Vind vliegtuigkaartjies op Google Flights

Wanneer jy Google Flights gebruik om vliegtuigkaartjies te vind, kan jy die beste reistariewe kry vir waarheen en wanneer jy wil reis. Gebruik Google Flights om:

Retoer-, eenrigting- en multistadkaartjies te soek en te bespreek.
’n Interaktiewe kalender en prysgrafiek te gebruik om die beste reistariewe te kry.
Jou vlugsoektog volgens kajuitklas, lugrederye en aantal stoppe te filtreer.

Google Flights maak dit vir jou moontlik om vlugte by meer as 300 lugredery- en aanlyn reisagentskapvennote te bespreek. Hierdie vennootskappe beïnvloed nie die gradering van die aanbiedinge wat aan jou voorgestel word nie.

Vind jou vlugte

Gaan na Google Flights.
Voer jou vertrekstad of -lughawe en bestemming in.
- Wenk: Jy kan ook bestemmings kry deur ’n lys gewilde bestemmings of ’n wêreldkaart te klik.
Kies aan die bokant jou kaartjietipe: eenrigting, retoer of multistad.
Kies aan die bokant die aantal passasiers en kajuitklas.
Klik die kalender om jou vlugdatums te kies. Jy sal die laagste totale vlugprys vir elke dag kry.
- Wenk: Vlugpryse word ongeveer elke 24 uur opgedateer.
Opsioneel:
- Klik Stoppe, Lugrederye, Tye of Meer om jou resultate te filtreer.
- Klik “Rangskik volgens” om vlugte te herrangskik. Jy kan resultate kry volgens Beste vlugte (’n verstekvolgorde wat jou die beste balans tussen prys en gerief gee, gegrond op faktore soos tydsduur, aantal stoppe en wisselings tussen lughawens tydens tussenstoppe), Prys, Tydsduur en Vertrektyd.
Kies ’n vlug vir elke deel van jou reis.
Kies hoe jy die vlug gaan bespreek:
- Wanneer jy op Kies klik vir jou kaartjie(s), sal jy gewoonlik na die lugredery se webwerf of aanlyn reisagentskap geneem word om die transaksie te voltooi.
- In sommige gevalle kan jy afsonderlike kaartjies vir een reis bespreek.
Wanneer jy ’n vlug bespreek het, moet jy die lugredery of aanlyn reisagentskap kontak om jou bespreking te bevestig, te verander, te kanselleer, of om enige kwessie op te los wat kan ontstaan.

Raadpleeg die lugredery of aanlyn reisagentskap se bepalings en voorwaardes op hul werf vir verdere inligting.

Wenk: As jou vlug nie aanlyn bespreek kan word nie, sal jy instruksies kry om oor die foon te bespreek.

Vluginsigte

Nadat jy vir jou kaartjies gesoek het, gee “Vluginsigte” jou opsies om jou reiservaring te optimeer.

Wenke: Kry aanbevelings vir wanneer om jou kaartjie te bespreek, kajuitopgraderings, reisgidse en meer.

Datums: Verken watter reisdatums die beste reistariewe het.

Lughawens: Wys reistariewe vir alternatiewe lughawens.

Prysgrafiek: As jou reisdatums buigsaam is, kan jy neigings onder reistariewe volgens maand of week verken.

Bespreking van afsonderlike kaartjies vir een reis

Vlugte kan as afsonderlike kaartjies by een of meer vennote gekoop word. Hierdie opsie kan moontlik verskyn wanneer dit vir jou geld kan spaar of meer vlugskedules beskikbaar kan stel.

Instruksies om kaartjies afsonderlik te koop

As jy ’n kennisgewing kry dat albei kaartjies in ’n enkele transaksie by ’n aanlyn reisagentskap gekoop kan word, kan jy die skakel klik om hul webwerf te besoek.

Besoek die eerste lugredery of aanlyn reisagentskap se webwerf.
Maak seker van die prys, en koop jou eerste kaartjie.
Om seker te maak dat jou tweede kaartjie nog beskikbaar is, moet jy onmiddellik daarna die volgende lugredery of reisagentskap se webwerf besoek en die tweede kaartjie koop. As jou tweede kaartjie nie gekoop kan word nie, kan jy in die meeste gevalle in die Verenigde State die lugredery bel om 24-uurterugbetalingsbeleide te benut om ’n terugbetaling vir die eerste kaartjie te kry.

Wenke:

As jy veranderinge moet maak, sal ’n veranderingfooi dalk vir elke kaartjie van jou gehef word.
Elke lugredery het verskillende bagasiereëls en -fooie.
As jy afsonderlike kaartjies by verskillende lugrederye koop, sal jy dalk jou bagasie moet afhaal en weer inboek, wat ekstra tyd in beslag kan neem. Beplan dus dienooreenkomstig.
As jou uitgaande reis vertraag word – byvoorbeeld, in die geval van 'n tussenstop of multistadreis – kan jy moontlik jou tweede reis mis. Kontak die lugredery om meer oor jou opsies te wete te kom.

Waarom sekere vlugte nie ingesluit is nie

Google Flights gebruik meer as 300 vennote, soos lugrederye, aanlyn reisagentskappe en samestellers, om hul aanbiedinge te vertoon. Aangesien 'n vennootskap met Google vereis word, word nie alle lugrederye of beskikbare vlugte ingesluit nie. Die meeste van hierdie vennote verskaf al die pryse en vlugopsies wat hulle op hul eie webwerwe of deur derdepartywerwe sal vertoon aan Google. Dit verseker dat jy 'n volledige prentjie van die vlugte en pryse kry wat by jou soektog pas, sonder om pryse op verskeie werwe hoef na te gaan.

Sommige vlugte sal dalk nie gewys word nie wanneer:

Die vlugte uitverkoop is of nie beskikbaar is nie.
Die diensverskaffer nog nie by Google Flights gevoeg is nie.

Meer oor bagasiefooie, pryse en meer

Die prys wat gewys word, is net vir die passasierlugvervoerdiens self, en sluit BTW/GDB en lughawebelasting in. Bykomende fooie (bagasie, kredietkaart, ens.) kan moontlik van toepassing wees. Die fooie kan wissel na gelang van watter opsie vir die lugredery of aanlyn reisagentskap gekies is. Enige beraamde bagasiefooie wat gewys word, kan onderhewig wees aan addisionele regeringsbelasting.

As jy 'n prysverskil opmerk nadat jy jou vlug gekies het, moet jy die terugvoerknoppie in die hoek links onder van die skerm gebruik wanneer jy op Google Flights soek.

Die diensverskaffer sal dalk spesifieke of bykomende versekering en/of kommersiële garansies aanbied. Besoek asseblief die diensverskaffer se webwerf vir verdere inligting.