மின்னஞ்சலை முன்னனுப்புவதற்குப் பதிலாக, Yahoo, Outlook மற்றும் பிற மின்னஞ்சல் முகவரிகளின் மின்னஞ்சலைப் பார்க்கவும் அனுப்பவும் Gmail ஆப்ஸைப் பயன்படுத்தலாம்.
Google அல்லாத பிற மின்னஞ்சல் கணக்கிற்கும், Google கணக்கிற்குக் கிடைக்கும் Gmail அம்சங்கள் பலவற்றைப் பயன்படுத்த முடியும்:
- அனுப்புநர், தலைப்பு அல்லது பிற நிபந்தனைகளின் அடிப்படையில் மின்னஞ்சலைத் தேடலாம்.
- மின்னஞ்சலை ஃபோல்டருக்கு நகர்த்தலாம்.
- மின்னஞ்சல்களுக்குப் பதிலளிக்கும் விதத்தை மாற்றலாம்.
மின்னஞ்சல் கணக்கைச் சேர்த்தல் அல்லது அகற்றுதல்
Androidக்கான Gmail ஆப்ஸில் Gmail மற்றும் Gmail அல்லாத கணக்குகளைச் சேர்க்க முடியும்.
கணக்கைச் சேர்த்தல்- Android மொபைலிலோ டேப்லெட்டிலோ Gmail ஆப்ஸை திறக்கவும்.
-
மேலே வலதுபுறத்தில் உங்கள் சுயவிவரப் படத்தைத் தட்டவும்.
- மற்றொரு கணக்கைச் சேர் என்பதைத் தட்டவும்.
- சேர்க்க விரும்பும் கணக்கின் வகையைத் தேர்வுசெய்யவும்.
- Windowsஸுக்கான Outlook மூலம் பணி அல்லது பள்ளி மின்னஞ்சல்களைப் பார்க்கிறீர்கள் எனில் Outlook, Hotmail, Live போன்றவற்றைத் தேர்ந்தெடுக்கவும்.
- உங்கள் மின்னஞ்சல் சேவை காட்டப்படவில்லை எனில் 'பிற' என்பதைத் தேர்ந்தெடுக்கவும்.
- கணக்கைச் சேர்க்க, திரையில் தோன்றும் படிகளைப் பின்பற்றவும்.
- Android மொபைலிலோ டேப்லெட்டிலோ Gmail ஆப்ஸை திறக்கவும்.
- மேலே வலதுபுறத்தில் உள்ள உங்கள் சுயவிவரப் படத்தைத் தட்டவும்.
- இந்தச் சாதனத்தில் கணக்குகளை நிர்வகி என்பதைத் தட்டவும்.
- அகற்ற விரும்பும் மின்னஞ்சல் கணக்கைத் தட்டவும்.
- கணக்கை அகற்று என்பதைத் தட்டவும்.
மின்னஞ்சல் கணக்குகளுக்கு இடையே மாறுதல் அல்லது அவற்றின் அனைத்து மெசேஜ்களையும் பார்த்தல்
மின்னஞ்சல் கணக்குகளுக்கு இடையே மாறுதல்முக்கியம்: Gmail ஆப்ஸில் மெசேஜ்கள் ஒவ்வொரு கணக்கிற்கும் தனித்தனியாக இருக்கும்.
- Android மொபைல் அல்லது டேப்லெட்டில் Gmail ஆப்ஸை திறக்கவும்.
- மேலே வலதுபுறத்தில் உள்ள உங்கள் சுயவிவரப் படத்தைத் தட்டவும்.
- பயன்படுத்த விரும்பும் கணக்கைத் தட்டவும்.
- Android மொபைல் அல்லது டேப்லெட்டில் Gmail ஆப்ஸை திறக்கவும்.
- மேலே இடதுபுறத்தில் உள்ள மெனு ஐகானை தட்டி எல்லா இன்பாக்ஸ் என்பதைத் தட்டவும்.
