នៅពេលអ្នកស្វែងរកជើងហោះហើរនៅលើ Google ជាធម្មតាអ្នកមានជម្រើសក្នុងការកក់តាមក្រុមហ៊ុនអាកាសចរណ៍ ឬភ្នាក់ងារទេសចរណ៍អនឡាញនៅលើគេហទំព័ររបស់ពួកគេ។ ក្នុងករណីមួយចំនួន អ្នកអាច “កក់នៅលើ Google” ដើម្បីបន្តស្ថិតនៅលើ Google និងបញ្ចប់ប្រតិបត្តិការរបស់អ្នកតាមក្រុមហ៊ុនអាកាសចរណ៍ ឬភ្នាក់ងារទេសចរណ៍។Google ដើរតួជាអន្តរការីតែប៉ុណ្ណោះ ដើម្បីបញ្ជូនព័ត៌មានរបស់អ្នកដោយសុវត្ថិភាពទៅក្រុមហ៊ុនអាកាសចរណ៍ ឬភ្នាក់ងារទេសចរណ៍ និងមិនមែនជាភាគីនៃប្រតិបត្តិការនោះទេ។
ប្រសិនបើអ្នកចូលគណនី Google របស់អ្នក អ្នកអាចបញ្ចប់ការកក់បានយ៉ាងឆាប់រហ័ស និងមានសុវត្ថិភាព ដោយប្រើព័ត៌មានអំពីការបង់ប្រាក់ និងទំនាក់ទំនង ដែលបានរក្សាទុកនៅក្នុងគណនីរបស់អ្នក។
របៀបកក់ជើងហោះហើរនៅលើ Google
សំខាន់៖ ការកក់ទាំងអស់ត្រូវបានធ្វើឡើងដោយផ្ទាល់ជាមួយក្រុមហ៊ុនអាកាសចរណ៍ដែលពាក់ព័ន្ធ ឬភ្នាក់ងារទេសចរណ៍អនឡាញ។ Google មិនលក់សំបុត្រយន្តហោះទេ ហើយនឹងមិនមែនជាភាគីនៃប្រតិបត្តិការកក់របស់អ្នកទេ។
- ស្វែងរកជើងហោះហើរនៅលើ Google។
- បន្ទាប់ពីអ្នកជ្រើសរើសជើងហោះហើរ សូមជ្រើសរើសជម្រើសកក់នៅលើ Google ប្រសិនបើមាន។
- បញ្ចូលព័ត៌មានលម្អិតរបស់អ្នកដំណើរ ដូចជាឈ្មោះ ភេទ លេខទូរសព្ទ ថ្ងៃខែឆ្នាំកំណើត និងអាសយដ្ឋានអ៊ីមែល។
- ចុចបន្ត។
- គន្លឹះ៖ អ្នកអាចទទួលបានអ៊ីមែលពី Google បន្ទាប់ពីយើងដំណើរការការបញ្ជាទិញរបស់អ្នក ប៉ុន្តែការកក់របស់អ្នកមិនត្រូវបានបញ្ជាក់ទេ រហូតទាល់តែអ្នកទទួលបានការបញ្ជាក់ពីក្រុមហ៊ុនអាកាសចរណ៍ ឬភ្នាក់ងារទេសចរណ៍អនឡាញ។
- ជ្រើសរើសវិធីបង់ប្រាក់ដែលបានរក្សាទុក ឬបញ្ចូលវិធីបង់ប្រាក់ថ្មីមួយ បន្ទាប់មកចុចបន្ត។
- ប្រសិនបើមាន អ្នកអាចឃើញជម្រើសក្នុងការជ្រើសរើសកៅអី។ ដើម្បីជ្រើសរើសកៅអីរបស់អ្នកមុនពេលដែលអ្នកបញ្ចប់ការកក់ សូមចុចបញ្ចូលកៅអី។
- គន្លឹះ៖ អ្នកក៏អាចជ្រើសរើសកៅអីនៅលើគេហទំព័ររបស់ក្រុមហ៊ុនអាកាសចរណ៍ បន្ទាប់ពីការកក់បានផងដែរ។
- ជ្រើសរើសកៅអីសម្រាប់អ្នកដំណើរម្នាក់ៗ សម្រាប់ដំណាក់កាលនីមួយៗនៃជើងហោះហើរ បន្ទាប់មកចុចរួចរាល់។
- ពិនិត្យមើលព័ត៌មានលម្អិតផ្ទាល់ខ្លួន និងគម្រោងធ្វើដំណើរតាមជើងហោះហើររបស់អ្នក ដើម្បីប្រាកដថាវាត្រឹមត្រូវ។
- ចុចកក់។
-
Google នឹងបញ្ចូនព័ត៌មានលម្អិតអំពីអ្នកដំណើរ និងការទូទាត់ប្រាក់របស់អ្នកទៅកាន់ក្រុមហ៊ុនអាកាសចរណ៍ ឬភ្នាក់ងារទេសចរណ៍អនឡាញយ៉ាងមានសុវត្ថិភាព។
បន្ទាប់ពីអ្នកកក់រួច
- បន្ទាប់ពីការកក់របស់អ្នកត្រូវបានដំណើរការរួច អ្នកនឹងទទួលបានអ៊ីមែលបញ្ជាក់ពីក្រុមហ៊ុនអាកាសចរណ៍ ឬភ្នាក់ងារទេសចរណ៍អនឡាញ។
-
