ ការធានាតម្លៃគឺមិនគិតថ្លៃទេ។
បន្ទាប់ពីអ្នកកក់រួច យើងតាមដានតម្លៃរហូតដល់ជើងហោះហើរដំបូងនៅក្នុងគម្រោងធ្វើដំណើររបស់អ្នកចេញដំណើរ។ បន្ទាប់មក យើងផ្ញើអ៊ីមែលទៅអ្នក ដើម្បីឱ្យអ្នកដឹងថាតើតម្លៃធ្លាក់ចុះឬអត់។ អ្នកក៏អាចទទួលបានបច្ចុប្បន្នភាពតាមអ៊ីមែលចន្លោះពេលរវាងការកក់ និងការចេញដំណើរផងដែរ។ ប្រសិនបើតម្លៃបានធ្លាក់ចុះ យើងនឹងទូទាត់ប្រាក់ដែលបង់លើសជូនអ្នកវិញនៅក្នុង Google Pay។ ប្រសិនបើតម្លៃមិនបានធ្លាក់ចុះទេ អ្នកអាចប្រាកដបានថា អ្នកបានទទួលតម្លៃល្អបំផុតតាមរយៈ Google ជើងហោះហើរ។
សំខាន់៖
- អ្នកត្រូវតែមានអាយុលើសពី 18 ឆ្នាំ។
- អ្នកត្រូវតែមានគណនី Google Pay ឬបង្កើតគណនី ដើម្បីអះអាងការទូទាត់របស់អ្នក។ អ្នកត្រូវតែចូលដោយប្រើគណនី Google ដូចគ្នានឹងគណនីដែលអ្នកបានប្រើ ដើម្បីកក់ជើងហោះហើររបស់អ្នកនៅលើ "កក់នៅលើ Google"។
- នៅពេលអ្នកក្លាយជាអ្នកប្រើប្រាស់ Google Pay អ្នកនឹងត្រូវគោរពតាមលក្ខខណ្ឌប្រើប្រាស់ Google Pay។
ប្រសិនបើតម្លៃធ្លាក់ចុះ យើងនឹងជូនដំណឹងដល់អ្នកក្រោយពេលហោះឡើង និងទូទាត់ប្រាក់ដែលអ្នកបង់លើសនៅក្នុង Google Pay វិញ។ ជាធម្មតា ដំណើរការនេះចំណាយពេលរហូតដល់ 48 ម៉ោង ដើម្បីឱ្យប្រាក់ចូលក្នុងគណនីរបស់អ្នក។
ប្រសិនបើអ្នកមិនមានគណនី Google Pay ទេ អ្នកត្រូវតែបង្កើតគណនី ដើម្បីឱ្យយើងអាចទូទាត់ប្រាក់ដែលបានបង់លើសជូនអ្នកវិញ៖
- ចុច "ទទួលបាន $X របស់អ្នក" នៅក្នុងអ៊ីមែលដែលយើងផ្ញើទៅអ្នក និងបង្កើតគណនី Google Pay ក្នុងរយៈពេល 90 ថ្ងៃនៃការចេញដំណើរជើងហោះហើរដំបូងនៅក្នុងគម្រោងធ្វើដំណើររបស់អ្នក។ ក្នុងរយៈពេល 48 ម៉ោង យើងនឹងបង្វិលសងប្រាក់ដែលបានបង់លើសទៅក្នុងសមតុល្យ Google Pay ឬប្រាក់នៅក្នុង Google Pay របស់អ្នកនៅលើ wallet.google.com។
អ្នកអាចផ្ទេរប្រាក់ទៅគណនីធនាគាររបស់អ្នក នៅពេលប្រាក់នោះស្ថិតក្នុងសមតុល្យ Google Pay ឬប្រាក់នៅក្នុង Google Pay របស់អ្នក៖
- ចូលទៅកាន់ wallet.google.com។
- ចុច វិធីបង់ប្រាក់
ប្រាក់នៅក្នុង Google Pay ឬ សមតុល្យ Google Pay។
- ចុច "ផ្ទេរចេញ"។
- បញ្ចូលចំនួនទឹកប្រាក់ដែលអ្នកចង់ផ្ទេរចេញ។
- ជ្រើសរើសគណនីធនាគារដែលអ្នកចង់ផ្ទេរប្រាក់។
