Unawain, hanapin, at i-edit ang mga lokasyon ng iyong mga larawan

Puwede mong gamitin ang mga lokasyon ng iyong mga larawan para maisaayos, mahanap, at ma-explore ang mga larawan mo batay sa kung saan nakuha ang mga ito.

Posibleng may lokasyon ang iyong larawan kung:

• Nagse-save ng lokasyon ang camera ng iyong device kasama ng larawan.
• Nagdagdag ka ng lokasyon.
• Tinatantya ng Google Photos ang iyong lokasyon mula sa impormasyon gaya ng mga landmark na natukoy sa larawan mo at mga lokasyon sa iyong iba pang larawan.

Pamahalaan ang lokasyon ng iyong mga larawan

Para pamahalaan ang impormasyon ng lokasyon ng iyong larawan o video, puwede kang magdagdag ng lokasyon sa isang larawang walang lokasyon o mag-edit o mag-alis ng tinatayang lokasyong idinagdag ng Photos.

Magdagdag ng lokasyon

1. Sa iyong computer, pumunta sa photos.google.com.
2. Buksan ang larawan o video.
3. I-click ang Impormasyon Magdagdag ng lokasyon.
   • Magdagdag o pumili ng lokasyon mula sa iyong mga kamakailang lokasyon.

Mag-edit o mag-alis ng tinatayang lokasyon

Mahalaga: Puwede ka lang mag-update o mag-alis ng mga tinatayang lokasyon. Kung awtomatikong idinagdag ng iyong camera ang lokasyon ng larawan o video, hindi mo puwedeng i-edit o alisin ang lokasyon.

1. Sa iyong computer, pumunta sa photos.google.com.
2. Buksan ang larawan o video.
3. I-click ang Impormasyon .
4. Sa tabi ng lokasyon, i-click ang Higit pa I-edit .
   • Magdagdag o pumili ng lokasyon mula sa iyong mga kamakailang lokasyon.
   • Para alisin ang tinatayang lokasyon, i-click ang Alisin ang lokasyon.

Puwede mo ring i-edit ang lokasyon ng maraming larawan:

1. Sa iyong computer, pumunta sa photos.google.com.
2. Piliin ang mga larawang gusto mo.
3. I-click ang Higit pa I-edit ang lokasyon.
   • Idagdag o piliin ang lokasyon.
   • Para alisin ang lokasyon, i-click ang Alisin ang lokasyon.

Tip: Kapag pumili ka ng maraming larawan o video, posibleng ipaalam sa iyo na hindi puwedeng i-edit ng Google Photos ang impormasyon ng lokasyon na idinagdag ng camera mo. Para magpatuloy, i-deselect ang mga larawan o video na iyon.

Tayahin ang mga nawawalang lokasyon

Mahalaga: Kung io-off mo ang mga pagtataya ng lokasyon, hindi aalisin ang mga dating natayang lokasyon, pero puwede mong i-edit o i-delete ang mga ito.

1. Sa iyong computer, pumunta sa photos.google.com.
2. Sa itaas, i-click ang Mga Setting Lokasyon.
3. I-on o i-off ang Tantyahin ang mga nawawalang lokasyon.

Magbahagi ng larawang may lokasyon

Kung magbabahagi ka ng larawan sa Google Photos, puwedeng maibahagi ang lokasyon ng iyong larawan kung idinagdag mo ito, binago mo ito, o kung ibinigay ito ng iyong camera.

Makokontrol mo kung ibabahagi ang iyong lokasyon sa bawat nakabahaging album, link, o pag-uusap na gagawin o sasalihan mo. Kung ise-set up mo ang pagbabahagi sa partner, ilalagay sa lahat ng larawang ibabahagi mo ang mga detalye ng lokasyon. 

Mangyayari ang mga sumusunod na sitwasyon kung pipiliin mong ibahagi ang lokasyon ng iyong mga larawan: 

• Kung nagdagdag ka ng lokasyon o nag-edit ka ng tinatayang lokasyon ng isang larawan, at pagkatapos ay ibinahagi mo ito sa isang tao sa Google Photos, ibabahagi mo rin ang lokasyon.
• Kung magdaragdag ang iyong camera ng lokasyon at ibabahagi mo ang larawang iyon sa Google Photos, ipapakita ng larawan ang lokasyong ibinigay ng camera.
• Kung magbabahagi ka ng larawang may lokasyong tinantya ng Google Photos, hindi ibabahagi ang lokasyon.

