Ang mga label ay isang hanay ng mga na-predefine na termino na naglalarawan sa content ng iba't ibang bahagi ng iyong site ng balita at nagsisilbi ang mga ito bilang mga hint para matulungan ang Google na uriin ang content mo. Gusto naming makapagbigay ng mga kapaki-pakinabang na paraan para ma-access ng mga user ang impormasyong kailangan nila sa kabila ng mabibilis na pagbabago sa paggawa ng content sa buong mundo.
Kung minsan, ang paglalapat ng label ay pinagpapasyahan ayon sa pagpili ng publisher ng mga naaangkop na tag sa Publisher Center, o paglalapat ng mga tag sa HTML markup. Puwede ring piliin o hindi ng Google na maglapat ng mga label sa pamamagitan ng algorithm kung matutukoy ng aming mga system na kwalipikado ang iyong content para sa isang partikular na uri ng label.
Mahalaga: Kung sa tingin mo ay hindi nalalapat sa iyong site ang isang partikular na label, makipag-ugnayan sa Google News team. Patuloy kaming nagdaragdag ng mga bagong label para matulungan ang mga user na unawain at piliin ang content na gusto nilang basahin. Ang mga label na hindi nakalista sa artikulong ito ay inilalapat sa pamamagitan ng algorithm.
Kailan dapat maglapat ng mga label
Kapag tiningnan mo ang aming talaan ng iyong publication sa Publisher Center, piliin ang lahat ng label na nalalapat sa content sa site mo o sa ilang bahagi ng iyong site.
Puwede kang maglapat ng mga label sa ilang iba't ibang paraan:
- Magdagdag ng mga label sa antas ng domain kung nalalapat ang mga ito sa lahat ng content na pina-publish mo. Halimbawa, lalagyan ng theonion.com ng label na satire ang buong site.
- Para matukoy ang iyong seksyong "Opinyon" o "Satire," ilapat ang mga label sa antas ng seksyon. Halimbawa, ang seksyong pennlive.com/opinion ng pennlive.com lang ang lalagyan ng label na opinyon.
- Para magdagdag ng maraming label sa isang seksyon, idagdag ang seksyon nang maraming beses.
Mga uri ng mga label
Mahalaga: Ang mga label na ito ay mga suhestyong nakakatulong sa Google na mas mahusay na uriin ang iyong content. Kung matutukoy ng aming mga algorithm na walang kaugnayan ang mga ito, posibleng hindi lumabas ang mga ito sa tabi ng iyong content sa mga surface ng balita.
Makikita sa ibaba ang mga halimbawa ng mga uri ng label:
Ang mga publisher na tumukoy sa kanilang sarili bilang satire ay puwedeng lumabas sa Google News nang may label na "Satire" sa tabi ng pangalan ng kanilang publication. Ilapat ang label na ito sa antas ng domain kung satirical na content ang pangunahing pina-publish mo. Puwede mo ring ilapat ang label na ito sa isang partikular na URL ng seksyon ng iyong site.
Ang mga publisher na tumukoy sa kanilang sarili gamit ang label na ito ay puwedeng lumabas sa Google News nang may label na "Binuo ng user" sa tabi ng pangalan ng kanilang publication. Ilapat ang label na ito sa iyong publication kung ang pangunahing pina-publish mo ay content na binuo ng user na karapat-dapat ibalita at dumaan na sa pormal na proseso ng pang-editoryal na pagsusuri sa iyong site. Puwede mo ring ilapat ang label na ito sa isang partikular na URL ng seksyon ng iyong site.
Ang mga publisher na tumukoy sa kanilang sarili gamit ang label na ito ay puwedeng lumabas sa Google News nang may label na "Press release" sa tabi ng pangalan ng kanilang publication. Ilapat ang label na ito sa iyong domain kung mga press release ang pangunahing pina-publish mo sa iyong site o sa isang domain (hal. www.kodak.com/lk/en/corp/press_center). Puwede mo ring ilapat ang label na ito sa isang partikular na URL ng seksyon ng iyong site.
Ang mga publisher na tumukoy sa kanilang sarili bilang mga blog ay puwedeng lumabas sa Google News nang may label na "Blog" sa tabi ng pangalan ng kanilang publication. Ilapat ang label na ito sa iyong domain kung ang pangunahing pina-publish mo ay mga blog na karapat-dapat ibalita. Puwede mo ring ilapat ang label na ito sa isang partikular na URL ng seksyon ng iyong site
Magdagdag at mamahala ng mga label
Para matulungan ang Google na tukuyin ang uri ng content na binubuo mo, puwede mong iugnay ang mga label na ito sa iyong mga label ng content, sa antas ng domain o seksyon. Matuto pa tungkol sa kung paano pamahalaan ang mga label ng content.
Hindi puwedeng mag-alis ng label sa label ng content. Kung gusto mong mag-delete ng label, kailangan mong i-delete ang label ng content kung saan ito nauugnay. Matuto pa tungkol sa kung paano mag-delete ng mga label ng content.
Fact check
Nalalapat ang label na ito sa mga na-publish nang kuwentong may content na na-fact check, na ipinapahiwatig ng ClaimReview markup ng schema.org, gaya ng mga round-up na kuwentong naglalaman ng maraming pagsusuri para sa pag-fact check sa iisang artikulo. Puwedeng ilapat ng Google News ang label na ito sa iyong content kung nag-publish ka ng mga kwentong may na-fact check na content. Nakakatulong ang label na "fact check" sa mga user na maghanap ng content na na-fact check sa mahahalagang kwento.
Para matukoy kung dapat mong gamitin ang tag sa ito sa iyong artikulo, gamitin ang pamantayan sa pag-fact check sa ibaba:
- Madaling matutukoy sa nilalaman ng artikulo ang mga partikular at matutugunang pahayag at pagsusuri. Dapat ay maunawaan ng mga mambabasa kung ano ang sinuri at ang mga kinalabasan ng pagsusuri.
- Nate-trace at transparent dapat ang pagsusuri pagdating sa mga source at paraan, at dapat ay may mga pagsipi at pagsangguni ang mga ito sa mga pangunahing source.
- Sa mga pamagat ng artikulo, dapat isaad na sinusuri ang isang pahayag, sabihin ang kinalabasan ng pagsusuri, o ipahayag sa simpleng paraan na naglalaman ng na-fact check na content ang artikulo.
- Dapat ay may naka-markup na ilang artikulong na-fact check ang mga site na may na-fact check na content.
Kung makakakita kami ng mga site na hindi sumusunod sa mga pamantayang iyon para sa ClaimReview markup, puwede naming balewalain ang markup ng site na iyon o alisin ang site sa Google News.
Para matuto pa tungkol sa kung paano gamitin ang markup, bisitahin ang page tungkol sa pag-fact check ng Google Developers.