Ili utimize masharti ya Google kwa Mashirika Yasiyolenga Faida, utahitaji kuweka namba ya shirika la kutoa misaada au namba ya utambulisho wa mlipakodi ya shirika lako lisilolenga faida (wakati mwingine hujulikana kama EIN nchini Marekani).
Kwa nini ninahitaji kuweka namba ya ushuru au ya usajili wa shirika langu lisilolenga faida?
Ili kuthibitisha hali ya shirika lako lisilolenga faida, mshirika wetu wa uthibitishaji, Goodstack, inahitaji kulinganisha maelezo ya ombi lako na rekodi rasmi. Hii kwa kawaida huhitaji namba mahususi ya utambulisho iliyotolewa na serikali ya nchi uliko au shirika husika la usajili. Hii huhakikisha kuwa akaunti za Google kwa Mashirika Yasiyolenga Faida zinatolewa tu kwa mashirika yanayotimiza masharti. Unaweza kupata maelezo zaidi kuhusu masharti ya nchi na eneo mahususi katika sehemu ya masharti yetu ya kujiunga.
Ninawezaje kupata namba ya ushuru au ya usajili wa shirika langu lisilolenga faida?
Wakati wa mchakato wa kutuma ombi, utaombwa uweke maelezo mahususi kuhusu shirika lako, ikiwa ni pamoja na namba rasmi ya utambulisho wa mlipakodi au namba ya usajili wa shirika hilo.
- Kipengele cha Utafutaji: Mara nyingi unaweza kupata shirika lako kwa kutafuta ukitumia jina au namba husika ya utambulisho iliyosajiliwa moja kwa moja kwenye fomu ya maombi.
- Kuweka Maelezo Mwenyewe: Ikiwa shirika lako halipatikani kupitia utafutaji, huenda ukahitaji kuweka maelezo mwenyewe.
Shirika langu halikuonekana kwenye matokeo ya utafutaji, ninaweza kupata vipi namba ya ushuru au ya usajili wa shirika langu lisilolenga faida?
Namba mahususi ya utambulisho inayohitajika hutofautiana kulingana na nchi. Ni muhimu kutumia namba mahususi inayohusishwa na usajili rasmi wa shirika lako lisilolenga faida au la kutoa misaada.
Ingawa hati za usajili hutofautiana sana kulingana na nchi na kadiri muda unavyosonga, namba ya kitambulisho inayohitajika kwa kawaida hupatikana:
- Karibu na sehemu ya juu ya barua au cheti chako rasmi cha usajili.
- Pamoja na jina lililosajiliwa la shirika lako.
- Katika mawasiliano rasmi kutoka kwa wakala husika wa serikali (k.m., ofisi ya kodi, tume ya shirika la kutoa misaada, sajili ya kampuni).
Mwongozo wa nchi zinazotambulika zilizo hapa chini.
Marekani (US)
- Kitambulisho kinachohitajika: Namba ya Utambulisho ya Mwajiri (EIN).
- Sehemu utakakokipata: Hutolewa na Mamlaka ya Mapato Marekani. Hupatikana kwenye barua yako ya uthibitishaji iliyotolewa na Mamlaka ya Mapato Marekani, ujazaji wa kodi (Fomu ya 990) au hati rasmi za usajili.
Kanada
- Kitambulisho kinachohitajika: Namba ya Biashara (BN) ya Wakala wa Mapato nchini Kanada (CRA) – hasa namba yenye tarakimu 15 inayojumuisha kitambulishi cha akaunti ya mpango wa "RR" (k.m., 123456789RR0001). Namba hii huthibitisha hali yako kama shirika lililosajiliwa la kutoa misaada.
- Utofauti: Huu ni tofauti na Namba ya Shirika la mkoa au namba ya usajili ya HST. Ni lazima utumie Namba ya Biashara (BN) ya Wakala wa Mapato nchini Kanada (CRA) inayoishia na "RR".
- Sehemu utakakoipata: Katika hati zako rasmi za usajili wa CRA au mawasiliano yanayohusishwa na hali ya shirika lako la kutoa misaada.
