Maghanap ng mga kalapit na lugar at i-explore ang lugar

Puwede kang maghanap ng mga lugar ng interes, lokal na event, usong restaurant, puwedeng gawin, o natatanging lokasyon sa Google Maps. Maghanap ng mga lugar tulad ng mga kalapit na museo, bagong restaurant, at sikat na bar at club. Makakakita ka rin ng mga rating at paglalarawan.

Mga Paalala:

  • Naglalaman ang Google Maps ng content mula sa iba't ibang source. Puwedeng kasama sa iyong mga resulta sa Maps ang impormasyon mula sa aming mga partner, user, o sa pampublikong web. Puwedeng mag-alis ng content ang Google kung mapag-aalaman naming lumalabag ito sa aming mga patakaran sa content o kung lumalabag ito sa mga naaangkop na batas.
  • Ang mga resulta ng lokal na paghahanap ay pangunahing nakabatay sa kaugnayan, layo, pagiging kitang-kita, at pati na rin sa iyong mga personal na interes. Pinagsasama-sama ang mga salik na ito para makatulong na mahanap ang pinakamalapit na tugma sa iyong paghahanap. Halimbawa, puwedeng mapagpasyahan ng mga algorithm ng Google na ang isang negosyong mas malayo sa iyo ay mas malamang na mayroon ng hinahanap mo kaysa sa isang negosyong mas malapit. Samakatuwid, magiging mas mataas ang rank nito sa mga lokal na paghahanap.
  • Hindi naiimpluwensyahan ng bayad mula sa ibang kumpanya ang mga resulta sa Google Maps. May label ang bayad na content sa Google Maps.

Maghanap ng mga lugar sa isang partikular na lugar

Puwede kang maghanap ng mga lugar na malapit sa isang lugar kung saan ka naghanap.

  1. Sa iyong computer, buksan ang Google Maps.
  2. Maghanap ng lugar.
  3. Pindutin ang Enter o i-click ang Maghanap Maghanap.
  4. I-click ang Malapit Maghanap sa malapit.
  5. Ilagay ang uri ng mga lugar na gusto mong hanapin, tulad ng mga hotel o airport.
  6. Pindutin ang Enter o i-click ang Maghanap Maghanap. Makikita mo ang mga resulta ng paghahanap bilang mga pulang mini-pin at pulang tuldok, kung saan ipinapakita ng mga mini-pin ang mga nangungunang resulta. Ang mga purple na pin ay mga ad. Matuto pa tungkol sa ibig sabihin ng mga mini-pin.
  7. Para bumalik sa iyong orihinal na resulta ng paghahanap, i-click ang X Kanselahin ang Paghahanap sa malapit.

Puwede mo ring gamitin ang terminong "malapit." Halimbawa, para magbalik ng mga lugar kung saan puwedeng magkape na malapit sa parke, ilagay ang: kape malapit sa luneta park.

Mag-flag ng lugar para sa pagsusuri

Puwede kang mag-flag ng mga pangalan ng negosyo o lugar dahil sa pagpapanggap o nakakapanakit, peke, spam, o hindi naaangkop na content.

Tandaan: Para sa mga legal na isyu, tulad ng mga di-pagkakasundo sa copyright o trademark, magsumite ng ulat.

  1. Sa iyong computer, buksan ang Google Maps.
  2. Piliin ang lugar na gusto mong i-flag.
  3. I-click ang Magmungkahi ng pag-edit at pagkatapos ay Alisin ang lugar na ito.
  4. Piliin ang dahilan kung bakit dapat maalis ang lugar.
  5. I-click ang Isumite.
Nakatulong ba ito?
Paano namin mapapaganda ito?