ក្នុងនាមជាភាគីដែលទទួលខុសត្រូវចំពោះការកក់របស់អ្នក ភ្នាក់ងារទេសចរណ៍អនឡាញ ឬក្រុមហ៊ុនអាកាសចរណ៍ដែលពាក់ព័ន្ធផ្ដល់សេវាជំនួយអតិថិជនសម្រាប់ការកក់របស់អ្នក ដូចជាការផ្លាស់ប្ដូរ ការបោះបង់ និងការដោះស្រាយរាល់ការទាមទារ ឬបណ្ដឹងដែលអ្នកមានទាក់ទងនឹងជើងហោះហើររបស់អ្នក។
វិធីបង់ប្រាក់ និងព័ត៌មានលម្អិតអំពីប្រតិបត្តិការ
ក្នុងករណីភាគច្រើន កាតរបស់អ្នកនឹងត្រូវបានគិតថ្លៃ នៅពេលដែលការកក់របស់អ្នកត្រូវបានបញ្ជាក់។ ក្រុមហ៊ុនអាកាសចរណ៍ ឬភ្នាក់ងារទេសចរណ៍លើអ៊ីនធឺណិតមួយចំនួនអាចដាក់ការគិតថ្លៃបណ្តោះអាសន្ននៅលើកាតរបស់អ្នក នៅពេលពួកគេដំណើរការសំណើសុំកក់របស់អ្នក។
ទទួលបានព័ត៌មានអំពីការកក់របស់អ្នក
Google ផ្ញើអ៊ីមែលទៅអ្នក ប្រសិនបើការកក់របស់អ្នកទទួលបានជោគជ័យ លុះត្រាតែដៃគូផ្ដល់សេវាកម្មកក់បានស្នើសុំផ្សេងពីនេះ។ នេះមិនមែនជាអ៊ីមែលបញ្ជាក់របស់អ្នកទេ។ ក្រុមហ៊ុនអាកាសចរណ៍ ឬដៃគូផ្ដល់សេវាកម្មកក់ ដែលទទួលខុសត្រូវចំពោះការកក់របស់អ្នកផ្ញើអ៊ីមែលបញ្ជាក់របស់អ្នក។ ទាក់ទងក្រុមហ៊ុនអាកាសចរណ៍ ឬដៃគូផ្ដល់សេវាកម្មកក់ ប្រសិនបើអ្នកមិនទទួលបានការបញ្ជាក់ក្នុងរយៈពេល 24 ម៉ោង។គន្លឹះ៖ ប្រសិនបើអ្នកមិនទទួលបានអ៊ីមែលបញ្ជាក់ក្នុងរយៈពេល 24 ម៉ោងទេ សូមពិនិត្យមើលថតសារឥតបានការ ឬសារឥតប្រយោជន៍របស់អ្នក។
- សូមពិនិត្យមើលថតសារឥតបានការ ឬសារឥតប្រយោជន៍របស់អ្នក។
- ប្រសិនបើអ្នកបានកក់ជើងហោះហើរនៅលើ Google ជំនួសឲ្យការកក់នៅលើគេហទំព័ររបស់ក្រុមហ៊ុនអាកាសចរណ៍ ឬភ្នាក់ងារទេសចរណ៍ សូមប្រើប្រាស់ទម្រង់បែបបទនេះ ដើម្បីទាក់ទងយើងខ្ញុំសម្រាប់ជំនួយ។
- ប្រសិនបើអ្នកបានកក់ជើងហោះហើរនៅលើគេហទំព័ររបស់ក្រុមហ៊ុនអាកាសចរណ៍ ឬភ្នាក់ងារទេសចរណ៍អនឡាញ សូមទាក់ទងពួកគេដោយផ្ទាល់សម្រាប់ជំនួយ។
កៅអី បរិក្ខារ និងអីវ៉ាន់
បើមិនដូច្នោះទេ សូមចូលមើលគេហទំព័ររបស់ក្រុមហ៊ុនអាកាសចរណ៍ បន្ទាប់ពីអ្នកទទួលបានការបញ្ជាក់ពីការកក់របស់អ្នក។ ជ្រើសរើសថ្លៃសេវាអីវ៉ាន់ដែលអ្នកចង់ទូទាត់ជាមុន ដោយប្រើនាមត្រកូល និងលេខកូដបញ្ជាក់របស់អ្នក។
សំណួរផ្សេងទៀត
ជាដំបូង សូមទាក់ទងក្រុមហ៊ុនអាកាសចរណ៍ ឬភ្នាក់ងារទេសចរណ៍ដោយផ្ទាល់សម្រាប់ជំនួយ។ ប្រសិនបើអ្នកបានទាក់ទងក្រុមហ៊ុនអាកាសចរណ៍ ឬភ្នាក់ងារទេសចរណ៍រួច ហើយនៅតែត្រូវការជំនួយទៀត សូមទាក់ទងមកយើងខ្ញុំ។
លក្ខខណ្ឌអនុវត្តចំពោះការកក់របស់អ្នក
ការប្រើប្រាស់ "ការកក់នៅលើ Google" របស់អ្នកត្រូវគោរពតាមគោលការណ៍ឯកជនភាពរបស់ Google និងលក្ខខណ្ឌប្រើប្រាស់នៃការកក់តាមរយៈការស្វែងរកតាម Google ជើងហោះហើរ។
ការកក់ទុកត្រូវគោរពតាមលក្ខខណ្ឌនៃការកក់របស់ក្រុមហ៊ុនអាកាសចរណ៍ ឬភ្នាក់ងារទេសចរណ៍អនឡាញដែលពាក់ព័ន្ធ។