Uingereza (UK)
- Kitambulisho kinachohitajika: Namba ya Tume ya Shirika la Misaada (nchini Uingereza na Wales), namba ya OSCR (nchini Uskoti) au namba ya CCNI (nchini Ayalandi Kaskazini).
- Iwapo Hujafikia Upeo wa Usajili: Angalia sehemu iliyo hapa chini ya Itakuwa vipi iwapo shirika langu halina kitambulisho cha kawaida?.
- Sehemu Utakakokipata: Kwenye cheti chako cha usajili au tovuti husika ya OSCR, ya CCNI au ya Tume ya Shirika la kutoa Misaada.
Australia
- Kitambulisho kinachohitajika: Namba ya Biashara ya Australia (ABN) NA uthibitisho kuwa shirika lako limesajiliwa na Tume ya Mashirika Yasiyolenga Faida (ACNC) na Mashirika ya Kutoa Misaada nchini Australia. Goodstack kwa kawaida huthibitisha kwa kulinganisha na sajili ya ACNC.
- Sehemu utakakoipata: ABN yako iko kwenye hati rasmi za biashara. Angalia hali yako ya usajili wa ACNC katika tovuti ya ACNC.
Ayalandi
- Kitambulisho kinachohitajika: Namba iliyosajiliwa ya Shirika la kutoa Misaada (RCN) iliyotolewa na Mdhibiti wa Mashirika ya Kutoa Misaada AU namba ya Ofisi ya Kusajili Makampuni (CRO) iwapo imesajiliwa kama CLG (Kampuni Inayodhibitiwa na Dhamana) yenye hali ya shirika la kutoa misaada. Goodstack itathibitisha hali ya shirika lako la kutoa misaada.
- Sehemu utakakoipata: RCN iko katika Sajili ya Mdhibiti wa Mashirika ya Kutoa Misaada. Namba ya CRO iko kwenye Cheti chako cha Usajili wa Kampuni na inaweza kutafutwa katika tovuti ya CRO (www.cro.ie).
India
- Kitambulisho kinachohitajika: Namba ya usajili wa FCRA.
- Ufafanuzi: Goodstack inahitaji kitambulisho kinachothibitisha kirasmi hali ya shirika lako lisilolenga faida kutoka kwa mamlaka husika ya India. Hakikisha kuwa unaweka namba inayohusishwa na usajili wa msingi wa shirika lako lisilolenga faida.
- Sehemu utakakoipata: Katika vyeti vyako vya usajili, hati ya amana au kadi ya PAN inayohusishwa na shirika husika.
Ujerumani
- Kitambulisho kinachohitajika: Hutegemea muundo wa shirika. Inaweza kuwa Registernummer (Namba ya Sajili), Steuernummer (Namba ya Ushuru) AU Ordnungsnummer (Namba ya Ufuatiliaji) kutoka kwenye Ofisi ya Kodi au mahakama ya mahali ulipo.
- Sehemu utakakoipata: Namba ya usajili kwenye dondoo ya sajili yako (Registerauszug). Arifa ya msamaha wa kodi kutoka Finanzamt.
Ufaransa
- Kitambulisho kinachohitajika: Namba ya RNA (Répertoire National des Associations) AU namba ya SIREN au ya SIRET iwapo imesajiliwa hivyo, pamoja na uthibitisho wa hali (k.m., "reconnaissance d'utilité publique" au hali mahususi ya kiuchumi).
- Sehemu utakakoipata: Namba ya RNA hutolewa wakati wa usajili. Namba ya SIREN au ya SIRET iko kwenye hati rasmi za INSEE. Uthibitisho wa hali uko kwenye hati rasmi za kodi au amri.
Uhispania
- Kitambulisho kinachohitajika: Número de Identificación Fiscal (NIF) NA namba ya usajili katika sajili husika ya kitaifa au jimbo (k.m., Registro Nacional de Asociaciones, Registro de Fundaciones).
