បង្ហាញតម្លៃជើងហោះហើរដែលរួមបញ្ចូលថ្លៃសេវាអីវ៉ាន់
សំខាន់៖ Google បង្ហាញព័ត៌មានអីវ៉ាន់ដែលយើងទទួលបានពីដៃគូរបស់យើង។ ថ្លៃសេវាអីវ៉ាន់ប៉ាន់ស្មានទាំងឡាយដែលបានបង្ហាញអាចនឹងជាប់ពន្ធបន្ថែមរបស់រដ្ឋាភិបាល។
តម្រងអីវ៉ាន់អនុញ្ញាតឲ្យអ្នកបង្ហាញតម្លៃជើងហោះហើរដែលរួមបញ្ចូលចំណាយលើអីវ៉ាន់ដែលបានចុះឈ្មោះផ្ញើ ឬកាបូបយកតាមខ្លួន។ វាអាចជួយឲ្យអ្នកប្រៀបធៀបតម្លៃបានកាន់តែប្រសើរជាងមុន និងជៀសវាងថ្លៃសេវាដែលមិនបានរំពឹងទុកណាមួយនៅអាកាសយានដ្ឋាន។
មុនពេលអ្នកចាប់ផ្តើម
អីវ៉ាន់មានគ្រប់រូបរាង និងទំហំ ប៉ុន្ដែជាធម្មតា ក្រុមហ៊ុនអាកាសចរណ៍ធ្វើចំណាត់ថ្នាក់អីវ៉ាន់ជា កាបូបយកតាមខ្លួន ឬអីវ៉ាន់ដែលបានចុះឈ្មោះផ្ញើ។
ប្រភេទអីវ៉ាន់ |
អ្វីដែលគេហៅវា |
កន្លែងដែលត្រូវដាក់វា |
កាបូបយកតាមខ្លួន |
កាបូបយកតាមខ្លួន អីវ៉ាន់យួរដៃ អីវ៉ាន់កាប៊ីន កាបូបរុញ វ៉ាលីមានកង់ |
នៅក្នុងធ្នើរខាងលើ |
អីវ៉ាន់ដែលបានចុះឈ្មោះផ្ញើ |
អីវ៉ាន់ដែលបានចុះឈ្មោះផ្ញើ |
នៅក្នុងកន្លែងដាក់ទំនិញ |
ថ្លៃសេវាកាបូបយកតាមខ្លួនប្រែប្រួលទៅតាមប្រទេស។ លើសពីនេះទៀត អ្វីដែលមានលក្ខណៈគ្រប់គ្រាន់ថាជាកាបូបយកតាមខ្លួន ប្រែប្រួលទៅតាមក្រុមហ៊ុនអាកាសចរណ៍។ ដើម្បីរកមើលដែនកំណត់ទំហំ ទម្ងន់ផ្សេងៗគ្នា និងតម្លៃសម្រាប់ប្រភេទអីវ៉ាន់នីមួយៗ សូមពិនិត្យមើលទំព័រថ្លៃសេវាអីវ៉ាន់ និងទំព័រគោលការណ៍សម្រាប់ក្រុមហ៊ុនអាកាសចរណ៍។
ប្រើតម្រងអីវ៉ាន់
នៅពេលអ្នកស្វែងរកជើងហោះហើរ អ្នកអាចនឹងដឹងថាតើអ្នកនឹងចង់យកអីវ៉ាន់របស់អ្នកឡើងលើយន្តហោះ ឬចុះឈ្មោះផ្ញើអីវ៉ាន់ទាំងនោះ។ ប្រសិនបើអ្នកដឹងហើយ អ្នកអាចប្រើតម្រងអីវ៉ាន់នៅលើ Google ជើងហោះហើរ ដើម្បីបង្ហាញតម្លៃជើងហោះហើរដែលរួមបញ្ចូលថ្លៃសេវាសម្រាប់អីវ៉ាន់ដែលបានចុះឈ្មោះផ្ញើនីមួយៗ ឬសម្រាប់ការដាក់កាបូបយកតាមខ្លួននៅក្នុងធ្នើរខាងលើ។
ការបើកតម្រងអីវ៉ាន់គួរតែមិនដកជើងហោះហើរណាមួយចេញពីលទ្ធផលទេ—វាគ្រាន់តែធ្វើបច្ចុប្បន្នភាពតម្លៃប៉ុណ្ណោះ។ ករណីពិសេសគឺ ប្រសិនបើកន្លែងអង្គុយដែលនៅសល់នៅលើជើងហោះហើរជាក់លាក់មួយមិនរួមបញ្ចូលការប្រើធ្នើរខាងលើទេ។ ក្នុងករណីខ្លះ តាមជាក់ស្ដែង ការចុះឈ្មោះផ្ញើអីវ៉ាន់របស់អ្នកអាចនឹងមានតម្លៃទាបជាងការបង់ថ្លៃសេវាយកអីវ៉ាន់តាមខ្លួន។