Posibleng hindi ma-save ang ilang contact sa iyong telepono o tablet bilang mga contact sa Google. Halimbawa, nagse-save ang ilang app ng mga contact sa storage ng device, na nangangahulugang mapapamahalaan lang ang mga ito sa device na iyon. Hindi masi-sync ang mga pagbabagong gagawin mo sa mga contact na ito sa lahat ng serbisyo ng Google o sa iba pang naka-sign in na device. Kung sakaling mawala o masira ang device, posibleng mawala ang mga contact na ito.
Para panatilihin naka-back up at naka-sync ang iyong mga contact sa lahat ng device mo, puwede mong awtomatikong i-save ang mga contact sa device bilang mga contact sa Google. Available ang mga contact sa Google sa lahat ng serbisyo ng Google at mapapamahalaan ang mga ito sa anumang naka-sign in na device. Kung nawala o nasira ang orihinal na device, awtomatikong masi-sync ang mga contact sa bagong device kapag nag-sign in ka.
Gumagana lang ang mga hakbang na ito sa Android.
I-back up at i-sync ang mga contact sa device
I-back up at i-sync ang mga contact sa device sa pamamagitan ng pag-save ng mga ito bilang mga contact sa Google:
-
Sa iyong Android phone o tablet, buksan ang app na "Mga Setting."
-
I-tap ang Google Mga Setting para sa Google apps Pag-sync sa Google Contacts I-sync din ang mga contact sa device Awtomatikong i-back up at i-sync ang mga contact sa device.
-
I-on ang Awtomatikong i-back up at i-sync ang mga contact sa device.
-
Piliin ang account kung saan mo gustong ma-save ang iyong mga contact. Sa iisang Google Account lang awtomatikong mase-save ang iyong mga contact.
Tip: Hindi ka makakapag-back up ng mga contact sa account ng bata o sa G Suite account (ang account na ginagamit mo para sa trabaho o paaralan).
Awtomatikong mase-save bilang mga contact sa Google at masi-sync sa iyong Google account ang mga kasalukuyan mong contact sa device at anumang contact sa device na idaragdag mo sa hinaharap.
Kapag nag-sign out ka sa isang telepono o tablet, aalisin ang lahat ng iyong contact sa Google sa device na iyon para mapigilan ang iba pang taong gumagamit ng device na iyon na i-access ang mga iyon. Mananatili ang iyong mga contact sa Google sa Google Account mo at masi-sync sa bagong device kapag nag-sign in ka.
Tip: Depende sa gumawa at modelo ng iyong device, posibleng hindi ka awtomatikong makapag-back up at makapag-sync ng mga contact sa device.
Paano naman ang mga contact sa SIM at mga contact na nagsi-sync sa iba pang serbisyo sa cloud?
Hindi awtomatikong mase-save bilang mga contact sa Google ang mga contact sa SIM at mga contact na nagsi-sync sa iba pang serbisyo sa cloud (gaya ng Exchange, Yahoo, o iba pa). Alamin kung paano mag-import ng mga contact.
Tip: Para magamit ang mga contact sa device sa lahat ng serbisyo ng Google nang hindi sine-save ang mga ito bilang mga contact sa Google, i-on ang I-save ang impormasyon sa pakikipag-ugnayan mula sa iyong mga device. Kabilang sa setting na iyon ang mga contact sa SIM at mga contact na nagsi-sync sa iba pang serbisyo sa cloud, pero mapapamahalaan mo lang ang mga ito sa orihinal na device. Para i-back up ang mga contact sa device nang hindi sine-save ang mga ito bilang mga contact sa Google, alamin kung paano mag-back up ng data sa iyong Android device.
Ihinto ang pag-save ng mga contact sa device bilang mga contact sa Google at alisin ang mga contact sa iyong Google Account
Para ihinto ang awtomatikong pag-save ng mga contact sa device bilang mga contact sa Google:
-
Sa iyong Android phone o tablet, buksan ang app na "Mga Setting."
-
I-tap ang Google Mga Setting para sa Google apps Pag-sync sa Google Contacts I-sync din ang mga contact sa device Awtomatikong i-back up at i-sync ang mga contact sa device.
-
I-off ang Awtomatikong i-back up at i-sync ang mga contact sa device
Mananatili sa iyong account ang mga contact na na-save na bilang mga contact sa Google maliban na lang kung manual mong aalisin ang mga ito.
Alamin kung paano ilipat ang mga contact sa Google sa isa pang account gamit ang app na Mga Contact.
Alamin kung paano mag-export ng mga contact sa Google sa isa pang account sa web. Hindi maaalis ang mga na-export na contact sa iyong account maliban na lang kung ide-delete mo ang mga ito.