Mag-download ng mga lugar at mag-navigate offline

Kung pupunta ka sa isang lugar kung saan mabagal ang Internet, mahal ang mobile data, o hindi ka makakapag-online, maaari kang mag-save ng lugar mula sa Google Maps sa iyong telepono o tablet upang magamit ito kapag offline ka.

Tandaan: Hindi available ang pag-download ng mga offline na mapa sa ilang rehiyon dahil sa mga limitasyon ayon sa kontrata, suporta sa wika, mga format ng address, o iba pang dahilan.

Hakbang 1: Mag-download ng mapa na gagamitin offline

Tip: Puwede kang mag-save ng mga mapa sa iyong device o SD card. Kung babaguhin mo ang iyong paraan ng pag-save ng mga mapa, kakailanganin mong i-download ulit ang mapa.

1. Sa iyong Android phone o tablet, buksan ang Google Maps app .
2. Tiyaking nakakonekta ka sa internet at naka-sign in ka sa Google Maps.
3. Maghanap ng isang lugar, tulad ng San Francisco.
4. Sa ibaba, i-tap ang pangalan o address ng lugar  i-tap ang Higit pa   I-download ang offline na mapa. Kung naghanap ka ng lugar tulad ng restaurant, i-tap ang Higit pa   I-download ang offline na mapa  I-download.

Mag-save ng mga offline na mapa sa SD card

Nada-download ang mga offline na mapa sa internal storage ng iyong device bilang default, pero puwede mong i-download ang mga ito sa SD card. Kung gumagamit ng Android 6.0 o mas bago ang iyong device, puwede ka lang mag-save ng lugar sa SD card na naka-set up para sa portable storage. Para alamin kung paano i-set up ang iyong SD card, humingi ng tulong mula sa manufacturer ng telepono mo.

1. Sa iyong Android phone o tablet, maglagay ng SD card.
2. Buksan ang Google Maps app .
3. I-tap ang iyong larawan sa profile o inisyal Mga offline na mapa.
4. Sa kanang bahagi sa itaas, i-tap ang Mga Setting .
5. Sa ilalim ng "Mga kagustuhan sa storage," i-tap ang Device SD card.

Hakbang 2 (opsyonal): Makatipid ng baterya at mobile data

Puwede kang mag-set up ng mga offline na mapa at gumamit pa rin ng iba pang app gamit ang mobile data.

1. Sa iyong Android phone o tablet, buksan ang Google Maps app .
2. I-tap ang iyong larawan sa profile o inisyal   Mga Setting   i-on ang Wi-Fi lang.

Pumili ng sarili mong mapa

1. Sa iyong Android phone o tablet, buksan ang Google Maps app .
2. I-tap ang iyong larawan o inisyal sa profile   Mga offline na mapa.
3. I-tap ang Pumili ng sarili mong mapa.
4. I-adjust ang mapa ayon sa lugar na gusto mong i-download
5. I-tap ang I-download.

Gumamit ng mga offline na mapa

Pagkatapos mong mag-download ng lugar, gamitin ang Google Maps app tulad lang ng karaniwan mong ginagawa. Kung mabagal ang iyong koneksyon sa internet o wala ka nito, gagabayan ka ng mga offline na mapa mo papunta sa iyong destinasyon basta't nasa offline na mapa ang buong ruta.

• Kumuha ng mga direksyon at magpakita ng mga ruta
• Gamitin ang navigation
• Maghanap ng mga lokasyon

Tip: Hindi available offline ang transit, pagbibisikleta, o direksyon sa paglalakad. Sa iyong offline na direksyon para sa pagmamaneho, hindi ka makakakuha ng impormasyon sa trapiko, mga alternatibong ruta, o paggabay sa lane.

Pamahalaan ang mga offline na mapa

Maghanap ng listahan ng iyong mga offline na mapa

1. Sa iyong Android phone o tablet, buksan ang Google Maps app .
2. I-tap ang iyong larawan sa profile o inisyal Mga offline na mapa.

Puwede kang pumili ng sarili mong mapang ida-download, o tumingin ng mga mapang na-download mo na.

I-delete ang mga offline na mapa

1. Sa iyong Android phone o tablet, buksan ang Google Maps app .
2. I-tap ang iyong larawan sa profile o inisyal Mga offline na mapa.
3. I-tap ang Mapang gusto mong i-delete.
4. I-tap ang I-delete.

Palitan ang pangalan ng mga na-download mong lugar para sa offline na paggamit

1. Sa iyong Android phone o tablet, buksan ang Google Maps app .
2. I-tap ang iyong larawan sa profile o inisyal Mga offline na mapa.
3. Pumili ng Mapa.
4. Sa kanang bahagi sa itaas, i-tap ang I-edit .
5. I-update ang pangalan ng Mapa at i-tap ang I-save.

Mag-update ng mga offline na mapa

Dapat i-update ang mga offline na mapa na na-download mo sa iyong telepono o tablet bago mag-expire ang mga ito. Kapag nag-expire ang iyong mga offline na mapa pagkalipas ng 15 araw o mas maikli, sinusubukan ng Google Maps na awtomatikong i-update ang lugar kapag nakakonekta ka sa Wi-Fi.

Kung hindi awtomatikong naa-update ang iyong mga offline na mapa, puwede mong i-update ang mga ito sa pamamagitan ng pagsunod sa mga hakbang sa ibaba.

Mula sa notification

1. Sa notification na "I-update ang mga offline na mapa," i-tap ang I-update ngayon.
2. I-tap ang nag-expire o mag-e-expire nang lugar sa listahan.
3. I-tap ang I-update.

Mula sa kahit saan

1. Sa iyong Android phone o tablet, buksan ang Google Maps app .
2. I-tap ang iyong larawan sa profile o inisyal Mga offline na mapa.
3. Sa listahan, i-tap ang nag-expire o mag-e-expire nang lugar.
4. I-tap ang I-update.

I-on ang mga awtomatikong update

1. Sa iyong Android phone o tablet, buksan ang Google Maps app .
2. I-tap ang iyong larawan sa profile o inisyal Mga offline na mapa.
3. Sa kanang bahagi sa itaas, i-tap ang Mga Setting .
4. I-on ang Awtomatikong i-update ang mga offline na mapa.

Maghanap ng mga mapa batay sa iyong mga paparating na biyahe

Puwede ka ring mag-download ng mga offline na mapa batay sa mga lugar na pupuntahan mo sa hinaharap. Puwedeng magmula ang mga biyaheng ito sa Gmail, Google Travel, at iba pang lugar. Makikita mo ang mga offline na mapang ida-download sa "Mga inirerekomendang mapa."