- Sehemu utakakoipata: Kadi ya NIF. Namba ya usajili kwenye cheti chako cha maandishi kutoka kwenye sajili husika.
Uswizi
- Kitambulisho kinachohitajika: Ingawa mara nyingi si lazima uwe na usajili katika Rajisi ya Biashara (Handelsregister) kwa vyama vya msingi (Verein, Association au Associazione), usajili kama Chama katika Kanuni ya Kiraia ya Uswizi, Wakfu (Stiftung) kwenye Kanuni ya Kiraia ya Uswizi AU shirika Lililosamehewa Kodi unahitajika katika Google kwa Mashirika Yasiyolenga Faida.
- Iwapo Hujasajiliwa: Angalia sehemu iliyo hapa chini ya "Itakuwa Vipi Iwapo Shirika Langu Halina Kitambulisho cha Kawaida?". Huenda ukahitaji kuweka hali (Statuten, Statuts au Statuti) na uthibitisho wa msamaha wa kodi.
- Sehemu utakakoupata: Dondoo kutoka kwenye Rajisi ya Biashara (Handelsregisterauszug, Extrait du registre du commerce au Estratto del registro di commercio). Uthibitisho wa msamaha wa kodi kutoka kwa mamlaka ya kodi ya jimbo.
Itakuwa vipi iwapo shirika langu halijaorodheshwa au halina kitambulisho cha kawaida?
Hali hii inaweza kutokea kwa sababu kadhaa:
- Mtumiaji mpya uliyejisajili: Inaweza kuchukua muda ili maelezo yako yaonekane katika hifadhidata rasmi zinazotumiwa na Goodstack.
- Hujafikia upeo wa usajili: Katika baadhi ya nchi (kama vile Uingereza), huenda mashirika ya kutoa misaada ambayo hayajafikia upeo fulani wa mapato yakaendeshwa kihalali bila kusajiliwa na mdhibiti mkuu wa mashirika ya kutoa misaada.
- Muundo tofauti wa kisheria: Huenda shirika lako ni aina ya shirika lisilolenga faida linalotambulika ambalo halitumii njia ya kawaida ya usajili (k.m., baadhi ya vyama nchini Uswizi).
- Data isiyolingana: Tofauti ndogo katika jina au anwani zinaweza kuzuia ulinganishaji otomatiki.
Kutatua matatizo ya kawaida
- Namba ya kitambulisho changu haitambuliki
- Kagua: Hakikisha kuwa umeweka namba sahihi jinsi inavyoonekana kwenye hati zako rasmi, bila makosa ya tahajia, nafasi za ziada au vistariungio isipokuwa iwapo inahitajika kimahususi.
- Aina sahihi ya kitambulisho: Thibitisha kuwa unatumia kitambulisho mahususi kinachohitajika katika nchi uliko (k.m., Namba ya Biashara (BN) ya Wakala wa Mapato nchini Kanada (CRA) iliyobainishwa kwa RR, si tu BN; EIN ya Marekani).
- Wasiliana na Goodstack: Ikiwa una uhakika kuwa namba ni sahihi na bado haitambuliwi, wasiliana na timu ya usaidizi ya Goodstack ili upate usaidizi. Huenda kuna ucheleweshaji wa data au masharti mahususi ya muundo.
- Niliweka Maelezo Yangu kisha Nikabofya Tuma, Lakini Hakuna Kilichotendeka
- Matatizo ya kivinjari: Jaribu kufuta akiba na vidakuzi vya kivinjari chako au ujaribu kutumia kivinjari kingine (kama vile Chrome, Firefox, Edge).
- Subiri: Wakati mwingine huenda kukawa na hali ya kuchelewa kidogo. Subiri kidogo kabla ya kujaribu tena.
- Wasiliana na Goodstack: Tatizo likiendelea kwenye vivinjari tofauti baada ya kufuta akiba, wasiliana na timu ya usaidizi ya Goodstack kwa kuwa huenda kuna tatizo la kiufundi kwenye utumaji wa fomu katika mfumo wao.
Makala yanayohusiana
