Kung ginagamit mo ang Google Maps sa iyong computer at hindi nagso-scroll o nagpa-pan nang maayos ang mapa, may iba pang bersyong puwede mong gamitin.
Magpalipat-lipat sa mga bersyon ng Google Maps
May dalawang uri ng Google Maps sa iyong computer na puwede mong gamitin:
Default: Ito ang default na view.
Satellite: Nagpapakita ang view na ito ng detalyadong koleksyon ng imahe, na may kasamang 2D at 3D na view. Para i-enable ang satellite map, i-click ang icon ng Mga Layer/Satellite sa kaliwang bahagi sa ibaba.
I-enable ang 3D mode sa Maps
3D mode: Kasama sa bersyong ito ang maayos na pag-zoom at mga transition, mga 3D na gusali at feature, mga kolesykon ng imahe mula sa satellite, at karagdagang detalye. Para i-activate ang 3D mode:
- Buksan ang Maps sa Satellite mode.
- Siguraduhing naka-enable ang globe view.
- Mag-hover sa icon ng "Mga Layer."
- I-click ang Higit pa.
- I-click ang checkbox sa tabi ng "Globe view."
- I-click ang icon ng 3D sa kanang bahagi sa ibaba, sa ibaba ng compass.
2D Mode: Posibleng gumana nang mas maayos ang bersyong ito ng Google Maps sa mga computer na mas luma o mas mababa ang performance. Wala itong 3D na larawan o WebGL, at gumagamit ito ng mga simpleng pag-zoom at transition. Buksan ang Maps sa 2D Mode.
Google Search na lang ang gamitin
Kung hindi gumagana ang Google Maps sa iyong computer, puwede kang maghanap ng mga lugar, negosyo, at direksyon sa Google Search.
Tingnan ang mga kinakailangan sa system at browser
Kung nakakatugon ang iyong computer sa mga kinakailangan pero hindi mo pa rin nakikita ang kumpletong bersyon ng Maps na may 3D, suriin ang iyong browser. Bina-block ng ilang browser ang teknolohiyang WebGL na ginagamit upang gumawa ng mga larawang 3D. Para malaman kung aling mga browser ang maaaring magdulot ng mga problema, tingnan ang listahang ito para sa higit pang impormasyon. Para malaman kung makakagamit ng WebGL ang iyong web browser, tingnan ang website na ito.