Gamitin ang Smart na Pag-email

Maaari mong pahintulutan ang Gmail na tulungan kang gumawa ng mga email nang mas mabilis. Pinapagana ang Smart na Pag-email na feature ng machine learning at magbibigay ng mga mungkahi habang nagta-type ka.

Tandaan: Ang Smart na Pag-email ay isang setting na nasa antas ng Google Account. Inilalapat ang mga pagbabago sa mga setting ng Smart na Pag-email sa anumang device kung saan naka-sign in ang iyong account.

Para tanggapin ang isang suhestyon, pindutin ang Tab. 

I-on o i-off ang Smart na Pag-email

Bilang default, awtomatikong mag-aalok ang Gmail ng mga suhestyon. 

1. Sa iyong computer, buksan ang Gmail.
2. Sa kanang sulok sa itaas,  i-click ang Mga Setting   Tingnan ang lahat ng setting.
3. Sa ilalim ng “Pangkalahatan,” mag-scroll pababa sa "Smart na Pag-email."
4. Piliin ang Naka-on ang mga suhestyon sa pagsusulat o Naka-off ang mga suhestyon sa pagsusulat. 

Tandaan: Available ang Smart na Pag-email sa English, Spanish, French, Italian, at Portuguese. Ang Smart na Pag-email ay hindi dinisenyo para magbigay ng mga sagot at maaaring hindi palaging mahulaan ang mga tamang impormasyon ayon sa katunayan.

I-on o i-off ang mga custom na mungkahi

Bilang default, awtomatikong magbibigay ang Gmail ng mga suhestyon batay sa iyong istilo ng pagsusulat.

1. Sa kanang bahagi sa itaas, i-click ang Mga Setting   Tingnan ang lahat ng setting. 
2. Sa ilalim ng “Pangkalahatan,” mag-scroll pababa sa "Pag-personalize ng Smart na Pag-email."
3. Piliin ang Naka-on ang pag-personalize o Naka-off ang pag-personalize.

Tungkol sa mga custom na suhestyon

Ang mga naka-personalize na mungkahi ng Smart na Pag-email ay iniaangkop sa paraan ng iyong karaniwang pagsulat, para mapanatili ang istilo mo ng pagsulat. Ikaw lang ang makakakita ng iyong sariling pribado at naka-personalize na mga mungkahi para sa account mo. Walang ibang user, kabilang ang mga administrator para sa iyong organisasyon ang makakakita ng mga naka-personalize na mungkahi mo. Kapag naka-off ang pag-personalize, makikita mo ang mga generic na mungkahi habang nagta-type ka.

Magpadala ng feedback 

Puwede kang magpadala ng feedback pagkatapos mong gamitin ang Smart na Pag-email. Hindi kami makakasagot sa lahat ng feedback, pero matutulungan kami nitong mas humusay. 

Para magpadala sa amin ng feedback, sundin ang mga hakbang na ito: 

1. Para magsimula ng bagong email, sa kaliwang bahagi sa itaas, i-click ang Mag-email.
2. Sa kanang sulok sa ibaba, i-click ang Higit pa . 
3. I-click ang Feedback para sa Smart na Pag-email.
4. Mula sa listahan, piliin ang suhestyon ng Smart na Pag-email na gusto mong bigyan ng feedback. 
5. Piliin ang isyung pinakamahusay na naglalarawan sa iyong feedback. 
   Tandaan: Kung pipiliin mo ang Iba pa, isulat ang sarili mong paglalarawan ng isyu. 
6. I-click ang Isumite.

Tungkol sa machine learning

Habang gumagamit ang mga modelo ng pag-unawa sa wika ng bilyon-bilyon ng mga karaniwang parirala at pangungusap para awtomatikong malaman ang tungkol sa mundo, puwede rin ipakita ng mga ito ang mga cognitive bias ng tao. Magandang simula ang malaman ang tungkol dito, at ang pag-uusap sa kung paano ito pamamahalaan ay nagpapatuloy pa rin. Nangangako ang Google sa paggawa ng mga produkto na gumagana nang mahusay para sa lahat, at aktibong sinasaliksik ang mga hindi nilalayong bias at estratehiya para sa pagpigil.