- ប្រសិនបើអ្នកមិនទាន់មានគណនីធនាគារដែលបានរក្សាទុកទេ សូមអនុវត្តតាមជំហានផ្សេងៗ ដើម្បីបញ្ចូលគណនី។
- ចុច "ផ្ទេរចេញ"។
ទាល់តែអ្នកផ្ទៀងផ្ទាត់អត្តសញ្ញាណរបស់អ្នក ទើបអ្នកអាចផ្ទេរប្រាក់សរុបចេញបានរហូតដល់ 200 USD ក្នុងមួយសប្ដាហ៍នៅលើគេហទំព័រ Google Pay។ ដើម្បីផ្ទេរប្រាក់ចេញកាន់តែច្រើន អ្នកត្រូវតែទាញយកកម្មវិធី Google Pay រួចផ្ទៀងផ្ទាត់អត្តសញ្ញាណរបស់អ្នក។ ស្វែងយល់បន្ថែមអំពីដែនកំណត់ Google Pay។
ប្រសិនបើអ្នកជួបប្រទះបញ្ហានៅពេលអ្នកទាញយកកម្មវិធី Google Pay សូមចូលទៅកាន់មជ្ឈមណ្ឌលជំនួយ Google Pay។
ប្រសិនបើអ្នកផ្លាស់ប្ដូរការធ្វើដំណើររបស់អ្នក ឬលុបចោលផ្នែកណាមួយនៃការធ្វើដំណើរនេះ នោះអ្នកនឹងមិនទទួលបានប្រាក់ដែលបានបង់លើសនោះទេ។
អ្នកអាចរកមើលព័ត៌មានលម្អិតអំពីកម្មវិធីនៅក្នុងលក្ខខណ្ឌប្រើប្រាស់របស់យើង។ ប្រសិនបើជើងហោះហើររបស់អ្នកមានការធានាតម្លៃ នោះលក្ខខណ្ឌប្រើប្រាស់នៃការធានាតម្លៃត្រូវបានអនុវត្ត។
ប្រសិនបើអ្នកមានបញ្ហា ឬសំណួរ សូមទាក់ទងមកយើងអំពីជើងហោះហើររបស់អ្នក។
សំណួរដែលសួរញឹកញាប់
តើខ្ញុំត្រូវធ្វើអ្វីដែរឬទេ បន្ទាប់ពីខ្ញុំកក់រួច?
ប្រសិនបើតម្លៃធ្លាក់ចុះ តើខ្ញុំទទួលបានការទូទាត់ប្រាក់ដែលបានបង់លើសនៅពេលណា?
តើខ្ញុំអាចបោះបង់ការធានារបស់ខ្ញុំបានទេ?
តើមានអ្វីកើតឡើង ប្រសិនបើជើងហោះហើររបស់ខ្ញុំត្រូវបានលុបចោល ឬកំណត់កាលវិភាគឡើងវិញ?
តើមានអ្វីកើតឡើង ប្រសិនបើតម្លៃធ្លាក់ចុះ រួចកើនឡើងម្ដងទៀត?
បានកក់នៅលើគេហទំព័ររបស់ភ្នាក់ងារទេសចរណ៍ ឬក្រុមហ៊ុនអាកាសចរណ៍
ប្រសិនបើអ្នកជ្រើសរើសគម្រោងធ្វើដំណើរដែលមានការធានាតម្លៃនៅលើ Google ជើងហោះហើរ ប៉ុន្តែបានកក់តាមរយៈក្រុមហ៊ុនអាកាសចរណ៍ ឬភ្នាក់ងារទេសចរណ៍អនឡាញនៅលើគេហទំព័ររបស់ពួកគេ សូមជ្រើសរើសជម្រើសនេះ។
តើខ្ញុំអាចទទួលបានប្រាក់ប៉ុន្មានពីការធានាតម្លៃ?នៅពេលអ្នកជ្រើសរើសជម្រើសកក់ដែលមានការធានាតម្លៃនៅលើ Google ជើងហោះហើរ ការធានាតម្លៃទូទាត់ឱ្យអ្នកនូវប្រាក់ដែលបានបង់លើសរវាងតម្លៃជើងហោះហើរនៅពេលនោះ និងតម្លៃសំបុត្រទាបបំផុតសម្រាប់គម្រោងធ្វើដំណើរជាក់ស្ដែងនោះ ដូចដែលបានឃើញនៅលើ Google ជើងហោះហើរចន្លោះពេលនោះ និងការចេញដំណើរ។ ដើម្បីទទួលបានការទូទាត់ តម្លៃដែលបានបង់លើសត្រូវតែច្រើនជាង 5 USD។ អ្នកអាចទទួលបានប្រាក់សរុបរហូតដល់ 500 USD សម្រាប់គណនី Google មួយនៅលើគម្រោងធ្វើដំណើរដែលមានសិទ្ធិទាំងអស់នៅក្នុងឆ្នាំប្រតិទិនជាក់លាក់។ អ្នកអាចមានការកក់ដែលមានការធានាតម្លៃដែលបានបញ្ជាក់រហូតដល់ 3 ក្នុងពេលតែមួយ។ ប្រសិនបើមានសិទ្ធិ អ្នកនឹងទទួលបានប្រាក់មកវិញ បន្ទាប់ពីជើងហោះហើរដំបូងនៅក្នុងគម្រោងធ្វើដំណើរដែលបានកក់បានហោះឡើង។
សំខាន់៖
- ដើម្បីស្វែងរកជើងហោះហើរដែលមានការធានា ប្រទេស/តំបន់របស់អ្នកត្រូវតែកំណត់ទៅសហរដ្ឋអាមេរិក ហើយរូបិយបណ្ណរបស់អ្នកត្រូវតែគិតជា USD។
- ការធានាតម្លៃអនុវត្តចំពោះជើងហោះហើរមួយជើង និងជើងហោះហើរធ្វើដំណើរទៅមក ដែលចេញដំណើរពីសហរដ្ឋអាមេរិកប៉ុណ្ណោះ។
- អ្នកត្រូវតែចូលគណនី Google របស់អ្នក។
ការធានាតម្លៃមានផ្ដល់ជូនសម្រាប់តែជើងហោះហើរ ដែលយើងជឿជាក់ថាតម្លៃនឹងមិនធ្លាក់ចុះប៉ុណ្ណោះ។ ជើងហោះហើរទាំងនេះមានគ្រឿងសម្គាល់តម្លៃចម្រុះពណ៌ នៅពេលអ្នកជ្រើសរើសជើងហោះហើរចេញដំណើរ និងជើងហោះហើរត្រឡប់មកវិញរបស់អ្នក។ ការធានាតម្លៃប៉ះពាល់ដល់អ្នកតែក្នុងករណីដែលតម្លៃជើងហោះហើររបស់អ្នកធ្លាក់ចុះ បន្ទាប់ពីអ្នកជ្រើសរើសជម្រើសកក់ដែលមានការធានានៅលើ Google ជើងហោះហើរ និងមុនពេលជើងហោះហើរដំបូងនៅក្នុងគម្រោងធ្វើដំណើររបស់អ្នកចេញដំណើរប៉ុណ្ណោះ។
- នៅក្រោម "ជើងហោះហើរចេញដំណើរ" សូមជ្រើសរើសជើងហោះហើរដែលមានគ្រឿងសម្គាល់។
- សម្រាប់ការធានាតម្លៃដែលត្រូវអនុវត្ត ជើងហោះហើរទាំងអស់នៅក្នុងគម្រោងធ្វើដំណើររបស់អ្នកត្រូវតែមានគ្រឿងសម្គាល់ការធានាតម្លៃ។
- ដើម្បីជ្រើសរើសជម្រើសកក់ដែលមានការធានាតម្លៃ សូមចុច បន្ត នៅក្រោម “ជម្រើសកក់”។
- ជម្រើសកក់ដែលមានការធានាតម្លៃមានគ្រឿងសម្គាល់ការធានាតម្លៃ។
- យើងធានាថា តម្លៃដែលអ្នករកឃើញនៅជាប់គ្រឿងសម្គាល់ការធានាតម្លៃ នឹងមិនទទួលបានតម្លៃទាបជាងណាមួយឡើយ មុនពេលការចេញដំណើរ។
- នៅលើគេហទំព័ររបស់ភ្នាក់ងារទេសចរណ៍ ឬក្រុមហ៊ុនអាកាសចរណ៍ សូមកក់គម្រោងធ្វើដំណើរជាក់ស្ដែងដែលមានការធានានៅលើ Google ជើងហោះហើរ។ សម្រាប់ការធានាតម្លៃដែលត្រូវអនុវត្ត សមាសភាគទាំងអស់នៃគម្រោងធ្វើដំណើរដែលបានកក់ត្រូវតែត្រូវគ្នា រួមទាំងក្រុមហ៊ុនអាកាសចរណ៍ លេខជើងហោះហើរ កាលបរិច្ឆេទ ចំនួនអ្នកដំណើរ ថ្លៃយន្តហោះនិងលំដាប់កាប៊ីន និងគោលការណ៍ស្ដីពីការលុបចោល។
