Rezervo fluturime në Google

Kur kërkon për fluturime në Google, zakonisht ke mundësinë të rezervosh me një linjë ajrore ose agjenci udhëtimi online, duke hapur uebsajtin e tyre. Në disa raste, mund të "Rezervosh në Google", që të qëndrosh në Google dhe të përfundosh transaksionin tënd me linjën ajrore ose agjencinë e udhëtimit. Google vepron vetëm si një ndërmjetës për të kaluar në mënyrë të sigurt informacionin tënd te linja ajrore ose agjencia e udhëtimit dhe nuk është palë në transaksion.

Nëse je identifikuar në "Llogarinë tënde të Google", mund ta përfundosh rezervimin në mënyrë të shpejtë dhe të sigurt nëpërmjet informacioneve të pagesës dhe të kontaktit të ruajtura në llogarinë tënde.

Si të rezervosh fluturime në Google

E rëndësishme: Të gjitha rezervimet e kryera në mënyrë të drejtpërdrejtë me linjën ajrore ose agjencinë përkatëse të udhëtimit online. Google nuk shet bileta avioni dhe nuk do të jetë palë e transaksionit të rezervimit.

1. Kërko fluturime në Google.
2. Pasi zgjedh një fluturim, zgjidh opsionin Rezervo në Google, nëse ofrohet.
3. Fut detajet e pasagjerit, si p.sh. emrin, gjininë, numrin e telefonit, datën e lindjes dhe adresën e email-it.
4. Kliko Vazhdo.
   • Këshillë: Mund të marrësh një email nga Google pasi të përpunojmë porosinë tënde, megjithatë, rezervimi yt nuk konfirmohet derisa ti të marrësh konfirmimin nga linja ajrore ose agjencia e udhëtimit online.
5. Zgjidh një mënyrë të ruajtur të pagesës ose jep një të re, më pas kliko Vazhdo.
6. Nëse ofrohet, mund të gjesh opsionin për të Zgjedhur vendet. Që të zgjedhësh vendet përpara se të përfundosh rezervimin, kliko Shto vendet.
   • Këshillë: Mundesh gjithashtu t'i zgjedhësh vendet në faqen e internetit të linjës ajrore pas rezervimit.
7. Zgjidh vendet për secilin pasagjer, për secilën pjesë të fluturim dhe më pas kliko U krye.
8. Shqyrto detajet e tua personale dhe itinerarin e fluturimit për t'u siguruar se janë të saktë.
9. Kliko Rezervo.

10. Google ia kalon të dhënat e udhëtarit dhe të pagesës në formë të sigurt linjës ajrore ose agjencisë së udhëtimit online.

Pas rezervimit

• Pasi rezervimi të jetë përpunuar, do të marrësh një email konfirmimi nga linja ajrore ose agjencia e udhëtimit online.

• Si pala përgjegjëse për rezervimin tënd, linja ajrore ose agjencia përkatëse e udhëtimit online siguron mbështetje për klientin për rezervimin tënd, si për shembull ndryshime, anulime dhe trajtimin e çdo pretendimi ose ankese që ke në lidhje me fluturimin tënd.

Mënyrat e pagesës dhe të dhënat e transaksionit

Në shumicën e rasteve, karta jote do të tarifohet kur të konfirmohet rezervimi. Disa linja ajrore ose agjenci udhëtimi në internet mund të të vendosin një autorizim të përkohshëm në kartë kur përpunojnë kërkesën për rezervim.

Mënyrat e pranuara të pagesës

Mund të paguash me kartat e mbështetura të kreditit dhe të debitit që shfaqen gjatë procesit të rezervimit.

Kartat e regjistruara në sigurinë 3D

Gjatë rezervimit, mund të hasësh vështirësi me verifikimin e kartës.

Si shfaqen transaksionet në pasqyrën bankare

Pasqyra jote do të shfaqë një tarifë nga linja ajrore ose agjencia e udhëtimit në internet, jo nga Google.

