Ibahagi, ipadala, o i-print ang mga direksyon mula sa Google Maps

Ang mga direksyong mahahanap mo sa pamamagitan ng Google Maps ay puwedeng ibahagi sa iba pang device na mayroon ka, sa ibang tao, o nang naka-print.

Mag-troubleshoot ng mga isyu sa pagpapadala ng mga direksyon sa iyong device

Palabasin ang iyong telepono o tablet bilang opsyon

Kung hindi lumalabas ang iyong telepono o tablet kapag pinili mo ang Ipadala sa telepono :

• Tiyakin na ang pinakabagong bersyon ng Google Maps app ang ginagamit mo.
• Sa iyong computer at mobile device, siguraduhing naka-sign in ka sa Google Maps gamit ang parehong account.
  • Mag-sign in sa iyong computer:
    1. Sa iyong computer, pumunta sa Google.
    2. Sa kanang bahagi sa itaas, i-click ang Mag-sign in.
  • Mag-sign in sa iyong telepono o tablet:
    1. Buksan ang Google Maps app .
    2. I-tap ang Larawan sa profile o Inisyal mo Mag-sign in sa iyong account.

Paano makatanggap ng notification sa iyong telepono o tablet

• Tiyaking nakakonekta ang iyong device sa data o Wi-Fi.
• Tiyaking naka-on ang iyong mga notification.

Hanapin ang opsyong magpadala ng mga direksyon sa iyong telepono o tablet

Kung hindi mo makita ang Ipadala sa telepono :

• Tiyaking naka-on ang iyong mga notification.
• Maghintay nang ilang segundo.
• I-reload ang Google Maps sa iyong computer at subukan ulit.

Magpadala ng mga direksyon sa iyong telepono o tablet

Mahalaga: Sa iyong computer at sa telepono o tablet mo, siguraduhing naka-sign in ka sa parehong account. Kung ipapa-on sa iyo ang mga notification sa telepono o tablet mo, i-tap ang I-on ang mga notification.

Puwede kang magpadala ng mga direksyong hinanap mo sa iyong computer sa telepono o tablet mo. Para makapagpadala ng mga direksyon sa iyong telepono o tablet, hindi ka puwedeng magkaroon ng maraming destinasyon.

1. Sa iyong computer, buksan ang Google Maps.
2. I-click ang Mga Direksyon .
3. Ilagay ang mga gusto mong lokasyon.
4. Pumili ng ruta.
5. I-click ang Ipadala sa telepono .
6. Piliin ang device o email na gusto mong padalhan ng mga direksyon.

Magbahagi ng mga direksyon sa iba

1. Sa iyong computer, buksan ang Google Maps.
2. I-click ang Mga Direksyon . 
3. Ilagay ang gusto mong lokasyon.
4. Pumili ng ruta.
5. I-click ang Ibahagi .
6. Pumili ng alinman sa mga opsyong ito:
   • Para magbahagi ng link sa pamamagitan ng email o text: I-click ang Magpadala ng link  Kopyahin ang link.
   • Para magbahagi ng link sa social media: I-click ang Magpadala ng link, pagkatapos ay piliin ang app kung saan mo gustong ibahagi ang link.
   • Para magbahagi ng link sa isang web page: I-click ang Mag-embed ng mapa Kopyahin ang HTML.

Magbahagi ng mapa o lokasyon sa iba

1. Sa iyong computer, buksan ang Google Maps.
2. Pumunta sa bahagi ng mapa na gusto mong ibahagi.
3. Sa kaliwang bahagi sa itaas, i-click ang Menu . 
4. I-click ang Ibahagi o i-embed ang mapa.
5. Pumili ng alinman sa mga opsyong ito:
   • Para magbahagi ng link sa email o text: I-click ang Magpadala ng link  Kopyahin ang link.
   • Para magbahagi ng link sa social media: I-click ang Magpadala ng link, pagkatapos ay piliin ang app kung saan mo gustong ibahagi ang link.
   • Para magbahagi ng link sa isang web page: I-click ang Mag-embed ng mapa Kopyahin ang HTML.

Tip: Hindi ka makakapagbahagi ng mapang may mga naka-save na lokasyon mo, mapang may pagsukat ng distansya, o larawan ng mapa mismo mula sa Google Maps.

Mag-print ng mga direksyon

1. Sa iyong computer, buksan ang Google Maps.
2. I-click ang Mga Direksyon .
3. Ilagay ang gusto mong lokasyon.
4. Pumili ng ruta.
5. I-click ang I-print .
6. Piliin ang I-print kasama ang mga mapa o Text lang ang i-print.
7. I-click ang I-print.

Mga kaugnay na resource

• I-update ang Google Maps
• I-on o i-off ang mga notification sa Google Maps