Hindi nito naaapektuhan ang mga larawan o video na ibabahagi mo sa labas ng Google Photos, tulad ng kapag na-download at na-email mo ang mga ito sa isang tao. Sa ganitong sitwasyon, ipapakita ang orihinal na lokasyong na-save ng iyong device nang wala ang anumang pag-edit na ginawa mo sa Google Photos.

Kahit na itago mo sa mga tao ang mga lokasyon ng iyong mga larawan, puwede nilang hulaan ang lokasyon batay sa mga palatandaan sa larawan mo.

Ibahagi ang mga detalye ng iyong lokasyon sa mga nakabahaging album

Kapag nagdagdag ka ng mga larawan sa mga nakabahaging album, makokontrol mo kung ibabahagi ang mga detalye ng lokasyon ng iyong mga larawan sa bawat album.

1. Sa iyong computer, pumunta sa photos.google.com.
2. I-click ang Pagbabahagi .
3. Piliin ang nakabahaging album.
4. Sa itaas, i-click ang Higit pa Mga Opsyon.
5. I-on o i-off ang Ibahagi ang lokasyon ng larawan.

Makokontrol mo rin kung ibabahagi ang mga detalye ng lokasyon ng iyong mga larawan kapag gumawa ka ng bagong nakabahaging album.

1. Sa iyong computer, pumunta sa photos.google.com.
2. I-click ang Pagbabahagi Gumawa ng nakabahaging album.
3. Magdagdag ng pamagat at mga larawan sa bagong nakabahaging album.
4. Sa itaas, i-click ang Ibahagi Mga opsyon sa album.
5. I-on o i-off ang Ibahagi ang lokasyon ng larawan.

Tip: Lalabas din ang opsyong ito sa unang beses na magbahagi ka ng pribadong album.

Ibahagi ang mga detalye ng iyong lokasyon sa mga pag-uusap

Kapag nagdagdag ka ng mga larawan sa bagong pag-uusap na gagawin mo, hindi ilalagay rito ang mga detalye ng lokasyon. Naka-off ang pagbabahagi ng lokasyon bilang default. 

Kung nagsimula ka ng pag-uusap bago ang Agosto 18, 2021, ipapakita ng anumang larawang idaragdag o naidagdag mo dati sa pag-uusap na iyon ang mga lokasyon ng mga ito maliban kung na-off mo dati ang pagbabahagi ng lokasyon para sa pag-uusap na iyon. 

Para magbahagi ng mga detalye ng lokasyon para sa mga idaragdag o naidagdag mong larawan sa isang partikular na pag-uusap: 

1. Sa iyong computer, pumunta sa photos.google.com.
2. I-click ang Menu   Pagbabahagi  .
3. I-click ang pag-uusap. 
4. Sa pag-uusap, i-click ang larawan o inisyal sa profile ng iyong account.
5. I-on ang Ibahagi ang lokasyon ng mga larawan.

Ibahagi ang mga detalye ng iyong lokasyon sa pagbabahagi sa partner 

Mahalaga: Kung ise-set up mo ang pagbabahagi sa partner, nasa lahat ng larawang ibabahagi mo ang mga detalye ng lokasyon. Kung na-set up mo ang pagbabahagi sa partner bago ang Agosto 18, 2021, ibabahagi ang impormasyon ng lokasyon ng iyong mga larawan maliban kung na-disable mo ito dati.

Para tingnan kung nagbabahagi ka ng mga detalye ng lokasyon sa pagbabahagi sa partner:

1. Sa iyong computer, pumunta sa photos.google.com.
2. I-click ang Menu   Pagbabahagi  .
3. I-click ang pangalan ng iyong partner. 
4. Sa itaas, i-click ang Higit pa   Mga Setting.
5. Sa “Maa-access ng iyong partner,” matitingnan mo kung nagbabahagi ka ng mga detalye ng lokasyon.

Tip: Kung hindi ka nagbabahagi ng mga detalye ng lokasyon, pero gusto mo itong gawin, alisin ang iyong partner at imbitahan siya ulit.