Magtanong at sumagot ng mga tanong tungkol sa isang lugar sa Google Maps

Sa Google Maps, puwede kang magtanong at sumagot ng mga tanong tungkol sa mga makikita mong lugar at negosyo. Puwedeng sagutin nang direkta ng mga may-ari ng negosyo at ng iba pa ang mga Q&A na ito. Puwede kang magtanong o sumagot ng mga tanong mula sa paghahanap sa anumang device, at mula sa Google Maps.

Magtanong

Sa Google Maps

1. Sa iyong Android phone o tablet, buksan ang Google Maps app .
2. Maghanap ng lugar o lungsod, o i-tap ito sa mapa.
3. Sa ibaba, i-tap ang pangalan ng lugar.
4. Sa ilalim ng “Mga tanong at sagot," piliin kung ano ang gusto mong gawin:
   • Para makita kung may nagtanong na ng tanong mo: I-tap ang Tingnan ang lahat ng tanong.
   • Para magtanong ng bago: I-tap ang Magtanong.
   • Para i-edit o i-delete ang iyong tanong: i-tap ang Higit pa  I-edit ang tanong o I-delete ang tanong.

Kapag nasagot na ang iyong tanong, makakatanggap ka ng notification.

Sa Google Search

1. Sa iyong Android phone o tablet, buksan ang Google.
2. Maghanap ng lugar o lungsod.
3. Mag-scroll pababa sa seksyong "Mga tanong at sagot."
4. Para magtanong ng bago, i-tap ang Magtanong sa komunidad.

Mag-ulat ng mga tanong o sagot

Mga patakaran sa tanong at sagot

Ang mga patakaran sa content na nakalista sa ibaba ay may mahalagang tungkulin sa pagpapanatili ng positibong karanasan para sa lahat ng gumagamit ng mga produkto ng Google. Kailangan naming pigilan ang mga pang-aabusong nagbabanta sa aming kakayahang ibigay ang mga serbisyong ito, at hinihiling naming sumunod ang lahat sa mga patakarang nasa ibaba para matulungan kaming makamit ang layuning ito. Tiyaking bumalik pana-panahon, dahil puwedeng magbago ang mga patakarang ito. 

Content: Aalisin namin ang content na lumalabag sa alinman sa mga patakaran sa content na nasa ibaba:

• Pag-advertise: Huwag gamitin ang Q&A para sa pag-advertise. Huwag magdagdag ng mga link papunta sa ibang website o mga numero ng telepono ng ibang lugar. Ang mga tanong at sagot ay tunay dapat na nagpapakita ng iyong karanasan sa isang lugar. 
• Spam: Huwag mag-spam. Huwag magsama ng pampromosyon o komersyal na content, huwag i-post ang parehong content nang maraming beses, at huwag magsulat ng mga tanong at sagot para sa iisang lugar mula sa maraming account.
• Mga numero ng telepono o email address: Para makatulong na pigilan ang pag-advertise at ma-spam na Q&A, hindi namin pinapayagan ang mga numero ng telepono o email address. Kung gusto mong magdagdag ng updated na numero o email address, gamitin ang link na Mag-ulat ng problema para iulat na lang ang impormasyong iyon. Kung isa kang nakarehistrong may-ari ng Profile ng Negosyo ng isang listing, puwede kang mag-post ng mga numero ng telepono sa iyong mga sagot.
• Q&A na walang kinalaman sa paksa: Huwag mag-post ng mga sagot na nakabatay sa karanasan ng iba, o hindi tungkol sa partikular na lugar na sinasagot mo. Hindi ginawa ang Q&A para maging forum para sa pangkalahatang komentaryong pampolitika o panlipunan o mga personal na reklamo. Para mag-ulat ng maling lokasyon o saradong lugar, gamitin ang link na Mag-ulat ng problema sa halip na mag-post ng Q&A. Gamitin lang ang kahong "Magtanong" para mag-post ng mga tanong. Aalisin ang mga review at komento.
• Panatilihin itong malinis: Huwag gumamit ng malaswa, bastos, o nakakapanakit na pananalita. Aalisin din namin ang Q&A na nagpapakita ng mga personal na pag-atake sa iba.
• Salungatan ng interes: Pinakamahalaga ang mga tanong at sagot kapag matapat at walang kinikilingan ang mga ito. Huwag mag-alok o tumanggap ng pera, mga produkto, o mga serbisyo para magsulat ng mga tanong o sagot para sa isang negosyo o para magsulat ng mga negatibong tanong o sagot tungkol sa isang kakumpitensya. Kung nagmamay-ari ka ng negosyo, huwag mag-set up ng mga istasyon o kiosk sa iyong lugar ng negosyo para lang humingi ng Q&A na isinulat tungkol sa lugar ng negosyo mo. Dagdag pa rito, mag-upvote ng Q&A sa paraang walang kinikilingan, sa halip na sa paraang pampromosyon. 
• Ilegal na content: Huwag mag-post ng Q&A na naglalaman ng o nagli-link sa content na labag sa batas, tulad ng mga link kung saan pinapangasiwaan ang pagbebenta ng mga inireresetang gamot nang walang reseta.
• Naka-copyright na content: Huwag mag-post ng Q&A na lumalabag sa mga karapatan ng iba - kasama na ang copyright. Para sa higit pang impormasyon o para maghain ng kahilingan sa DMCA, suriin ang aming mga pamamaraan sa copyright.
• Tahasang Sekswal na Materyal: Hindi namin pinapayagan ang Q&A na naglalaman ng tahasang sekswal na materyal. Huwag maghanap o magbigay ng impormasyon tungkol sa content na nananamantala o nang-aabuso sa mga bata. Aalisin ang mga tanong at sagot na nauugnay sa paksang ito. Gagawa ang Google ng naaangkop na pagkilos, kung saan posibleng kasama ang pag-disable ng mga account at pag-uulat sa National Center for Missing & Exploited Children (NCMEC) at sa tagapagpatupad ng batas.
• Pagpapanggap: Huwag mag-post ng Q&A para sa iba o i-misrepresent ang iyong pagkakakilanlan o koneksyon sa lugar na nire-review mo.
• Personal at kumpidensyal na impormasyon: Huwag mag-post ng Q&A na may personal at kumpidensyal na impormasyon ng ibang tao, kasama na ang impormasyon ng credit card, identification number mula sa pamahalaan, impormasyon ng lisensya sa pagmamaneho, atbp.
• Mapoot na Salita: Hindi namin pinapayagan ang mga Q&A na nagtataguyod ng paglaban sa mga pangkat ng mga tao batay sa kanilang lahi o etnikong pinagmulan, relihiyon, kapansanan, kasarian, edad, katayuang beterano, sekswal na oryentasyon, o kinikilalang kasarian.
• Mga Kontroladong Produkto at Serbisyo: Huwag gamitin ang serbisyo para magbenta o pangasiwaan ang pagbebenta ng mga kontroladong produkto at serbisyo, tulad ng alak, pagsusugal, mga gamot at hindi aprubadong supplement, tabako, mga paputok, mga armas, o mga pangkalusugan/medikal na device.

