Svindl er sviksamleg áætlun sem blekkir fólk til að láta af hendi peninga eða persónuupplýsingar. Hér fyrir neðan eru ábendingar sem hjálpa þér að bera kennsl á svindl sem tengist einkunnum og umsögnum og úrræði sem þú getur notað ef þú telur þig hafa orðið fyrir barðinu á slíku.
Ábendingar til að bera kennsl á svindl
- Passaðu þig á skilaboðum, tölvupósti eða símtölum frá óþekktum tengiliðum sem biðja um eða bjóða fjármálafærslu.
- Svindlari gæti t.d. boðið þér pening fyrir að gefa fyrirtæki sem þú hefur aldrei heimsótt eða átt í viðskiptum við einkunn eða umsögn á Google-kortum. Þegar viðkomandi hefur unnið sér inn traust þitt kann aðilinn að krefjast greiðslu fyrir fleiri svipuð verkefni.
- Varaðu þig á fólki sem biður þig um að millifæra peninga í gegnum gjafakort, inneignarmiða, rafmynt o.s.frv. til að grípa til aðgerða á Google-kortum eða annarri Google-þjónustu.
- Svindlari gæti t.d. beðið þig um að greiða sér fyrir að birta 5 stjörnu umsögn um staðinn þinn eða fyrirtækið. Ef þú neitar gæti viðkomandi hótað að birta 1 stjörnu umsagnir þar til þú samþykkir að greiða.
- Varaðu þig á fólki sem kveðst koma fram fyrir hönd Google eða annars fyrirtækis en hefur samband við þig án þess að nota fyrirtækistengt netfang og deilir tenglum á grunsamleg vefsvæði.
- Svindlari gæti t.d. sent þér reikning fyrir að nota eða skrá fyrirtækið þitt í Google-kortum, jafnvel þótt ekkert kosti að stofna fyrirtækjaprófíl og skrá fyrirtæki á Google.
Mikilvægt: Svindl eru hönnuð til að hljóma aðkallandi. Engin heiðarleg stofnun krefst greiðslu fyrir persónuupplýsingarnar þínar upp úr þurru. Nánar um svindl.
Tilkynna grunsamlega virkni
Ef þú finnur efni eða prófíl sem þú telur brjóta gegn reglum okkar skaltu tilkynna það strax:
- Tilkynna og lagfæra óviðeigandi efni
- Tilkynna óviðeigandi notandaprófíl
- Tilkynna brot af hendi prófílumsjónarfyrirtækis þriðja aðila
Mikilvægt: Þú getur einnig sent tilkynningu til opinberra stofnana. Nánar um að senda tilkynningar til opinberra stofnana.
Stefna Google-korta gagnvart svindlurum
Við umberum ekki svindlara. Google-kort hafa virkt eftirlit með sviksamlegu efni. Þegar við finnum svindlara grípum við til ýmissa aðgerða gegn þeim, þar á meðal:
- Fjarlægja efni
- Loka reikningi
- Málaferli
Tengd gögn
- Ef þú ert eigandi fyrirtækis skaltu skoða reglur okkar um að gera tilkall til fyrirtækis á Google-kortum.