Puwedeng magbigay ng refund ang mga merchant ng Chrome Web Store sa anumang oras pagkatapos mong maningil sa order. Responsibilidad mong itakda ang iyong mga sariling patakaran para sa mga pag-refund. Direktang nakikipag-ugnayan sa iyo ang mga customer tungkol sa mga tanong sa pag-refund.
Tandaan: Kung isa kang Developer ng Play, dapat kang mag-refund ng mga order sa pamamagitan ng Play Developer console. Matutunan kung paano mag-refund ng mga order sa Play Developer Console.
Para magbigay ng refund sa isang order sa iyong profile sa mga pagbabayad, sundin ang mga hakbang na ito:
- Mag-sign in sa profile sa mga pagbabayad.
- I-click ang Mga order ng customer.
- I-click ang linya ng anumang order na gusto mong i-refund.
- Sa bubukas na panel, i-click ang I-refund, o mag-scroll pababa at i-click ang Tingnan ang buong page para makita ang history ng order ng customer at higit pang detalye.
- Sa susunod na screen, i-click ulit ang I-refund.
- Piliin ang naaangkop na dahilan sa pag-refund.
- Magdagdag ng mensahe sa customer, kung kinakailangan. Lalabas ang mga komentong ito sa profile sa mga pagbabayad ng customer.
Tandaan: Para maprotektahan ang kanilang privacy at seguridad, hindi namin ibinibigay sa mga merchant ang mga email ng customer o iba pang impormasyon sa pakikikpag-ugnayan, kaya ang pagdaragdag lang ng mga komento ang paraan para makipag-ugnayan sa mga customer maliban kung direkta silang makipag-ugnayan sa iyo. - Para matapos ang pag-refund sa iyong customer, i-click ang I-refund ang order.
Hanapin ang mga detalye ng refund
Pagkatapos maibigay ang refund sa customer, isasadokumento ang pag-refund sa iyong profile sa mga pagbabayad. Para makita ang mga refund:
- Mag-sign in sa profile sa mga pagbabayad.
- I-click ang Mga Subscription, pagkatapos ay piliin ang "Mga serbisyo ng merchant" at i-click ang Pamahalaan.
- Sa susunod na screen, hanapin at i-click ang Tingnan ang mga transaksyon.
- Mag-click ng item sa linya para makita ang mga detalye tungkol sa partikular na order. Puwede mong palitan ang view mula sa "Detalyadong view ng transaksyon" papunta sa "Buod" at maghanap ng mga order sa mga hanay ng oras mula "Ngayong buwan" hanggang "Lahat ng oras."
Mga pagsusuri sa profile sa mga pagbabayad
Para matiyak na ang lahat ay may ligtas na kapaligiran sa pagbili at nakakasunod sa aming Mga Tuntunin ng Serbisyo, regular naming sinusuri ang mga profile sa mga pagbabayad. Sa mga pagsusuri, pansamantala kang hindi makakapagproseso ng mga pag-refund (“tatanggihan” ang mga pag-refund).
Tandaang hindi madalas ang mga random na pagsusuring ito. Gayundin, tiyak na magagawa mong magbigay ng mga pag-refund sa pamamagitan ng iyong profile sa loob ng 24 na oras pagkalipas ng unang pagtanggi sa pagsubok sa pag-refund. Pinahahalagahan namin ang iyong pasensya sa panahong ito.
Recap sa patakaran sa refund
Tandaan ang mga ito kapag pinag-iisipan ang o nagbibigay ng mga refund:- Pagkatapos mong magbigay ng refund, hindi mo na ito makakansela. Ibinabalik ng Google sa iyo ang bayarin sa transaksyon pagkatapos mong mag-refund ng pagbabayad.
- Hindi kami magpapadala ng mga email sa iyo o sa customer para sa anumang refund na ibinigay mo.
- Kung pansamantala kang hindi nakakapagbigay ng mga refund dahil sumasailalim sa pagsusuri ang iyong profile sa mga pagbabayad, kakailanganin mong maghintay ng 24 na oras bago ka mag-refund ng mga order.
- Kung nag-refund ka ng order bago nagbigay ang Google ng payout ng merchant para sa order na iyon, hindi mo makukuha ang na-refund mong halaga sa iyong customer sa susunod na payout ng merchant. Kung nag-refund ka ng order pagkatapos mong makuha ang payout ng merchant para dito, ang halagang na-refund mo sa iyong customer ay mababawas sa payout ng merchant sa hinaharap.
- Kung nagbigay ka ng refund at naging negatibo ang balanse ng iyong profile at nanatili itong negatibo sa loob ng 48 oras, kokolektahin ng Google ang mga pondo sa iyo alinsunod sa aming Mga Tuntunin ng Serbisyo at ide-debit namin ang bank account na karaniwang tumatanggap sa iyong mga payout ng merchant. Ang halagang iwi-withdraw namin sa iyong bank account ay katumbas ng negatibong balanse mo sa araw na isagawa ng Google ang pag-debit.