Ipaalam sa amin ang tungkol sa mga hindi naaangkop na tanong o sagot

1. Sa tabi ng tanong o sagot, i-tap ang Higit pa .
2. I-tap ang Iulat ang tanong o Iulat ang sagot.

Sumagot ng tanong ng isang tao

Kung alam mo ang sagot sa naitanong ng iba, puwede mo silang sagutin sa Google Maps o sa paghahanap.

Sa Google Maps

1. Sa iyong Android phone o tablet, buksan ang Google Maps app .
2. Maghanap ng lugar o i-tap ito sa mapa.
3. Sa ibaba, i-tap ang pangalan ng lugar.
4. Sa ilalim ng "Mga tanong at sagot," i-tap ang Tingnan ang mga tanong.
5. Sa tabi ng tanong, i-tap ang Sagutin.

Para i-edit o i-delete ang iyong sagot, i-tap ang Higit pa i-tap ang I-edit ang sagot o I-delete ang sagot.

Sa Google Search

1. Sa iyong Android phone o tablet, buksan ang Google.
2. Maghanap ng lugar o lungsod.
3. Mag-scroll pababa sa seksyong "Mga tanong at sagot."
4. I-tap ang Tingnan ang mga tanong.
5. Sa ilalim ng tanong, i-tap ang Sagutin.

Para i-edit o i-delete ang iyong sagot: i-tap ang Higit pa I-edit o I-delete.

Mga Tip:

• Pagkatapos mong sumagot, makakatanggap ng notification ang taong nagtanong.
• Kung ikaw ang may-ari, para makakuha ng mga notification, dapat mong i-claim ang iyong Profile ng Negosyo sa Google Search at Maps.

Hanapin ang iyong mga tanong o sagot

Pagkatapos mong magtanong o magbigay ng sagot, makikita mo ang impormasyong iyon sa iyong mga kontribusyon sa Google Maps.

1. Sa iyong Android phone o tablet, buksan ang Google Maps app .
2. I-tap ang Mag-ambag .
   • Kung kinakailangan, sa itaas, i-tap at i-drag ang menu bar hanggang sa makita mo ang Q&A.
3. I-tap ang Q&A.
4. Mag-scroll sa iyong listahan ng mga tanong at sagot.

I-off ang mga notification

Itago ang mga mensahe tungkol sa iyong negosyo

Kapag may nagtanong tungkol sa iyong negosyo, may matatanggap kang mensahe.

1. Sa iyong Android phone o tablet, buksan ang Google Maps app .
2. I-tap ang iyong larawan sa profile o inisyal   Mga Setting .
3. I-tap ang Mga Notification   Mga tao at lugar.
4. I-off ang Mga listing ng negosyo.

Itago ang mga mensahe tungkol sa mga tanong at sagot

1. Sa iyong Android phone o tablet, buksan ang Google Maps app .
2. I-tap ang iyong larawan sa profile o inisyal   Mga Setting .
3. I-tap ang Mga Notification   Iyong mga kontribusyon.
4. I-off ang Mga tanong at sagot ng komunidad.