Kung ibinabahagi mo ang iyong lokasyon sa isang tao, ire-refresh nang pana-panahon ng Google Maps ang posisyon mo sa mapa. Sinisiguro nito na nakakakuha ang taong binabahaginan mo ng tumpak at napapanahong impormasyon kung nasaan ka.
Minsan, makakakita ka ng mensahe sa itaas ng iyong screen o sa listahan ng mga notification mo na nagpapaalam sa iyong na-update na ang lokasyon mo.
Bawasan kung gaano kadalas mo nakikita ang notification na ito
May mga paraan para masigurong nag-a-update sa background ang iyong lokasyon. Sa pamamagitan nito, mas madalang na lalabas ang notification.
Panatilihing gumagana ang Google Maps
Iwasang isara ang Google Maps sa pamamagitan ng pag-swipe dito sa app switcher. Kapag ginawa ito, isa-shut down ng iyong telepono ang application at hindi ito maa-update nang tama.
Tingnan kung may mga error
- Sa iyong device, buksan ang Google Maps app .
- I-tap ang iyong larawan sa profile o inisyal Pagbabahagi ng lokasyon.
Tandaan: Kung may mga problema, may makikita kang mensahe ng babala sa itaas ng screen.
I-off ang notification na ito
Mahalaga: Kung io-off mo ang mga notification na ito, posibleng hindi ma-refresh ang lokasyong ibinabahagi mo sa iba, at malamang na hindi ito maging tumpak.
- Sa iyong iPhone o iPad, buksan ang Google Maps app .
- I-tap ang iyong larawan sa profile o inisyal Mga Setting Mga Notification.
- I-off ang Mga update sa lokasyon.
Matuto pa tungkol sa kung paano i-on o i-off ang mga notification sa Google Maps.