Unawain, hanapin, at i-edit ang mga lokasyon ng iyong mga larawan

Puwede mong gamitin ang mga lokasyon ng iyong mga larawan para maisaayos, mahanap, at ma-explore ang mga larawan mo batay sa kung saan nakuha ang mga ito.

Posibleng may lokasyon ang iyong larawan kung:

• Nagse-save ng lokasyon ang camera ng iyong device kasama ng larawan.
• Nagdagdag ka ng lokasyon.
• Tinatantya ng Google Photos ang iyong lokasyon mula sa impormasyon gaya ng mga landmark na natukoy sa larawan mo at mga lokasyon sa iyong iba pang larawan.

Pamahalaan ang lokasyon ng iyong mga larawan

Para pamahalaan ang impormasyon ng lokasyon ng iyong larawan o video, puwede kang magdagdag ng lokasyon sa isang larawang walang lokasyon o mag-edit o mag-alis ng tinatayang lokasyong idinagdag ng Photos.

Magdagdag ng lokasyon

Mahalaga: Para makapagdagdag ng lokasyon sa larawan o video, dapat mo muna itong i-back up.

1. Sa iyong iPhone o iPad, buksan ang Google Photos .
2. Buksan ang larawan o video.
3. I-tap ang Higit pa Magdagdag ng lokasyon .
   • Magdagdag o pumili ng lokasyon mula sa iyong mga kamakailang lokasyon.

Mag-edit o mag-alis ng tinatayang lokasyon sa larawan

Mahalaga: Puwede ka lang mag-update o mag-alis ng mga tinatayang lokasyon. Kung awtomatikong idinagdag ng iyong camera ang lokasyon ng larawan o video, hindi mo puwedeng i-edit o alisin ang lokasyon.

1. Sa iyong iPhone o iPad, buksan ang Google Photos .
2. Buksan ang larawan o video.
3. I-tap ang Higit pa   I-edit .
   • Magdagdag o pumili ng lokasyon mula sa iyong mga kamakailang lokasyon.
   • Para alisin ang tinatayang lokasyon, i-tap ang Alisin ang lokasyon.

Puwede mo ring i-edit ang lokasyon ng maraming larawan:

1. Sa iyong iPhone o iPad, buksan ang Google Photos .
2. Piliin ang mga larawan na may lokasyong gusto mong i-edit.
3. I-tap ang Higit pa I-edit ang lokasyon.
   • Idagdag o piliin ang lokasyon.
   • Para alisin ang lokasyon, i-click ang Alisin ang lokasyon.

Tip: Kapag pumili ka ng maraming larawan o video, posibleng ipaalam sa iyo na hindi puwedeng i-edit ng Google Photos ang impormasyon ng lokasyon na idinagdag ng camera mo. Para magpatuloy, i-deselect ang mga larawan o video na iyon.

Tayahin ang mga nawawalang lokasyon

Mahalaga: Kung io-off mo ang mga pagtataya ng lokasyon, hindi aalisin ang mga dating natayang lokasyon, pero puwede mong i-edit o i-delete ang mga ito.

1. Sa iyong iPhone o iPad, buksan ang Google Photos .
2. Sa itaas, i-tap ang larawan o inisyal sa profile ng iyong account Mga setting ng Google Photos .
3. I-tap ang Privacy Mga opsyon sa lokasyon.
4. I-on o i-off ang Tantyahin ang mga nawawalang lokasyon.

Hanapin ang mga dating tinatayang lokasyon

Kapag na-off mo ang tinatayang lokasyon, hindi tatayahin ng Photos ang mga lokasyon para sa mga bagong larawan. Puwede mong pamahalaan ang mga tinatayang lokasyon at gamitin ang mga dating natayang lokasyon para sa mga bago mong larawan.

1. Sa iyong iPhone o iPad, buksan ang Google Photos .
2. Sa itaas, i-tap ang larawan o inisyal sa profile ng iyong account Mga setting ng Google Photos .
3. I-tap ang Privacy Mga opsyon sa lokasyon Tingnan at pamahalaan ang mga tinatayang lokasyon.