Gmail ஆப்ஸில் கணக்கைச் சேர்ப்பது தொடர்பான சிக்கல்களைச் சரிசெய்தல்
பயனர்பெயர் மற்றும் கடவுச்சொல் ஏற்கப்படவில்லை
உங்களின் பிற மின்னஞ்சல் சேவையில் இவற்றைச் சரிபார்க்கவும்:
- சரியான சேவையகம், போர்ட் மற்றும் பாதுகாப்பு அமைப்புகள்.
- உள்நுழைய, குறிப்பிட்ட ஆப்ஸின் கடவுச்சொல் தேவைப்படுகிறதா?
உங்களுக்கு "மின்னஞ்சல் பாதுகாப்பிற்கு உத்தரவாதமில்லை" என்ற மெசேஜ் காட்டப்படுகிறது
உங்களின் பிற மின்னஞ்சல் சேவையில் மெசேஜ்களுக்கான அதிகபட்சப் பாதுகாப்பு அளவு ஆதரிக்கப்படவில்லை என்றால் இந்த எச்சரிக்கையை உங்களுக்குக் காட்டுவோம்.
சிக்கல் கடுமையாக இல்லை என்றால், பாதுகாப்பற்ற இணைப்பின் மூலம் உங்கள் கணக்கைச் சேர்ப்பதற்கான விருப்பத்தைப் பெறுவீர்கள்:
- "பாதுகாப்பு விசை" கீழ்த்தோன்றல் மெனுவைத் தட்டவும்.
- ஏதுமில்லை என்பதைத் தேர்ந்தெடுக்கவும்.
முக்கியம்: இந்த விருப்பத்தைத் தேர்வுசெய்தால், உங்கள் மின்னஞ்சல் சேவைக்கான உங்கள் இணைப்பு என்க்ரிப்ஷன் செய்யப்படாது. அதாவது, நீங்கள் சேர்த்துள்ள கணக்கிற்கான பயனர்பெயர், கடவுச்சொல் அல்லது மெசேஜ் தகவலைப் பிறர் பார்க்கக்கூடும்.
சான்றிதழ் பிழை ஏற்பட்டுள்ளது
பாதுகாப்பு இணைப்பை உங்களின் பிற மின்னஞ்சல் சேவை ஆதரிக்கவில்லை என்றால், சான்றிதழ் தொடர்பான பிழைச் செய்தி காட்டப்படலாம். சான்றிதழ் பிழைச் செய்திகளுக்கான உதாரணங்கள்:
- "சான்றிதழ் நம்பகமானதாக இல்லை"
- "சான்றிதழ் காலாவதியாகிவிட்டது அல்லது இன்னும் தகுதிபெறவில்லை"
- "சான்றிதழ் மாற்றப்பட்டது"
- "சான்றிதழின் தலைப்பும் ஹோஸ்ட்பெயரும் பொருந்தவில்லை"
- "சான்றிதழ் இல்லை"
பிழையைச் சரிசெய்ய, உங்களின் பிற மின்னஞ்சல் சேவையிடம் புகாரளிக்கலாம்:
- பிழைச் செய்தியில் மேலும் தகவல்கள் என்பதைத் தட்டவும்.
- மேலே வலதுபுறத்தில் உள்ள மூன்று புள்ளி மெனு ஐகானை தட்டி பகிர் என்பதைத் தட்டவும்.
- உங்களின் பிற மின்னஞ்சல் சேவையின் தொடர்புத் தகவலை நீங்கள் தேட வேண்டியிருக்கலாம்.
ஏதோ தவறாகிவிட்டது, அல்லது சேவையகத்தின் இணைப்பை Gmailலால் திறக்க முடியவில்லை
Gmail ஆப்ஸில் Exchange, POP போன்ற IMAP அல்லாத கணக்குகளைச் சேர்க்க முடியாது. வேறொரு வகைக் கணக்கைச் சேர்க்கிறீர்கள் என்றால் IMAP இயக்கப்பட்டுள்ளதை உங்கள் மின்னஞ்சல் வழங்குநரிடம் சரிபார்த்துக் கொள்ளவும்.