Hanapin at gawing mas tumpak ang iyong lokasyon

Posibleng nahihirapan ang Google Maps na hanapin ang iyong lokasyon. Kung hindi tumpak o nawawala ang lokasyon sa GPS ng iyong asul na tuldok sa mapa, puwede kang gumawa ng mga hakbang na makakatulong na ayusin ang problema.

Tip: Papahusayin din ng mga hakbang na ito ang mga resulta ng paghahanap mo at gagawin nitong mas may kaugnayan sa iyo ang mga ito.

Hanapin ang iyong kasalukuyang lokasyon sa mapa

1. Sa iyong Android phone o tablet, buksan ang Google Maps app .
2. Ipapakita ng asul na tuldok sa mapa ang iyong lokasyon. Kung walang asul na tuldok, sa kanang bahagi sa ibaba, i-tap ang Iyong lokasyon .

Tip: I-tap ang asul na tuldok. Sa bagong window na lalabas, puwede mong i-on o i-off ang Lokasyon ng device o History ng lokasyon mo.

Paano hinahanap ng Maps ang kasalukuyan mong lokasyon

Tinatantya ng Maps kung nasaan ka batay sa mga source gaya ng:

• GPS: Gumagamit ng mga satellite ang Maps para malaman ang iyong lokasyon hanggang sa humigit-kumulang 20 metro. Kung minsan, hindi tumpak ang GPS kapag nasa loob ka ng mga gusali o nasa underground ka.
• Wi-Fi: Nakakatulong ang lokasyon ng mga kalapit na Wi-Fi network sa Maps na malaman kung nasaan ka.
• Cell site: Puwedeng maging tumpak ang iyong koneksyon sa mobile data hanggang sa ilang libong metro.

I-on ang high accuracy mode

Para matulungan ang Google Maps na hanapin ang iyong lokasyon gamit ang pinakatumpak na asul na tuldok, gamitin ang high accuracy mode.

1. Sa iyong Android phone o tablet, buksan ang app na Mga Setting .
2. I-tap ang Lokasyon.
3. Sa itaas, i-on ang lokasyon.
4. I-tap ang Mode Napakatumpak.

Higit pang paraan para gawing mas tumpak ang lokasyon

Kung mali pa rin ang iyong lokasyon, narito ang ilang bagay na puwede mong subukan.

I-on ang Wi-Fi

1. Sa iyong Android phone o tablet, buksan ang app na Mga Setting .
2. Piliin ang Wi-Fi.
3. Sa itaas, i-on ang Wi-Fi.

I-restart ang iyong telepono o tablet

Para i-restart ang iyong Android phone o tablet, i-off at i-on ito.

• I-off ang iyong telepono o tablet: Pindutin nang matagal ang power button I-off.
• I-on ang iyong telepono o tablet: Pindutin nang matagal ang power button hanggang sa mag-on ang iyong device.

I-calibrate ang iyong telepono o tablet

Kung malawak o nakaturo sa maling direksyon ang beam ng iyong asul na tuldok, kakailanganin mong i-calibrate ang iyong compass.

1. Sa iyong Android phone o tablet, buksan ang Google Maps app .
2. Igalaw ang device sa hugis 8 hanggang sa ma-calibrate ang iyong compass. Ilang beses mo lang itong dapat gawin.
3. Dapat ay maging maliit ang beam at dapat ay nakaturo ito sa tamang direksyon.

Pag-calibrate sa Live View

I-orient ang iyong sarili sa Live View

Mabilis na i-orient ang iyong sarili sa paligid mo at sa malalapit na palatandaan sa Live View. Puwede mo ring malaman kung gaano kalayo ang ilang partikular na palatandaan sa iyo at kung paano pumunta roon. Puwedeng kasama sa mga palatandaang ito ang mga iconic na lugar, tulad ng Empire State Building sa New York City, o mga madaling makilalang lugar, tulald ng mga lokal na parke at atraksyong panturista.

Mayroong 2 paraan para i-orient ang iyong sarili sa Live View gamit ang mga palatandaan: 

• Maghanap ng lugar o i-tap ito sa mapa. Pagkatapos, sa kanang bahagi sa ibaba, i-tap ang Live .
• Maghanap ng kategorya, tulad ng “mga restaurant” o “mga shopping mall,” pagkatapos ay i-tap ang Tingnan ang mapa.
  • Mag-scroll sa mga mapagpipiliang lugar, pagkatapos ay pumili ng isa.
  • I-tap ang Live .

Kapag nasa Live View ka na:

1. Sundin ang mga tagubilin sa screen para tulungan ang Maps na mahanap ang iyong lokasyon.
   Tip: Itutok ang camera ng iyong telepono sa mga gusali at karatula sa kalye sa halip na sa mga puno at tao.
2. Kapag alam na ng Maps kung nasaan ka, matatanggap mo ang distansya papunta sa iyong destinasyon. Puwede ka ring pumasok sa direksyon sa paglalakad ng Live View.

Tip: Posibleng ipaalam sa iyo ng card ng impormasyon ng lugar mo kung nasa itaas na palapag ng gusali ang iyong destinasyon.

Gawing mas tumpak ang iyong lokasyon gamit ang Live View

1. Sa iyong Phone o iPad, habang nasa labas ka, buksan ang Google Maps app .
2. I-tap ang asul na tuldok   I-calibrate gamit ang Live View .
3. Sundin ang mga tagubilin sa screen.

Mga Tip: 

• Itutok ang camera ng iyong telepono sa mga gusali at karatula sa paligid mo, sa halip na sa mga puno at tao.
• Depende sa availability ng Street View, posible o hindi posibleng buksan ng Maps ang Calibrator ng Live View.
• Nagiging mas tumpak ang iyong posisyon sa Maps kapag nakakuha na ng mas maraming data sa lokasyon mo.

Ang ibig sabihin ng asul na tuldok

Ipinapakita ng asul na tuldok ang iyong lokasyon sa mapa. Kapag hindi sigurado ang Google Maps sa iyong lokasyon, magkakaroon ng light blue na bilog sa paligid ng asul na tuldok. Posibleng nasa isang lugar ka sa loob ng light blue na bilog. Kung mas maliit ang bilog, mas sigurado ang app sa iyong lokasyon.

Mga Tip:

• Kung hindi nakikita o gray ang asul na tuldok, hindi mahanap ng Maps ang iyong kasalukuyang lokasyon at ipinapakita nito ang huling lokasyong pinuntahan mo.
• Kung may nakapagitna sa iyo at sa mga cell site, gaya ng paradahan o matataas na gusali, posibleng hindi tumpak ang asul na tuldok mo.

Makita ang iyong lokasyon sa ibang site at app

Para makita sa ibang site at app ang iyong lokasyon sa Google Maps, sundin ang mga hakbang sa itaas. Gayunpaman, magiging iba ang ilang feature:

• Gagamit ka ng ibang site o app, hindi ng Google Maps
• Dapat ka munang magbigay ng pahintulot sa lokasyon sa site o app na ginagamit, hindi sa Google Maps.
• Kung Google Chrome o Safari ang bubuksan mo, makikita mo lang ang iyong lokasyon sa mga secure na web page. Makikita mo ang "https" sa address bar.