- បន្ទាប់ពីអ្នកជ្រើសរើសជម្រើសកក់ដែលមានការធានាតម្លៃនៅលើ Google ជើងហោះហើរ នោះ Google តាមដានតម្លៃរៀងរាល់ថ្ងៃរហូតដល់ការហោះឡើង។
- អ្នកនឹងទទួលបានអ៊ីមែលបន្ទាប់ពីការហោះឡើង ដើម្បីឱ្យអ្នកដឹងថាតើតម្លៃបានធ្លាក់ចុះឬអត់។
- ប្រសិនបើមានការធ្លាក់ចុះតម្លៃ ដើម្បីឱ្យអ្នកទទួលបានប្រាក់ដែលបានបង់លើសនៅក្នុង Google Pay អ្នកនឹងត្រូវបានស្នើសុំឱ្យបញ្ជាក់ថា អ្នកបានកក់ជើងហោះហើរ៖
- នៅក្នុងអ៊ីមែលរបស់អ្នក សូមចុច បាទ/ចាស ខ្ញុំបានកក់ជើងហោះហើរនេះ រួចអនុវត្តតាមការណែនាំ៖
- បញ្ចូលលេខបញ្ជាក់ និងនាមត្រកូលរបស់អ្នក រួចធីកប្រអប់ដើម្បីទទួលយកលក្ខខណ្ឌប្រើប្រាស់។
- ចុច "បញ្ជាក់"។
- នៅក្នុងអ៊ីមែលរបស់អ្នក សូមចុច បាទ/ចាស ខ្ញុំបានកក់ជើងហោះហើរនេះ រួចអនុវត្តតាមការណែនាំ៖
- ម្យ៉ាងទៀត សូមចូលទៅកាន់ទំព័រនៃការធានាតម្លៃ។
- ស្វែងរកគម្រោងធ្វើដំណើរដែលមានការធានារបស់អ្នក។
- ចុច "បាទ/ចាស ខ្ញុំបានកក់ជើងហោះហើរនេះ"។
- បញ្ចូលលេខបញ្ជាក់ និងនាមត្រកូលរបស់អ្នក បន្ទាប់មកធីកប្រអប់ដើម្បីទទួលយកលក្ខខណ្ឌប្រើប្រាស់។
- ចុច "បញ្ជាក់"។
នៅលើទំព័រនៃការធានាតម្លៃ អ្នកអាចស្វែងរកជើងហោះហើរដែលមានការធានាតម្លៃរបស់អ្នក។ នៅក្រោម “ការកំណត់ការធ្វើដំណើរ” អ្នកអាចធ្វើបច្ចុប្បន្នភាពចំណូលចិត្តអ៊ីមែលរបស់អ្នក។
បន្ទាប់ពីអ្នកជ្រើសរើសជម្រើសកក់ដែលមានការធានាតម្លៃនៅលើ Google ជើងហោះហើរ ការធានាតម្លៃនឹងមានប្រសិទ្ធភាព។
ទេ។ ការធានាតម្លៃគឺមិនគិតថ្លៃទេ។
បន្ទាប់ពីអ្នកជ្រើសរើសជម្រើសកក់ដែលមានការធានា យើងតាមដានតម្លៃ រហូតទាល់តែជើងហោះហើរដំបូងនៅក្នុងគម្រោងធ្វើដំណើររបស់អ្នកចេញដំណើរ។ បន្ទាប់មកអ្នកនឹងទទួលបានអ៊ីមែល ដើម្បីឱ្យអ្នកដឹងថាតើតម្លៃបានធ្លាក់ចុះឬអត់។ អ្នកក៏អាចទទួលបានបច្ចុប្បន្នភាពតាមអ៊ីមែលរវាងការជ្រើសរើសជម្រើសកក់ដែលមានការធានា និងការចេញដំណើរផងដែរ។ ប្រសិនបើតម្លៃបានធ្លាក់ចុះ អ្នកត្រូវតែបញ្ជាក់ថាអ្នកបានកក់ជើងហោះហើរមិនយូរជាង 30 ថ្ងៃ បន្ទាប់ពីការចេញដំណើរនៃជើងហោះហើរដំបូងនៅក្នុងគម្រោងធ្វើដំណើររបស់អ្នក ដើម្បីឱ្យយើងអាចទូទាត់ឱ្យអ្នកនូវប្រាក់ដែលបានបង់លើសនៅក្នុង Google Pay។ ប្រសិនបើតម្លៃមិនបានធ្លាក់ចុះទេ អ្នកអាចប្រាកដបានថា អ្នកបានទទួលតម្លៃល្អបំផុតតាមរយៈ Google ជើងហោះហើរ។