Mosmarrëveshjet në lidhje me tarifat

Google nuk përpunon pagesa për fluturimet. Kontakto linjën ajrore ose agjencinë e udhëtimit në internet për të gjitha pyetjet. Për rezervimet e konfirmuara, mund të gjesh emrin e partnerit të rezervimit dhe informacionin e kontaktit në email-et e konfirmimit që ke marrë.

Merr informacion për rezervimin

Google të dërgon një email nëse rezervimi yt ka qenë i suksesshëm përveçse kur partneri i rezervimit ka kërkuar ndryshe. Ky nuk është email-i yt i konfirmimit. Linja ajrore ose partneri përgjegjës i rezervimit për rezervimin tënd të dërgon email-in tënd të konfirmimit. Kontakto linjën ajrore ose partnerin e rezervimit nëse nuk merr një konfirmim brenda 24 orëve.

Këshillë: Nëse nuk merr një email konfirmimi brenda 24 orëve, kontrollo dosjen e email-eve të bezdisshme ose të padëshiruara.

Ndrysho ose anulo rezervimin

Nëse dëshiron të ndryshosh apo anulosh rezervimin, kontakto drejtpërdrejt linjën ajrore ose agjencinë e udhëtimit online.

Nëse nuk ke marrë një email me kodin e konfirmimit

• Kontrollo dosjen e email-eve të bezdisshme ose të padëshiruara.
• Nëse e ke rezervuar fluturimin në Google dhe jo në faqen e internetit të linjës ajrore ose të agjencisë së udhëtimit, përdor këtë formular për të na kontaktuar për ndihmë.
• Nëse e ke rezervuar fluturimin në faqen e internetit të linjës ajrore ose të agjencisë së udhëtimit, kontakto drejtpërdrejt me ta për ndihmë.

Vendet, komoditetet dhe bagazhet

Si të parapaguash për bagazhet

Në disa raste, ke mundësinë të parapaguash çdo tarifë për bagazhet gjatë hapit të fundit të procesit të rezervimit. Zgjidh "Shto bagazhe" për ta bërë këtë.

Përndryshe, vizito faqen e internetit të linjës ajrore pasi të marrësh konfirmimin e rezervimit tënd. Nëpërmjet mbiemrit dhe kodit të konfirmimit, zgjidh tarifat e bagazheve që dëshiron të parapaguash.

Si të zgjedhësh vendet

Pasi të kesh marrë konfirmimin e rezervimit tënd, vizito faqen e internetit të linjës ajrore. Nëpërmjet mbiemrit dhe kodit të konfirmimit, zgjidh vendet e lira brenda klasit tënd tarifor.

Pyetje për komoditetet e linjës ajrore ose për kafshët shtëpiake

Kontakto drejtpërdrejt me linjën ajrore, pasi secila prej tyre mund të ketë rregulla të ndryshme në lidhje me komoditetet dhe kafshët shtëpiake.

Tarifat për bagazhet e kontrolluara dhe kufizimet për bagazhet e dorës

Linjat ajrore mund të kenë rregulla dhe tarifa të ndryshme për bagazhet e kontrolluara, si dhe kufizime për bagazhet e dorës ose përdorimin e koshave të tavanit. Kontakto drejtpërdrejt me linjën ajrore për pyetje të tilla ose kontrollo faqen e tyre të internetit.

Pyetje të tjera

Në fillim, provo të kontaktosh drejtpërdrejt linjën ajrore ose agjencinë e udhëtimit për ndihmë. Nëse e ke kontaktuar tashmë linjën ajrore ose agjencinë e udhëtimit, por ke ende nevojë për ndihmë, kontakto me ne.

Kushtet e përgjithshme që vlejnë për rezervimin tënd

Përdorimi i "Rezervo në Google” është subjekt i Politikës së privatësisë së Google dhe Kushteve të shërbimit të rezervimit përmes kërkimit të fluturimeve në Google.

Rezervimet janë subjekt i kushteve të përgjithshme të rezervimit përmes linjës ajrore ose agjencisë përkatëse të udhëtimit në internet.