Magbahagi ng larawang may lokasyon

Kung magbabahagi ka ng larawan sa Google Photos, puwedeng maibahagi ang lokasyon ng iyong larawan kung idinagdag mo ito, binago mo ito, o kung ibinigay ito ng iyong camera.

Makokontrol mo kung ibabahagi ang iyong lokasyon sa bawat nakabahaging album, link, o pag-uusap na gagawin o sasalihan mo. Kung ise-set up mo ang pagbabahagi sa partner, ilalagay sa lahat ng larawang ibabahagi mo ang mga detalye ng lokasyon. 

Mangyayari ang mga sumusunod na sitwasyon kung pipiliin mong ibahagi ang lokasyon ng iyong mga larawan: 

• Kung nagdagdag ka ng lokasyon o nag-edit ka ng tinatayang lokasyon ng isang larawan, at pagkatapos ay ibinahagi mo ito sa isang tao sa Google Photos, ibabahagi mo rin ang lokasyon.
• Kung magdaragdag ang iyong camera ng lokasyon at ibabahagi mo ang larawang iyon sa Google Photos, ipapakita ng larawan ang lokasyong ibinigay ng camera.
• Kung magbabahagi ka ng larawang may lokasyong tinantya ng Google Photos, hindi ibabahagi ang lokasyon.

Hindi nito naaapektuhan ang mga larawan o video na ibabahagi mo sa labas ng Google Photos, tulad ng kapag na-download at na-email mo ang mga ito sa isang tao. Sa ganitong sitwasyon, ipapakita ang orihinal na lokasyong na-save ng iyong device nang wala ang anumang pag-edit na ginawa mo sa Google Photos.

Kahit na itago mo sa mga tao ang mga lokasyon ng iyong mga larawan, puwede nilang hulaan ang lokasyon batay sa mga palatandaan sa larawan mo.

Ibahagi ang mga detalye ng iyong lokasyon sa mga nakabahaging album

Kapag nagdagdag ka ng mga larawan sa mga nakabahaging album, makokontrol mo kung ibabahagi ang mga detalye ng lokasyon ng iyong mga larawan sa bawat album.

1. Sa iyong iPhone o iPad, buksan ang Google Photos app .
2. I-tap ang Pagbabahagi .
3. Piliin ang nakabahaging album.
4. Sa itaas, i-tap ang Higit pa Mga Opsyon.
5. I-on o i-off ang Ibahagi ang lokasyon ng larawan.

Makokontrol mo rin kung ibabahagi ang mga detalye ng lokasyon ng iyong larawan kapag gumawa ka ng bagong nakabahaging album.

1. Sa iyong iPhone o iPad, buksan ang Google Photos app .
2. I-tap ang Pagbabahagi Gumawa ng nakabahaging album.
3. Magdagdag ng pamagat at mga larawan sa bagong nakabahaging album.
4. Sa itaas, i-tap ang Ibahagi Mga opsyon sa album.
5. I-on o i-off ang Ibahagi ang lokasyon ng larawan.

Tip: Lalabas din ang opsyong ito sa unang beses na magbahagi ka ng pribadong album.

Ibahagi ang mga detalye ng iyong lokasyon sa mga pag-uusap

Kapag nagdagdag ka ng mga larawan sa bagong pag-uusap na gagawin mo, hindi ilalagay rito ang mga detalye ng lokasyon. Naka-off ang pagbabahagi ng lokasyon bilang default. 

Kung nagsimula ka ng pag-uusap bago ang Agosto 18, 2021, ipapakita ng anumang larawang idaragdag o naidagdag mo dati sa pag-uusap na iyon ang mga lokasyon ng mga ito maliban kung na-off mo dati ang pagbabahagi ng lokasyon para sa pag-uusap na iyon. 

Para magbahagi ng mga detalye ng lokasyon para sa mga idaragdag o naidagdag mong larawan sa isang partikular na pag-uusap:

1. Sa iyong iPhone o iPad, buksan ang Google Photos .
2. Sa itaas, i-tap ang Pagbabahagi .
   • Mahalaga: Para sa ilang user, makikita ang Pagbabahagi sa ibaba.
3. I-tap ang pag-uusap. 
4. Sa pag-uusap, i-tap ang larawan o inisyal sa profile ng iyong account.
5. I-on ang Ibahagi ang lokasyon ng larawan.