ប្រសិនបើអ្នកបានជ្រើសរើសជម្រើសកក់ដែលមានការធានាតម្លៃ អ្នកអាចគ្រប់គ្រងជើងហោះហើររបស់អ្នកនៅលើទំព័រនៃការធានាតម្លៃ។
ប្រសិនបើតម្លៃធ្លាក់ចុះសម្រាប់ជើងហោះហើរដែលមានសិទ្ធិទទួលការធានា ដែលអ្នកបានជ្រើសរើស នោះអ្នកនឹងទទួលបានអ៊ីមែលពី Google ជើងហោះហើរ។ ដើម្បីបញ្ជាក់ការធានា នៅក្នុងអ៊ីមែលរបស់អ្នក សូមចុច បាទ/ចាស ខ្ញុំបានកក់ជើងហោះហើរនេះ រួចអនុវត្តតាមការណែនាំ៖
- បញ្ចូលលេខបញ្ជាក់ និងនាមត្រកូលរបស់អ្នក រួចធីកប្រអប់ដើម្បីទទួលយកលក្ខខណ្ឌប្រើប្រាស់។
- លេខបញ្ជាក់គឺជាលេខកូដអក្សរលាយលេខនៅក្នុងអ៊ីមែលបញ្ជាក់ការកក់ដែលអ្នកបានទទួល បន្ទាប់ពីការទិញជើងហោះហើររបស់អ្នកនៅលើគេហទំព័ររបស់ភ្នាក់ងារទេសចរណ៍ ឬក្រុមហ៊ុនអាកាសចរណ៍ (ឧទាហរណ៍៖ SFTORB)។
- ចុច "បញ្ជាក់"។
ម្យ៉ាងទៀត ដើម្បីគ្រប់គ្រងការធានារបស់អ្នក សូមចូលទៅកាន់ទំព័រនៃការធានាតម្លៃ។ ដើម្បីបញ្ជាក់ការធានា សូមចុច បាទ/ចាស ខ្ញុំបានកក់ជើងហោះហើរនេះ រួចអនុវត្តតាមការណែនាំ។
អ្នកអាចមានការកក់ដែលមានការធានាដែលបានបញ្ជាក់រហូតដល់ 3 ក្នុងពេលតែមួយ។
សំខាន់៖
- អ្នកត្រូវតែមានអាយុលើសពី 18 ឆ្នាំ។
- អ្នកត្រូវតែមានគណនី Google Pay ឬបង្កើតគណនី ដើម្បីអះអាងការទូទាត់របស់អ្នក។ អ្នកត្រូវតែចូលដោយប្រើគណនី Google ដូចគ្នានឹងគណនីដែលអ្នកបានប្រើ ដើម្បីស្វែងរកជើងហោះហើររបស់អ្នកនៅលើ Google ជើងហោះហើរ។
- នៅពេលអ្នកក្លាយជាអ្នកប្រើប្រាស់ Google Pay អ្នកនឹងត្រូវគោរពតាមលក្ខខណ្ឌប្រើប្រាស់ Google Pay។
ប្រសិនបើតម្លៃធ្លាក់ចុះ យើងនឹងជូនដំណឹងដល់អ្នកក្រោយពេលហោះឡើង និងទូទាត់ប្រាក់ដែលអ្នកបង់លើសនៅក្នុង Google Pay។ ប្រសិនបើអ្នកមិនទាន់បានបញ្ជាក់ថាអ្នកបានកក់ជើងហោះហើរនៅឡើយទេ យើងនឹងស្នើឱ្យអ្នកធ្វើដូច្នេះ។ នៅពេលអ្នកបញ្ជាក់ យើងទូទាត់ឱ្យអ្នកនូវប្រាក់ដែលបានបង់លើសនៅក្នុង Google Pay។ ជាធម្មតា ដំណើរការនេះចំណាយពេលរហូតដល់ 48 ម៉ោង ដើម្បីឱ្យប្រាក់ចូលក្នុងគណនីរបស់អ្នក។
ប្រសិនបើអ្នកមិនមានគណនី Google Pay ទេ អ្នកត្រូវតែបង្កើតគណនី ដើម្បីឱ្យយើងអាចទូទាត់ប្រាក់ដែលបានបង់លើសជូនអ្នកវិញ៖
- ប្រសិនបើតម្លៃធ្លាក់ចុះ ហើយអ្នកបានបញ្ជាក់ការកក់របស់អ្នក មុនពេលការចេញដំណើរនៃជើងហោះហើរដំបូងរបស់អ្នក៖
- ដើម្បីអះអាងយកប្រាក់ដែលបានបង់លើស៖
- នៅក្នុងអ៊ីមែល ឬនៅលើទំព័រនៃការធានាតម្លៃ សូមចុច ទទួលបាន $X របស់អ្នក។
- បង្កើតគណនី Google Pay ក្នុងរយៈពេល 60 ថ្ងៃនៃការចេញដំណើរជើងហោះហើរដំបូងនៅក្នុងគម្រោងធ្វើដំណើររបស់អ្នក។
- ក្នុងរយៈពេល 48 ម៉ោង យើងនឹងបង្វិលសងប្រាក់ដែលបានបង់លើសទៅក្នុងសមតុល្យ Google Pay ឬប្រាក់នៅក្នុង Google Pay របស់អ្នកនៅលើ wallet.google.com។
- ដើម្បីអះអាងយកប្រាក់ដែលបានបង់លើស៖
- ប្រសិនបើតម្លៃបានធ្លាក់ចុះ ហើយអ្នកមិនបានបញ្ជាក់ការកក់របស់អ្នក មុនពេលការចេញដំណើរនៃជើងហោះហើរដំបូងរបស់អ្នក៖
- បញ្ជាក់ថាអ្នកបានកក់ជើងហោះហើរមិនយូរជាង 30 ថ្ងៃ បន្ទាប់ពីការចេញដំណើរនៃជើងហោះហើរដំបូងនៅក្នុងគម្រោងធ្វើដំណើររបស់អ្នក។
- នៅពេលអ្នកបញ្ជាក់ ដើម្បីអះអាងយកប្រាក់ដែលបានបង់លើស៖
- នៅលើទំព័រនៃការធានាតម្លៃ សូមចុច ទទួលបាន $X របស់អ្នក។
- បង្កើតគណនី Google Pay ក្នុងរយៈពេល 60 ថ្ងៃនៃការបញ្ជាក់ការកក់របស់អ្នក។
- ក្នុងរយៈពេល 48 ម៉ោង យើងនឹងបង្វិលសងប្រាក់ដែលបានបង់លើសទៅក្នុងសមតុល្យ Google Pay ឬប្រាក់នៅក្នុង Google Pay របស់អ្នកនៅលើ wallet.google.com។
អ្នកអាចផ្ទេរប្រាក់ទៅគណនីធនាគាររបស់អ្នក នៅពេលប្រាក់នោះស្ថិតក្នុងសមតុល្យ Google Pay ឬប្រាក់នៅក្នុង Google Pay របស់អ្នក៖
- ចូលទៅកាន់ wallet.google.com។
- ចុច វិធីបង់ប្រាក់
ប្រាក់នៅក្នុង Google Pay ឬ សមតុល្យ Google Pay។
- ចុច "ផ្ទេរចេញ"។
- បញ្ចូលចំនួនទឹកប្រាក់ដែលអ្នកចង់ផ្ទេរចេញ។
- ជ្រើសរើសគណនីធនាគារដែលអ្នកចង់ផ្ទេរប្រាក់។
- ប្រសិនបើអ្នកមិនទាន់មានគណនីធនាគារដែលបានរក្សាទុកទេ សូមអនុវត្តតាមជំហានផ្សេងៗ ដើម្បីបញ្ចូលគណនី។
- ចុច "ផ្ទេរចេញ"។