Ibahagi ang mga detalye ng iyong lokasyon sa pagbabahagi sa partner 

Mahalaga: Kung ise-set up mo ang pagbabahagi sa partner, nasa lahat ng larawang ibabahagi mo ang mga detalye ng lokasyon. Kung na-set up mo ang pagbabahagi sa partner bago ang Agosto 18, 2021, ibabahagi ang impormasyon ng lokasyon ng iyong mga larawan maliban kung na-disable mo ito dati.

Para tingnan kung nagbabahagi ka ng mga detalye ng lokasyon sa pagbabahagi sa partner:

1. Sa iyong iPhone o iPad, buksan ang Google Photos .
2. Sa itaas, i-tap ang Pagbabahagi .
   • Mahalaga: Para sa ilang user, makikita ang Pagbabahagi sa ibaba.
3. Mag-tap sa pangalan ng iyong partner.
4. Sa itaas, i-tap ang higit pa Mga Setting.
5. Sa “Maa-access ng iyong partner,” matitingnan mo kung nagbabahagi ka ng mga detalye ng lokasyon.

Tip: Kung hindi ka nagbabahagi ng mga detalye ng lokasyon, pero gusto mo itong gawin, alisin ang iyong partner at imbitahan siya ulit. 

Hanapin ang iyong mga larawan sa mapa

Mahahanap mo ang lokasyon ng iyong mga larawan sa isang interactive na mapa.

Hanapin ang map view

• Sa ibaba, i-tap ang Maghanap .
• I-tap ang mapa sa seksyon ng impormasyon ng larawan.
• I-tap ang mga pangalan ng lugar sa mga header ng petsa ng pangunahing grid ng larawan.

Gamitin ang map view

Naglalaman ang grid ng mga larawan sa iyong library na nasa nakikitang bahagi ng mapa, kasama na ang mga ibinahaging larawang na-save mo.

• Para palitan ang lugar ng focus: I-pinch at i-zoom ang mapa. 
• Para mahanap ang mga larawang kinuha mo sa nakikitang bahagi ng mapa: Mag-scroll sa grid o i-tap ang heatmap.

Para tingnan kung nagbabahagi ka ng mga detalye ng lokasyon sa pagbabahagi sa partner:

1. Sa iyong iPhone o iPad, buksan ang Google Photos .
2. Sa itaas, i-tap ang Pagbabahagi .
   • Mahalaga: Para sa ilang user, makikita ang Pagbabahagi sa ibaba.
3. Mag-tap sa pangalan ng iyong partner.
4. Sa itaas, i-tap ang higit pa Mga Setting.
5. Sa “Maa-access ng iyong partner,” matitingnan mo kung nagbabahagi ka ng mga detalye ng lokasyon.

Tingnan ang iyong Timeline

Magagamit mo ang Timeline sa iyong mapa para tingnan ang history mo ng larawan. Kapag nag-scroll ka sa mga larawan sa grid, mag-a-update ang path para ipakita ang iyong Timeline para sa naka-focus na araw.

Available lang ang feature na ito kung mayroon kang data ng History ng Lokasyon. Alamin kung paano i-on o i-off ang History ng Lokasyon.

Para i-on o i-off ang Timeline:

1. Sa map view, i-tap ang Higit pa .
2. I-on o i-off ang Ipakita ang iyong personal na Timeline.

Mga Tip:

• Puwede mong piliin ang Default, Satellite, o Terrain para sa iyong map view.
• Para makita ang buong path ng Timeline para sa isang partikular na araw, i-tap ang Mag-zoom out .
• Kapag tinago mo ang Timeline sa iyong map view, hindi aalisin ng Photos ang data ng History ng Lokasyon mo. Alamin kung paano i-delete ang iyong History ng Lokasyon.

Kontrolin ang paglalagay ng iyong camera ng impormasyon ng lokasyon

1. Buksan ang Mga Setting ng iyong iOS device.
2. I-tap ang Privacy Mga serbisyo ng lokasyon.
3. Itakda sa Habang Ginagamit ang App ang pahintulot ng Camera.