ទាល់តែអ្នកផ្ទៀងផ្ទាត់អត្តសញ្ញាណរបស់អ្នក ទើបអ្នកអាចផ្ទេរប្រាក់សរុបចេញបានរហូតដល់ 200 USD ក្នុងមួយសប្ដាហ៍នៅលើគេហទំព័រ Google Pay។ ដើម្បីផ្ទេរប្រាក់ចេញកាន់តែច្រើន អ្នកត្រូវតែទាញយកកម្មវិធី Google Pay រួចផ្ទៀងផ្ទាត់អត្តសញ្ញាណរបស់អ្នក។ ស្វែងយល់បន្ថែមអំពីដែនកំណត់ Google Pay។
ប្រសិនបើអ្នកមានបញ្ហានៅពេលអ្នកទាញយកកម្មវិធី Google Pay សូមចូលទៅកាន់មជ្ឈមណ្ឌលជំនួយ Google Pay។
គ្រប់គ្រងការធានារបស់អ្នកនៅលើទំព័រនៃការធានាតម្លៃ។ នៅពេលអ្នកចុច ទេ ខ្ញុំមិនបានកក់ទេ យើងនឹងមិនផ្ញើការជូនដំណឹងតាមអ៊ីមែលសម្រាប់គម្រោងធ្វើដំណើរជាក់លាក់នោះទៀតទេ។
អ្នកក៏អាចបិទការជូនដំណឹងតាមអ៊ីមែលនៅលើការកំណត់ការធ្វើដំណើរបានផងដែរ។ ទោះយ៉ាងណា ប្រសិនបើអ្នកបញ្ជាក់គម្រោងធ្វើដំណើរដែលមានការធានា ទោះបីជាអ្នកផ្ដាច់ចេញពីការជូនដំណឹងតាមអ៊ីមែលក៏ដោយ អ្នកនឹងទទួលបានអ៊ីមែលចុងក្រោយ ដើម្បីឱ្យអ្នកដឹងថាតើតម្លៃបានធ្លាក់ចុះឬអត់។
អ្នកក៏អាចបិទមុខងារធានាតម្លៃរបស់ Google នៅលើការកំណត់ការធ្វើដំណើរបានផងដែរ។ នៅពេលអ្នកបិទមុខងារនេះ អ្នកនឹងដកជើងហោះហើរដែលមានការធានាតម្លៃដែលមានស្រាប់ទាំងអស់របស់អ្នកចេញ ហើយយើងនឹងមិនបង្ហាញគ្រឿងសម្គាល់ដែលមានការធានាតម្លៃនៅក្នុង Google ជើងហោះហើរទេ។ អ្នកនឹងមិនទទួលបានការទូទាត់សម្រាប់ការធានាទាំងឡាយដែលកំពុងរង់ចាំទេ ទោះបីជាអ្នកបានបញ្ជាក់ការធានាទាំងនោះក៏ដោយ។
ប្រសិនបើអ្នកផ្លាស់ប្ដូរការធ្វើដំណើររបស់អ្នក ឬលុបចោលផ្នែកណាមួយនៃការធ្វើដំណើរនេះ នោះអ្នកនឹងមិនទទួលបានប្រាក់ដែលបានបង់លើសនោះទេ។
អ្នកអាចរកមើលព័ត៌មានលម្អិតអំពីកម្មវិធីនៅក្នុងលក្ខខណ្ឌប្រើប្រាស់បន្ថែមនៃការធានាតម្លៃរបស់ Google។ លក្ខខណ្ឌទាំងនេះអនុវត្តចំពោះជើងហោះហើរណាមួយដែលមានការធានាតម្លៃ។
ប្រសិនបើអ្នកមានបញ្ហា ឬសំណួរ សូមទាក់ទងមកយើងអំពីជើងហោះហើររបស់អ្នក។
សំណួរដែលសួរញឹកញាប់
តើមានអ្វីកើតឡើង ប្រសិនបើជើងហោះហើររបស់ខ្ញុំត្រូវបានលុបចោល ឬកំណត់កាលវិភាគឡើងវិញ?ប្រសិនបើជើងហោះហើររបស់អ្នកត្រូវបានលុបចោល ឬកំណត់កាលវិភាគឡើងវិញ អ្នកមិនទទួលបានប្រាក់ដែលបានបង់លើសមកវិញទេ។
អ្នកនៅតែទទួលបានប្រាក់ដែលបានបង់លើសរវាងតម្លៃនៅពេលអ្នកបានជ្រើសរើសជម្រើសកក់ដែលមានការធានានៅលើ Google ជើងហោះហើរ និងតម្លៃទាបបំផុតដែលមាន មុនពេលហោះឡើង។